Fréttabréf Ættfræðifélagsins - 01.04.1997, Blaðsíða 11
Skýrsla formanns Ættfræðifélagsins
á aðalfundi 27. febrúar s.l.
Þetta gerðist helst á árinu 1996. Á árinu héldum
við 8 stjómarfundi, 6 félagsfundi ogfengum fyrirlesara
á félagsfundi, sem töluðu um ýmis fræðandi og
skemmtileg efni. Okkur gengur erfiðlega að fá fólk
til að tala um ættfræði og þar af leiðandi sögu í
fyrirlestrum.
Svo eru það fundimir á Dvergshöfða 27, þeir hafa
verið vel sóttir og ánægjulegir. Við vorum með opið
hús á Dvergshöfða, 6 sinnum á síðasta ári og þá kom
fólk til leiðbeiningar, sem var úr þeim héruðum sem
voru til umfjöllunar í það skiptið. það er gaman fyrir
fólk að koma saman og tala um áhugamál sín og
ýmislegt annað því tengt, gera að gamni sínu, drekka
kaffi og skoða bækurnar sem félagið hefur fengið að
gjöf. Ættfræðifélagið hefur fengið talsvert af bókum
gefins, og er listi yfir þær bækur sem félagið fékk á
síðasta ári í síðasta Fréttabréfi. Við þökkum kær-
lega fyrir bækumar og þann áhuga og velvilja sem
þær sýna.
Félagsmenn fóru í ferðalag um Borgarfjörð 27 .júlí.
Var þetta ágæt ferð um söguslóðir Borgarfjarðar.
Það komu út 6 Fréttabréf á árinu 1996 og einn
einblöðungur sem var fundarboð fyrir félagsfund og
fundina í Dvergshöfðanum. Það er mikið verk að
vinna Fréttabréfið. Flálfdan Helgason hefur unnið
það í sjálfboðavinnu af miklum ágætum á síðustu
árum. Hann hefur mikið að gera og það er ekki hægt
að ætlast til þess að hann geti unnið eins mörg blöð og
verið hefur, við höfum því ákveðið að Fréttabréfið
komi út 3-4 sinnum á ári og þess á milli komi út
fundarboð fyrir fundi.
Það er unnið í Manntalinu 1910, Eggert Kjartans-
son er að laga fæðingardaga í Árnessýslu eftir
kirkjubókum á Þjóðskjalasafninu. Þá á Eggert eftir
að bera það saman, sem hann hefur gert, við frumrit,
á nýjan leik. Eg hef borið saman Manntalið, síðustu
útskrift, við fmmrit. Við emm að áætla að Ámessýslan
komi út seint á þessu ári.
Við sóttum um styrki til Menningarsjóðs og
Fjárveitingarnefndar Alþingis. Urlausninvarnokkuð
góð við fengum loforð um 200.000 kr. frá Menning-
arsjóði þegar Ámessýslan kemur út og 200.000 kr.
fengum við frá Menntamálaráðherra B imi Bj amasyni.
Einnig fengum við 200.000 kr. úr Ríkissjóði. Ég hélt
að það væri frá Menningarsjóði til
Rangárvallasýslunnar en svo er ekki. Ég talaði í fyrra
viðnokkraalþingismennogvoruþeirmjögalmennilegir,
meira að segja hringdu í mig þegar ég lét liggja
skilaboð fyrir þeim. Við þökkum Menntamálaráðherra
og alþingismönnum fyrir aðstoðina. Við sóttum líka
um styrk úr Þjóðhátíðarsjóði en fengum synjun, sem
er svolítið skrýtið, þar sem félagið fékk styrk til útgáfu
Manntalanna 1801 og 1845. Égheffengiðfyrirspumir
í síma og bréflega um Manntalið 1910 og Félagatal.
Það er spurt um í hvaða röð við ætlum að gefa
manntalið út. Við hófum útgáfuna á Skaftafellssýslum,
þar byrjar Suðuramtið og þar höfðu útgáfur á fyrri
Manntölum hafist. Svo förum við sólarsinnis kringum
landið. Rangárvallasýsla og Vestmannaeyjar eru
komnar út og við erum að vinna í Ámessýslunni.
Gullbringu-og Kjósarsýslur verða þar á eftir, svipuð
bók og Rangárvallasýsla, og svo Reykjavík og þaðan
höldum við vestur um land.
Nú stendur til að gefa út Félagatal enda er það
orðið mjög nauðsynlegt. Það eru alltaf breytingar og
endurnýjun í Félagatali og þarf að endurvinna það.
Það er mikill áhugi á ættfræði, það finn ég mjög vel,
því fólk hefur mikið samband við mig og er mjög
ánægt ef hægt er að leysa eitthvað, sem það er í
vandræðum með. Margir hringja til að spyrja um
eitthvað, eða ganga í félagið. Það er mjög gaman að
heyra í ánægðum félagsmönnum. Ég þakka fyrir
það.
Nú fara úr stjórn Þórarinn B. Guðmundsson og
Olafur G. Vigfússon. Þórarinn kom í stjómina 1988,
hann var fyrst varamaður en svo gjaldkeri til 1993.
Hann kom í stjórn aftur 1995 og var gjaldkeri. Olafur
kom í stjóm 1993 og hefur verið í varastjóm. Hann
hefur alltaf verið til taks þegar á hefur þurft að halda.
Við þökkum þeim gott samstarf og vel unnin störf.
HólmfríðurGísladóttir
11