Árbók VFÍ - 01.01.1992, Síða 36

34 Árbók VFÍ 1990/91
aðalfundar, lesið yfir reikninga VFÍ og hússjóðs, kynnt sér niðurstöður skoðanakönnunar fél-
agsins, og rifjað upp markmið þess, og með livaða hætti ætlast er til að stjórnin nái þeim.
15.1 Félagsstarfiö
Stjórn félagsins, kynningamefnd þess, deildarfélög og aðrir innan VFÍ halda uppi öflugu fél-
agsstarfi. Fundir bjóða upp á fjölbreytt efni, skoðunarferðir eru farnar og Fréttabréfið og Verk-
tækni flytja fréttir og fróðleik til félagsmanna. Samkvæmt skoðanakönnun VFÍ á síðasta ári er
heimsent lesefni lesið og líkar vel. Þar kemur líka fram að meirihluti félagsmanna tekur lítinn
þátt í félagsstarfinu en þeir sem gera það eru ánægðir.
15.2 Ársreikningur
Þegar fjárhagsáætlanir, sem lagðar voru fram á síðasta aðalfundi, eru bomar saman við niður-
stöður ársreikninga, kemur í ljós að árið hefur verið mjög hagstætt bæði fyrir VFÍ og hússjóð. í
áætlun fyrir VFI var gert ráð fyrir 3,4 m.kr. tapi sem fjármagna átti úr sjóðum félagsins. Tekjur
eru hærri en áætlað var og gjöld lægri þannig að rekstrarreikningur sýnir 461 þús. kr. tekju-
afgang. Innheimta félagsgjalda hefur gengið mjög vel og var innheimtuhlutfall 90,4% og á
starfsfólk skrifstofunnar og stjórnin lof skilið fyrir slíka frammistöðu.
Erfiðara er að bera saman greiðsluáætlun fyrir hússjóð sem lögð var fram á síðasta aðal-
fundi og ársreikninga hússjóðs, enda er hér um að ræða tvo ólíka hluti. Þó er ljóst að sjóðurinn
hefur staðið við allar skuldbindingar sínar og lækkað veðskuldir úr 29,4 m.kr. (verðlag des.
’89) í 23,9 m.kr. (verðlag des. ’90).
Hlutur hússjóðs af árgjöldum hefur verið hækkaður úr 22,5% í 40% til þess að hann geti
staðið við skuldbindingar án þess að taka ný lán. Hér er rétt að geta þess að VFÍ hefur gott orð
á sér sem skilvís greiðandi, en var það þvf miður ekki um árabil.
Það hefur verið venja að stjórn VFÍ skrifar ekki undir ársreikninga félagsins. Lagt er til að
stjómin skili undirrituðum reikningum til aðalfundar. Ennfremur er lagt til að stefnt verði að
því að gera einn ársreikning í stað tveggja, þ.e. að reikningar hússjóðs verði sameinaður árs-
reikningi VFÍ f framtíðinni.
15.3 Markmiö félagsins
Það er mat undirritaðs að stjómin hafi unnið vel að markmiðum félagsins og eftir þeim leiðum
sem til er ætlast. Það er þó rétt er að vekja athygli á einu atriði, sem leggja ber meiri áherslu á,
en það er markmiðið um „að auka álit verkfræðilegrar og vísindalegrar menntunar". í áður-
nefndri skoðanakönnun kemur fram að félagsmenn telja að rödd VFÍ heyrist of lítið í almennri
þjóðfélagsumræðu og þeir vilja að félagið auki virðingu og bæti stöðu verkfræðinga í
þjóðfélaginu.
Talsmannakerfið ætti að bæta úr þessu og svo er kjörið tækifæri þegar haldið verður upp á
80 ára afmæli VFÍ að bæta ímynd verkfræðinga.
15.4 Niöuriag
Þegar litið er yfir starfsáætlanir stjórnar, ársreikninga, fundargerðir og framkvæmdir, verður
ekki annað séð en að starfið sé gróskumikið og í anda félagslaga VFÍ og samþykkta aðalfundar.
Karl Omar Jónsson