Fréttabréf Ættfræðifélagsins - 01.04.1997, Side 19

- aðsent - aðsent - aðsent - aðsent - aðsent - aðsent - aðsent -
Frá Kanada skrifa félagi okkar Nelson S. Gerrard
og réttir Asmundi Una hjálparhönd auk þess sem
hann varpar fram nokkrum spurningum, sem hann
vonandi fær svör við hér í Fréttabréfinu.
Nelson Gerrard er af íslenskum ættum, talar og
ritar íslensku afbragðs vel og er þar að auki geysilega
ættfróður. Han hefur skrifað bókina Icelandic River
Saga sem fjallar um Islendinga, sem settust að í Nýja
Islandi, uppruna þeirra, ættir og niðja. Þetta er mikil
bók og eiguleg, rúmar 800 bls. í stóru broti.
Hér á eftir fer bréf Nelsons Gerrards.
Afkomendur Torfa Sveinssonar
Ásmundur Guðmundsson spyr um afkomendur
Torfa Sveinssonar frá Kirkjuskógi í Dalasýslu, en ein
dóttir Torfa og miðkonu hans var Kristfríður Jensína
Torfadóttir, sem getið er sem kona Jónasar Jónssonar
frá Krithóli í Skagafirði, landnámsmanns í Fljótstungu
við íslendingafljót, Nýja Islandi, á blaðsíðu 392 í
lcelandic River Saga. Þar er einnig birt mynd af
Kristfríði og Jónasi og þeirra fjölskyldu. Öll munu
börn Kristfríðar vera dáin núna, nema ef til vill
Ingibjörg (Emma) Williamsson, sem varfædd 1901,
en hana hafði ég samband við þegar ég var að semja
þennan kafla fyrir 1985. Sonurhennar, Lloyd Russell
Williamsson, mun vera á landinu við Belmont enn.
Yngsti sonur Kristfríðar, Torfi Johnson, á tvær dætur
á lífi á Gimli, Manitoba: Gwen (mMrs. Jack Phelps)
og Margaret (Mrs. Jack Lukiw), sem hægt væri að
hafa samband við með því að skrifa þeim c/o Gimli,
Manitoba, Canada ROC 1B0.
Þá er ég með eina spumingu sem snertir Richters-
ættina á íslandi, en ég hef fundið grein af þessari ætt
hér í Kanada. Maður sem hét Jakob Guðmundsson,
bókbindari, fluttist vestur frá Isafirði 1892, en eftir
nokkra dvöl í Winnipeg og Argylebyggðinni fluttist
hann vestur að hafi og settist að í V ancouver, kvæntur
Þórhildi Friðriksdóttur frá Kjama í Eyjafirði (hálfsystur
þeirra Friðrikssona Olgeirs, Friðjóns, Friðbjöms og
Árna af Sléttu). Ein dóttir Jakobs er enn á lífi í
Vancouver og fleiri afkomendur, sem nú eru farin að
fá áhuga á ættinni. Jakob Guðmundsson var sonur
Guðmundar JónssonarfráBjamarfosskoti í Staðarsveit
(sonar Jóns Helgasonar og Sigurbjargar Jónsdóttur
frá Vatnshorni í Húnavatssýslu), sem síðast var á
Isafirði og skildi við konu sína um 1880. Kona
Guðmundar en móðir Jakobs (sem fluttist vestur) var
Helga Jakobsdóttir frá Fróðárkoti á Snæfellsnesi,
dóttir Jakobs Samúelssonar (Jakobs Candemus
Samúelssonar Richter) og Málmfríðar Dagfinnsdóttur
frá Desey í Norðurárdal í Borgarfirði. Jakob Candemus
Samúelsson Richter, sem kvæntist síðar Margréti
Magnúsdóttur, ekkju í Stykkishólmi, dó í Garðshorni í
Setbergssókn 1852, barnlaus að öðru leyti að ég held,
nema fyrir dóttur hans Helgu. Málmfríður Dagfinns-
dóttir giftist síðar Jóni Eyjólfssyni úr Holtastaðasókn
í Húnavatnssýslu og varum tímaá Vindási í Setbergs-
Félagi okkar á Akranesi, Ásmundur
U. Guðmundsson, hefur verið iðinn að
leita svara hér í Fréttabréfinu við ýmsum
áleitnum spurningum. Félagsmenn hafa
brugðist vel við og sent svör sem vonandi
koma Ásmundi vel og ef til vill ýmsum
fleiri. Af viðbrögðum félagsmanna má
öllum vera Ijós sá ávinningur sem kann að
felast í því að senda fyrirspurnir í blaðið.
A
sókn, en hún átti engin böm nema Helgu, svo ég viti
til. Jakob Candemus Samúelsson Richter, sem hér er
getið, var fæddur í Flatey árið 1800, sonur Samúels
Candemus Jacobsen Richter frá Stangerup í Dan-
mörku, sem var mörg ár beykir á Breiðafirði og
Stykkishólmi, og fyrri konu hans, Guðrúnar Jónsdóttur
frá Melum á Skarðsströnd (systur Kapt. Ketils
Melsteds og bróðurdóttur Magnúsar Ketilssonar,
sýslumanns í Búðardal.
Albræður Jakobs Candemus Richters voru þrír:
Matthías, Magnús og Jón Richter, sem var mörg ár
kaupmaður í Stykkishólmi. Ereitthvert rit um Richters-
ættina? Veit nokkur um afdrif Guðmundar Jónssonar
frá Bjarnarfosskoti, sem skildi við konu sína, Helgu
Jakobsdóttur, Á ísafirði um 1880? Veit nokkur hvað
varð af Málmfríði Dagfinnsdóttur eftir 1851 þegar
hún og maður hennar, Jón Eyjólfsson, eru skráð
burtflutt að Kolviðarnesi í Eyjahreppi? Er einhver af
Richterunum sem hefur áhuga á að komast í sainband
við þessa ættingja í Kanada?
19