Freyr - 01.08.1975, Side 26

22. Ástjörn við Hafnarfjörð.
23. Urriðakotsvatn í Garðahr., Gullbringusýslu.
24. Fjörur og strendur á utanverðu Seltjarnarnesi.
25. Eyjar í Kollafirði.
26. Leiruvogur við Kollafjörð.
27. Varmá í Mosfellssveit, Kjósarsýslu.
28. Brynjudalsvogur við Hvalfjörð.
C-flokkur. Loks er svo C-flokkur með um 70 staði og svæði, sem ekki verða
talin hér. Kennir þar margra grasa. M. a. eru þar allmörg stöðuvötn
og tjarnir, ýmis smærri og stærri mýrasvæði, sem enn hafa ekki verið
nægilega könnuð, fjörusvæði o. fl. Búast má við, að sum þeirra verði
síðar flutt í A- eða B-flokk.
Eins og sjá má af þessum upptalningum þá skipa flæðimýrarnar einna
fremstan sess í votlendisskránni. Kemur þar hvort tveggja til, að þeim
hefur verið minna raskað en öðrum mýragerðum, og auk þess eru þær
lífríkastar allra mýra. Næst koma svo ýmiss konar sjóflæður, fjörur og
grunnsævi, sem eru taldar mikilvægar fyrir fuglalíf landsins.
Votlendissvæði á hálendinu hafa yfirleitt ekki verið tekin með í skrána,
nema þar sem sérstaklega er vitað um áhættu, svo sem í Þjórsárverum.
Þykir réttara að stefna að allsherjarverndun fjalla- og hálendismýra
heldur en að velja úr einstök svæði (sbr. ályktun hér á eftir).
Tekið skal fram, að votlendisskráin hefur ekkert lagalegt gildi heldur
ber að skoða hana sem uppástungur. Hins vegar er þess vænst, að
eigendur eða umráðendur viðkomandi landssvæða telji sér skylt að
halda verndarhendi yfir þeim eftir fremstu getu. Jafnframt mun verða
leitast við að tryggja verndun sumra þessara svæða með friðlýsingu,
sem í flestum tilfellum yrði fólgin í viðhaldi votlendisins og landslags
á svæðinu en mundi á engan hátt hindra þar hefðbundnar nytjar. Hefur
322
F R E Y R