Árbók VFÍ - 01.01.1992, Side 10

8 Arbók VFI 1990/91
Inngangur
Árbók VFÍ 1990/91, sem er þriðja árbók Verkfræðingafélags íslands, er loksins komin út, um
áramót 1991/92. Áætlaður útgáfutími árbókanna er september hvert ár, en erfiðlega hefur
gengið að standa við það. Þessi töf verður að skrifast á undirritaðan, en ein aðalástæðan fyrir
töfinni er hve erfiðlega gengur að afla efnis. Eina efnið sem var tilbúið á réttum tíma í vor, var
hlutur aðalstjómar og skrifstofu VFÍ í fyrsta kafla bókarinnar, auk þriggja tæknigreina. Sumar
greinar, sem lofað hafði verið, jafnvel í fyrri árbækur, skiluðu sér ekki þrátt fyrir mikla
eftirgangsmuni. Sumir smápistlar frá fagdeildum VFÍ þurftu 5-10 símtöl í eftirrekstri. Margir
verkfræðingar virðast hafa áhuga á að skrifa um hugðarefni sín, en fáir hafa tíma til þess. Samt
heyrir maður kvartað yfir því að ekki sé nóg að gera hjá stéttinni. Hví ekki að koma á framfæri
einhverjum vel unnum verkum með því að skrifa um þau grein í árbók VFÍ.
Þrjár fyrstu bækurnar eru að mestu leyti með sama sniði. Eflaust er kominn tími til að breyta
eitthvað til og eru tillögur þar að lútandi vel þegnar. Kynningargreinar frá fyrirtækjum og
stofnunum eru heldur fáar í ár, en þær hafa verið einn helsti tekjuliður bókarinnar. Ef til vill er
verðið of hátt nú á tímum aðhalds og samdráttar. Upphaflega var gert ráð fyrir að í þessum
greinum yrði sagt frá helstu framkvæmdum á landinu, en til dæmis stórvirki eins og Flugstöð
Leifs Eiríkssonar og hinar miklu endurbætur sem gerðar hafa verið undanfarin tvö ár í álverinu
í Straumsvfk hafa varla fengið nokkra kynningu í árbókunum. Vonandi verður hægt að gera
þessum verkum einhver skil í tæknigreinum í aftasta hluta bókarinnar síðar.
Tvær fyrstu árbækumar stóðu undir sér peningalega auk þess sem u.þ.b. 300 eintök af
hvorri bók eru til á lager og selja mætti nýjum félagsmönnum og öðrum áhugamönnum t.d.
tæknifræðingum á lágu verði. Þriðja árbókin virðist ekki ætla að standa undir sér fjárhagslega
og verður útlagður útgáfukostnaður félagsins nokkur hundruð krónur á hvern félagsmann.
Árbækurnar hafa verið gefnar út í 1.500 eintaka upplagi, sem dreifst hafa til félagsmanna,
auglýsenda og styrktaraðila, höfunda greina og svo þeirra sem keypt hafa bókina, þ.e. aðallega
bókasöfn og stofnanir auk nokkurra áhugamanna um tæknimál. Hafi menn áhuga á að stækka
upplagið er sennilega auðveldast að gefa bókina út í samvinnu við Tæknifræðingafélag íslands,
en þá myndi upplagið aukast um e.t.v. 700 eintök. VFÍ og TFÍ hafa nú þegar samvinnu um
tímaritið Verktækni, en geta má þess til gamans að meira en helmingur nýrra félagsmanna í
Verkfræðingafélaginu 1990/91, sem koma úr námi erlendis frá, hafa haft
viðkomu í Tækniskóla íslands. Meira en þrír fjórðu nýrra félagsmanna
komu úr námi erlendis frá.
Að lokum vil ég þakka góða samvinnu við stjórn VFÍ, þær Arnbjörgu
og Gurrí á skrifstofu VFÍ og félaga mína í útgáfunefndinni, sérstaklega
Ragnar Ragnarsson höfund Tækniannálsins. Sfðast en ekki síst vil ég
þakka Viktori A. Ingólfssyni, byggingartæknifræðingi, sem setti bókina
upp.
Birgir Jónsson, ritstjóri Árbókar VFI