Litli Bergþór - 01.12.2009, Blaðsíða 26

Undirfatamódel á skemmtikvöldi Kvenfélagsins í nóvember
2008 (Mynd Aðalheiður Helgadóttir)
Bókin hefur hlotið mjög góðar viðtökur og var hún
endurprentuð í þriðja sinn nú í haust. Hagnaðurinn
af þessari bók rennur allur í ferðasjóð félagskvenna.
Á hverju sumri stendur Kvenfélagið fyrir
skemmtiferð með eldra fólkinu í sveitinni. Þetta eru
dagsferðir og höfum við ferðast víðsvegar um sunn-
an- og vestanvert landið.í ár var farin ferð um
Reykjanesið. Sveitarfélagið hefur tekið þátt í þess-
um ferðalögum með því að borga fyrir rútuna. Þykir
okkur þetta alltaf hin besta skemmtun og vonum
bara að ferðafélagarnir hafi jafn gaman af og við
sjálfar.
Vorið 2008 var ákveðið að fara af stað með heilsu-
átak innan kvenfélagsins og koma á laggirnar
„hreystihóp“. Hugmyndin var að standa fyrir göngu-
ferðum um sveitina. Fyrsta gangan var farin um
skógræktarsvæðið á Galtalæk í boði Sigurbjargar
Snorradóttur og undir hennar leiðsögn. Þetta sama
ár var Ungmennafélagið líka með skipulagðar göng-
ur um merka staði í sveitinni og ákváðum við þá að
venda okkar kvæði í kross og slá okkur upp með
þeim. Var það bæði skemmtilegt og fróðlegt.
I sumar röltum við svo af stað aftur og farið var í
margar góðar gönguferðir. í lok sumars var svo
ákveðið að ungmennafélagið og kvenfélagið rugluðu
saman reitum og röltu saman um sveitina.
Hugmyndin er að halda þessu „sambandi“ áfram
næsta sumar og vonandi um ókomin ár.
Liður í þessu heilsuátaki Kvenfélagsins er að
stuðla að uppbyggingu tækjasalar í íþróttahúsinu, í
samvinnu við sveitarfélagið. Aðstaðan er fyrir hendi
en þarfnast lagfæringa. Undirbúningur er þegar
hafinn og höfum við fest kaup á fyrsta tækinu. Er
það trú okkar, að fleiri muni sýna þessu verkefni
áhuga og að með sameiginlegu átaki getum við
komið okkur upp góðri aðstöðu til að styrkja bæði
líkama og sál.
Á haustdögum var ráðist í það verkefni að gefa út
dagatal til fjáröflunar. Dagatalið prýða myndir af
nokkrum félagskonum og hefur það vakið mikla
athygli og fengið góðar viðtökur. Ágóðinn af sölu
þessa dagatals mun renna til áframhaldandi upp-
byggingar á tækjasal íþróttamiðstöðvarinnar í
Reykholti sem og til annarra góðgerðarmála.
Eg hef hér stiklað á stóru um starf Kvenfélagsins,
þó margs sé ógetið. Starf kvenfélagskvenna er vissu-
lega mikið og stundum strangt. En sveitungar góðir
og aðrir velunnarar! Hvað væri okkar starf ef ykkar
nyti ekki við? Við erum einungis verkfæri í höndum
samfélagsins, til að miðla til þeirra sem á þurfa að
halda, hvort heldur eru einstaklingar eða stofnanir.
Það sem af er þessu ári höfum við afhent styrki og
gjafir að andvirði hálfrar milljónar króna. Má þar
nefna framlag til kaupa á sónartæki til Heilbrigðis-
stofnunar Suðurlands, framlag til kaupa á leiktæki
fyrir Leikskólann Álfaborg og flleiri styrki.
Fyrir hönd Kvenfélags Biskupstungna, vil ég
þakka ykkur öllum sem hafið, bæði fyrr og síðar,
stutt okkur svo dyggilega í starfi. Kvenfélagið óskar
ykkur velfarnaðar og er það von okkar, að við
berum gæfu til að halda áfram á sömu braut um
ókomin ár.
Góðar stundir.
Margrét Baldursdóttir, formaður.
Litli Bergþór 26