Prentarinn - 01.01.1976, Blaðsíða 12

Verða
félögin
sameinuð?
Þar sem nú er unnið að sameiningu bókagerðarfélaganna,
Bókbindarafélags Islands, Grafíska sveinafélagsins og Hins ís-
lenzka prentarafélags, þótti „Prentaranum" forvitnilegt að
heyra álit formanna félaganna á sameiningarmálunum. Eftir-
farandi spurningar voru lagðar fyrir þá og fara svör þeirra hér
á eftir.
1.
Hvern telnr þú vera helsta
dvinninginn af sameiningu
bókagerðarfélaganna BFÍ,
GSF og HÍP?
2.
Telur þú að nauðsynlegt verði
að hafa deildaskiptingu i
nýja félaginu, og ef svo er,
hvert á vald deildanna að
vera?
3.
Hvað telur þú að Jtomi til
með að valda mestum erfið-
leikum samfara sameining-
unni?
4.
Hvencer telur þú að samein-
ingin verði orðin að veru-
leika?
5.
Hvað á nýja félagið að heita?
SVANUR JÓHANNESSON, formaður
Bókbindarafélags íslands:
1. Þar sem helsta verkefni félaganna
er að vinna að bættum kjörum
félagsmanna, þá er ákaflega mikil-
vægt að félagar þessara þriggja
vcrkalýðsfélaga, sem öll hafa samn-
inga við sama atvinnurekendafé-
lagið, standi saman sem ein heild,
þegar samningar eru gerðir. Helsta
ávinninginn tel ég því vera sam-
stöðuna sem myndast við samein-
inguna.
2. Já, ég tel það nauðsynlegt.
Vald deildanna ætti að vera á fag-
lega sviðinu t.d. að tilnefna menn í
iðnráð, prófnefndir, fræðslunefnd-
ir o. s. frv. Þá finnst mér að hver
deild verði að fjalla um sín sér-
mál, t. d. tæknimálin, verkmennt-
un og sveinspróf, cn þau mál eru
ofarlega á baugi um þessar mund-
ir. Valdið í þessum málum ætti að
vera hjá deildunum í samráði við
félagsstjórnina. Samningamál sem
snerta fagleg efni verða h'ka að
vcra undirbúin hjá deildunum.
Hjá aðstoðarfólkinu geta alltaf
komið upp mál r.em snerta það nær
eingöngu og væri þvf æskilegt að
það hefði sérstaka deild. Sama gild-
ir um félaga úti á landi, sérstaklega
á Akureyri.
3. Það hafa engir erfiðleikar komið í
ljós ennþá og ég sé ekki í fljótu
bragði erfiðleika samfara samein-
ingunni, en komi þeir í ljós þá er
að rcyna að yfirstíga þá.
4. A næsta ári eins og stefnt er að.
5. Félag bókagerðarmanna.
ÓLAFUR EMILSSON, formaður Hins
íslenzka prentarafélags:
1. Avinningur af sameiningu er
margvíslegur fyrir félagsmenn
allra félaganna. Má þar t.d. nefna:
að sameinaðir stöndum við langt-
um betur að vígi gagnvart við-
semjendum okkar,
að sameinaðir getum við Iangtum
betur tryggt atvinnuöryggi
félagsmanna,
að sameinaðir gerum við félags-
starfið öflugra og skemmtilegra
m.a. með aukinni þjónustu við
félagsmenn, og sameiginlegu
málgagni.
2. Deildaskiptingu tel ég ekki nauð-
synlega í því formi að hvert félag
eða hver iðngrein myndi deild
með játunar- eða neitunarvaldi.
Slík deildaskipting gerði stjórn fé-
lagsins áhrifalausa h'kt og sam-
bandsstjórn. Við verðum að stefna
beint í félagsformið. Hinsvegar er
ég fylgjandi því að starfandi séu
klúbbar innan hverrar starfsgrein-
ar, sem ræði þau vandamál sem í
deiglunni eru hverju sinni og geri
tillögur um úrbætur til stjórnar
félagsins.
3. Mestu erfiðleikarnir sem við er að
glíma og seinkað geta sameiningu
eru tortryggni, gamlar væringar,
stolt og hefðir.
4. Við verðum öll að vinna að því að
sameining félaganna verði að veru-
leika á næsta ári.
5. Eg óska þess, að félagið fái að heita
„Hið íslenzka prentarafélag", en
geri mér ljóst að við samruna fé-
laga erlendis hafa verið lögð nið-
ur gömul og gróin félagaheiti og
ný búin til.
12
PRENTARINN