Prentarinn - 01.01.1971, Blaðsíða 18

Datek-borðin. (Dæmi: orð-skipt-ingar). Reynist ó-
lijákvæmilegt að skipta orði milli lina fer tölvan
annað hvort eftir forskriftinni eða hún skiptir orð-
unum við eiltlivert bandstrikið. Vitanlega falla þau
bandstrik út úr textanum sem ekki þarf að nota
við skiptingu orða.
Compugraphic-vélarnar geta hvort heldur sett á
filmu eða ljósnæman pappír. Blöðin munu nota
pappír, þar sem hann er mun ódýrari og auðveldara
er að brjóta um pappír en filmu.
Compugraphic-fyrirsagnavélarnar liafa svipuð
leturborð og ritvélar og setjarinn getur haft fjórar
leturgerðir í vélinni samtímis og sett þær í 8 stærð-
um: 14, 18, 30, 36, 42, 48, 60 og 72 pt. Filman eða
pappírinn, sem fyrirsagnirnar eru settar á, er 35
mm á breidd og fyrirsagnir eru settar upp í eina
lengju og síðan klipptar til. Vélin getur ljósmyndað
12 stafi á sekúndu í stærðunum 14—18 pt„ en þrjá
stafi á sekúndu þegar komið er upp í 72 pt. letur.
Niðurröðun lyklanna í Datek-borðinu er nánast
sú sama og á ritvélum, þótt nauðsynlegt liafi reynzt
að bregða út af því í cinstökum atriðum, en auk
þess eru í borðinu allmargir stjórnunarlyklar og
sérstakur lykill er fyrir broddinn yfir í, ó, á, ú og é
og verður að slá hann á undan sjálfum stafnum
hverju sinni. A mörgum innskriftarborðum er text-
inn vélritaður jafnhliða því sem hann er gataður á
stjórnræmu. Slík ritvél er ekki í Datek-borðunum og
því heldur erfiðara að fylgjast með því sem sett er.
l’rentvélin er frá bandarísku Goss-verksmiðjun-
um og er ný. Hún hefur fimm „unit“ og getur
prentað 40 síður í einum lit, 32 síður í tveimur og
16 síður í fjórum litum og er þá miðað við „hálft
brot", eða sömu síðustærð og er á Tímanum.
Ætlunin er að ritstjórnir blaðanna liafi áfram
aðsetur á síinim gömlu stöðum, en hvert blað fái
aðstöðu í prentsmiðjuhúsinu fyrir prófarkalesara
og blaðamenn sem eru á vakt. Setjarasalnum verður
skipt í tvennt og verður Alþýðublaðið og Vísir
unninn fyrri hluta dags, en Tíminn og Þjóðviljinn
að kvöldinu. Hvort blað fær afnot af þremur inn-
skriftarborðum og fyrirsagnavél, en sameinast um
meginmálssctninguna á CG-vélarnar. Ljósmyndun,
plötugerð og prentun er auðvitað unnin sameigin-
lega.
Byrjunin lilýtur að verða erfið, þvf skipulagning
og samræming á svona samstarfi er áreiðanlega
flókin, m. a. vegna þcss að prentsmiðja og rit-
stjórnir blaðanna eru ekki á sama stað og í prent-
smiðju verður unnið með öðrum vélum og nýju efni
og blöðunum verður að ljúka á helmingi skemmri
tíma en nú. En fái fólkið, og þá ekki síður blaða-
menn, en starfsfólk í prentsmiðju, rétta og nægi-
lega þjálfun, mun komizt hjá margs konar amstri.
G. S.
Heidelbergskólar í 60 löndum.
Á þriðja áratug hafa Heidelbergverksmiðjurnar boð-
ið prenturum og ýmsum öðrum iðnaðarmönnum
sem starfa í prentiðnaði upp á námskeið þar sem
veitt er ókeypis þjálfun á Heidelbergvélar. Þetta
hefur verið lrluti af sölukerfi fyrirtækisins og yfir
70.000 manns hafa sótt þessi námskeið.
Heidelbergskólarnir eru nú liðlega 60 talsins víðs-
vegar um heirn og á síðustu árum hefur verið lagt
kapp á að fjölga þeim í þróunarlöndunuin, því þar
hefur bókaútgáfa aukizt mikið.
í beimaborg verksmiðjanna, Heitlelberg, verða á
þessu ári haldin um 100 námskeið og þá jafnt í
hæðarprentun sem offsetprentun og plötugerð. —
Myndin hér að ofan var tckin í október í fyrra þeg-
ar 12.000. nemandanum frá skólanum í Heidelberg
var afhent viðurkenningarskjal að námskeiði loknu.
Leiðrétting
Ritstjórn Prentarans hefur borizt bréf frá einum
félagsmanna HÍI’, þat' sem hann gagnrýnir harð-
lega misnotkun á nafni sínu í síðasta blaði Prent-
arans. í upptalningu á nýjum sveinum var hann
kallaður l’étur Ingi Gunnlaugsson og í skýrslu
skemmtinefndar Pétur Ingvi Gunnlagsson. Hans
rétta nafn er hins vegar Pétur Vngvi Gunnlaugsson.
Vér biðjumst að sjálfsögðu afsökunar á þessu mis-
ræmi, cn þó með því fororði, að í skýrslu skemmti-
nefndar í síðasta tbl. Prentarans var nafn Péturs
Yngva rétt skrifað í handriti, en prófarkalestur hef-
ur hins vegar ekki verið sem beztur.
hm.
16
PRENTARINN