Freyr - 15.12.1979, Qupperneq 15

Myndin er frá tilraunastöö í Saudi-Arabíu. Baggarnir á úlfaldanum eru lúsernuhey af tilraunareitum. Lögmál
landbúnaðarins eru þau sömu hvar sem er í heiminum þó að aðstæður séu mismunandi.
(sölt skolast ekki úr jarðveginum og jarð-
vegsefni berast ekki með því vatni.) Auk þess
geta slíkar stíflur haft mikil áhrif á strand-
lengjuna og sjóinn, þar sem stífluvatnið
rennur til sjávar.
Ein besta trygging fyrirvernd náttúrunnar
er vel rekinn búskapur með framleiðslu í
samræmi við afkastagetu umhverfisins. Hins
vegar er hætta á, að ýmis efni, sem notuð eru
til framleiðslunnar, bæði tilbúinn og lífrænn
áburður, valdi mengun, ef ekki er að gætt.
Ofnotkun eiturefna getur stofnað heilsu í
hættu. Því ber að setja ákveðnar reglur um
notkun þessara efna og hvernig eigi að ráð-
stafa úrgangi.
Aðalhættan af áburðarefnum stafar af
mengun straumvatna og stöðuvatna. Skor-
dýraeitur drepur ekki bara skaðdýr heldur
einnig gagnleg skordýr og skaðar fuglalíf.
Orgenochlorinealdrin og dieldrin geta verið
krabbavaldandi.
Skaðleg áhrif af áveitum eru einkum
aukning á vatnsbornum sjúkdómum (water-
borne diseases), og er schistosomiasis al-
ræmdasta dæmið um þetta. Aukið hreinlæti í
þróunarlöndunum mundi laga þetta ástand
mjög.
Lokaorð.
í þessu erindi hefur verið fjallað almennt um
áhrif landbúnaðarframleiðslu á auðlindir og
umhverfi, og hvernig vernda megi þessa
þætti við ýmsar aðstæður í heiminum. Þótt
mikill munur sé á ástandinu hjá flestum þró-
unarlöndunum í samanburði við aðstæður
okkar á Norðurlöndum, eru vandamálin þó á
ýmsan hátt lík. Vandi okkar við að lifa í sátt
við umhverfið og náttúruna er þó barnaleikur
í samanburði við mörg þróunarlöndin. Mis-
munurinn kemurfram í höfuðástæðunni fyrir
erfiðleikum þeirra, stjórnlausri fólksfjölgun.
Ef hægt væri að stöðva fólksfjölgunina nú,
yrði vandi þeirra jafnlítill og okkarvandi. En
enginn má sofna á verðinum, og Norður-
löndin munu án efa halda áfram að gera
vandamál fátæku þjóðanna að sínum
vandamálum og styðja þær í að skapa þegn-
um sínum viðunandi lífskjör með bættri
meðferð og nýtingu lands, gróðurs og búfjár
og án þess að skaða náttúruna.
FREYR
821