Freyr - 01.01.1964, Side 19

FRE YR
13
MENNogMÁLEFNI
Halldóra Bjarnadóttir er eina konan, sem Búnaðarfél. íslands hefur
kjörið' sem heiðursfélaga og hún er enn á lífi, gengur teinrétt um
götur og hvar sem hún annars ferðast og er þó orðin 90 ára að aldri.
Hún varð niræð þann 14. október í haust. Halldóru þarf ekki að
kynna, hana þekkir öll þjóðin, sumir sem kennara og skólastjóra,
aðrir sem stofnanda margra kvenfélaga og kvenfélagasambanda,
enn aðrir sem ráðunaut, leiðbeinanda og skipuleggjanda heim-
ilisiðnaðarmála með allri þjóðinni um áratugi, og svo þekkir hvert
mannsbarn hana sem rithöfund og ritstjóra tímaritsins Hlínar
um 45 ára skeið — hvorki meira né minna. Sívirk kona, um langa
ævi, starfandi að félags- og framfaramálum, verðskuldar auðvitað
að vera hyllt á efri árum og eðlilegt var að hún fékk kveðjur úr
ýmsum áttum á níræðisafmælinu. Elliheimilið á Blönduósi er nú heimili hennar.
Safni heimilisiðnaðarmuna og listmuna, sem Halldóra á og hún hefur ánafnað Búnaöarfélagi
íslands, verður senn komið fyrir á viðeigandi hátt í húsi búnað'arsamtakanna í Reykjavík. Það
er ekki í ótíma þó að FREYR geti afmælis þessarar heiðurskonu nú, tíundi tugur ævi hennar
er aðeins rétt að hefjast.
Þorsteinn Sigurðsson, formaður Búnaöarfélags Islands, átti sjö-
tugs afmæli þann 2. desember sl. Við það tækifæri lilaut hann
heimsóknir úr ýmsum áttum og veröugar viðurkenningar fyrir
margháttuð störf i þágu félagsmála bænda um áratugi.
í heimasveit hefur Þorsteinn verið við riðinn flest félagsmál
síðan hann á unga aldri geröist aðili að ungmennafélagsstörf-
um og innan héraðs má segja hið' sama, þó að samtök bænd-
anna hafi oftast kallað á hann til þátttöku i félagsmálum. Einri-
ig á víðara vettvangi hefur aðild hans verið vel þegin en mest
að sjálfsögðu í tengslum við hlutverk stjórnarformanns Bún-
að'arfélags Islands. Hann er enn bóndi heima á Vatnsleysu þótt
oft sé að heiman.
Árni G. Pétursson, kennari við Bændaskólann á Hólum, um
rúmlega eins árs skeið settur skólastjóri, eða til miðsumars
sl. er Haukur Jörundsson tók þar við starfi, hefur frá 1.
desember 1963 verið ráðinn hjá Búnaðarfélagi íslands sem
ráðunautur í sauðfjárrækt.