Árbók VFÍ - 01.01.1989, Síða 111

ístess hf. 109
(1988) var framleiðslan um 8.000 tonn og heildarsalan er nálægt 9.500 tonnum, þar af um
6.700 tonn til útflutnings.
Á þessu ári (1989) er reiknað með að framleiðslan verði 13-14.000 tonn, en það er í raun há-
marksframleiðslugeta verksmiðjunnar miðað við 5 daga vinnuviku. Sala er áætluð um 15.000
tonn, þar af um 9.000 tonn til útflutnings. ísland er fyrir nokkru orðið „netto útflytjandi“
fiskfóðurs og útflutningsverðmæti fiskfóðurs hafa verið meiri en útflutningsverðmæti lax, þó
þau hlutföll breytist vonandi strax á þessu ári.
Það fóður sem ístess hf. framleiðir er svokallað þanið þurrfóður, en slíkt fóður er langmest
notað í laxeldi og reyndar einnig við eldi annarra fiska. Um 3/4 hráefnisins eru loðnuafurðir,
mjöl og lýsi, en afgangurinn að mestu hveiti eða um 20% af hráefnisþörfinni. Á þessu ári er
áætluð notkun loðnumjöls um 8.000 tonn, lýsis um 2.300 tonn og hveitis um 2.700 tonn. Auk
þessa eru notuð við fóðurgerðina vítamín og önnur bætiefni. Mikil áhersla er lögð á gæði
hráefna og t.d. eru eingöngu notaðir bestu gæðaflokkar loðnumjöls og lýsis og hveitið sem
notað er, er venjulegt manneldishveiti.
Velta ístess hf. nam árið 1987 um 275 milljónum króna, 1988 tæpum 600 milljónum og er
áætluð 1989 1.100 - 1.200 milljónir kr. Starfsmenn eru 25 - 35 eftir árstíma.
Frá upphafi hefur megináherslan verið lögð á gæði framleiðslunnar og góða þjónustu við
viðskiptamenn. Vel menntað og metnaðarfullt starfsfólk, bæði í framleiðslu og sölustarfsemi,
er ein af forsendum öflugrar starfsemi, en auk góðs starfsliðs eru lykilorðin þekking, tækni og
hráefni. Góð afkoma fyrirtækisins á að vera mælikvarði á þá þjónustu sem viðskiptavinir njóta.
í markaðsstarfseminni er megináhersla lögð á þarfir viðskiptavina. Þetta hyggst fyrirtækið
gera með öflugri söluráðgjöf og segja má að söluvaran sé í raun ekki fóður, heldur árangur í
rekstri eldisstöðvanna. Góð afkoma þeirra er í raun trygging fyrir góðri afkomu fstess hf.
Segja iná að framleiðsla fiskfóðurs hafi gengið mjög vel eftir að ákveðnir byrjunarörðug-
leikar voru yfirstignir. Salan hefur einnig gengið mjög vel, en hins vegar er mjög erfitt að fá
andvirði þess hluta framleiðslunnar, sem fer á innlendan markað, greitt og er þetta sá þáttur í
starfseminni sem hefur valdið mestum erfiðleikum. Andvirði þeirra vara sem seldar eru í Fær-
eyjum og Noregi hel'ur hins vegar fengist greitt án teljandi erfiðleika.
Árið 1985 er talið að eftirspurn í heiminum eftir fiski og sjávar- og vatnadýrum ýmiskonar
hafi verið um 96 milljónir tonna. Af þessu mun eldi ýmiskonar hafa lagt til um 11 milljónir
tonna. Um aldamótin er reiknað með að eftirspurn hafi aukist 1115 milljónir tonna og er þá
reiknað með að framleiðsla eldisgreina verði milli 17 og 18 milljónir tonna. Það er því engum
vafa undirorpið að möguleikar í fiskeldi eru gífurlegir og við íslendingar verðum að ætla okkur
hluta af þessari köku.
Vöxtur fiskeldis hefur að sjálfsögðu í för með sér mikla möguleika fyrir þau fyrirtæki sem
starfa í tengslum við eldið. Svo fremi sem okkur íslendingum tekst að nýta okkur þá mögu-
leika sem við höfum á þessu sviði, er ástæða til
að líta björtum augum til framtíðarinnar fyrir
Istess hf. Fyrirtækið hefur vaxið upp samhliða
hérlendu fiskeldi og á ýmsan hátt deilt með því
bæði bjartsýni og byrjunarerfiðleikum. Þeir
möguleikar sem fólgnir eru í fiskeldi eru líka
möguleikar Istess hf. Fari hins vegar svo að fisk-
eldi nái sér ekki á strik hér á landi og þær vonir
bregðast, sem bundnareru við innanlandsmarkað,
hefur fyrirtækið þegar náð fótfestu á erlendum
mörkuðum.
Þurifóður til fiskeldis frá Istess hf.