Freyr - 01.06.1966, Síða 26

288
FREYR
Skýrsla um prófanir og tilraunir
framkvœmdar á órinu 1965
Það er verkfæranefnd ríkisins, sem sent hefur á
prent þessa skýrslu, og er hún hin 12. í röðinni, er
segir frá þeim athugunum og prófunum, sem Verk-
færanefndin hefur látið framkvæma. Á árinu voru
17 landbúnaðarverkfæri til meðferðar og athugun-
ar og lokið prófunum á þeim. Hafa sum þessara
tækja ekki reynzt svo vel, að viðeigandi þyki að
gefa þeim þann vitnisburð, að þau séu við okkar
hæfi nema nokkrar breytingar séu á þeim gerðar.
Það er augljóst mál, að ýmiss tæki og búnaður, sem
aðrir nota með ágætum árangri, hæfa ekki eins vel
hér á landi. Það á við um ýmissar vélar til jarð-
vinnslu, t. d. og svo til uppskerumeðferðar. Hitt er
aftur á móti óþarft að prófa hér tæki og búnað, sem
notaður er við nákvæmlega sömu skilyrði og á sama
hátt og annarsstaðar, svo sem er við mjólkurmeð-
ferð, Umsögn um slíkan búnað, frá erlendum próf-
unarstöðvum hafa sama gildi hér og þar og ætti að
vera óþarft að leggja vinnu og fjármuni til slíkrar
endurprófunar hér, þegar nóg annað er að gera.
Réttast væri að Verkfæranefnd — eða staðgengill
hennar — birti á íslenzku niðurstöður þeirra at-
hugana, sem gerðar eru langtímum saman á til-
raunastofnunum erlendis, viðvíkjandi búnaði af því
tagi, þegar — eða ef — hann er fluttur til landsins.
Ritið er 39 tölusettar síður að meðtöldu yfirliti á
ensku.
Ársskýrsla
um búfjárerfðafrœði og ullarrannsóknir
1965
Stefán Aðalsteinsson, búfjárfræðingur, hefur sent
FREY fjölritaðan ritling með ofangreindu heiti. —
Fjallar hann um störf þau, sem höfundur hefur unn-
ið að á árinu og helztu niðurstöður, sem fengizt hafa
í þeim athöfnum. Náði gagnasöfnun um þessi efni
til rúmlega 2000 fjár, áa, gemlinga og hrúta, á bú-
um bændaskólanna svo og á Reykhólum og Skriðu-
klaustri. — í yfirgripsmiklum töflum eru gefin til
kynna ýmiss þau atriði, sem eru til rannsókna og
að sjálfsögðu taka sinn tíma, sum sjálfsagt um ára-
bil. Önnur sýna eðlilegar ársniðurstöður, sem ýmsir
bændur mundu spyrja um og má þar á meðal nefna,
að af 1584 ám á nefndum búum, létu fóstri 66, ein-
lembdar urðu 626, tvílembdar 884, þrílembdar 8 og
1,53 lömb urðu þá á hverja á. Af 1634 ám á þessum
búum drápust 50, en það svarar til 3%.
Af 313 gemlingum á sömu búum eignuðust 90
lömb og voru 13 þeirra tvílembdir. Vanhöld á 317
gemlingum, sem settir voru á vetur, voru 1,3%
Hver ær, sem lifði í sauðburðarbyrjun, skilaði að
hausti að meðaltali 21,05 kg lambakjöts, mestu á
Skriðuklaustri, 23,12 kg en lægst var meðaltalið á
Hólum, 18,31 kg.
Um ýmsar aðrar tölur, sem sumar eru taldar
bráðabirgðaniðurstöður, skal hér með vísað til
skýrslunnar, eða þeirrar skýrslu, sem eflaust mun
síðar koma út og ná yfir athuganir og rannsóknir
þessar, á vegum Rannsóknarstofnunar landbúnað-
arins.