Árbók VFÍ - 01.01.1992, Qupperneq 45

Skýrsla stjórnar 43
21 Orðanefnd RVFÍ
Starfsár orðanefndar RVFÍ er milli aðalfunda RVFÍ hverju sinni. Á tímabilinu 05.04.1990 til
16.05.1991 hélt nefndin 38 fundi. Fundir voru alla mánuði nema júní, 2 til 5 íhverjum. Nokkur
breyting varð á skipan í nefndina. Jón Dalmann Þorsteinsson og Þór Jes Þórisson hættu báðir
störfum, en Björgvin Njáll Ingólfsson gekk til liðs við nefndina. Guðmundur Guðmundsson
rafmagnstæknifræðingur hjá RARIK og Guðmundur K. Steinbach rafmagnsverkfræðingur,
fyrrum starfsmaður RR störfuðu með nefndinni á nokkrum fundum hennar, meðan fjallað var
um íðorð, sem títt eru notuð í gjaldskrám rafveitna. Nefndarmenn eru því nú 9 auk fulltrúa
Islenskrar málstöðvar. Meðalfundarsókn var sem næst 6 menn á fundi.
Starf nefndarinnar mótaðist mest af umræðum um tölvu handa orðanefnd og fjárstyrki VFÍ
og RVFÍ, samkomulag við Menningarsjóð um þóknun fyrir útgáfu Raftækniorðasafns 3 og
framtíðarhorfur í útgáfumálum auk umfjöllunar um ný og gömul íðyrði.
Hugmyndir eru gamlar um að nauðsynlegt væri, að orðanefnd eignaðist tölvu til að geyma
íðyrði og auðvelda leit að þeim, en fjárskortur hindraði kaup hennar. Fyrir mörgum árum síðan
hófst nefndin handa um að skrifa spjaldskrá yfir öll íðyrði í hennar fórum. Því verki var þó
engan veginn lokið, þegar umræður um tölvukaup voru orðnar raunhæfar innan nefndarinnar.
Unt eða eftir 1985 voru gerðar tilraunir til að skrá íðyrði ORVFÍ í tölvur Rafmagnseftirlits
ríkisins og Rafmagnsveitu Reykjavíkur og notuð mismunandi, einföld forrit til þess. Hér var
ekki um samræmdar aðgerðir að ræða og verkið sóttist seint, enda tilgangurinn sá einn, að
kanna, hvort hagræði væri í því að nota tölvu með svo einföldum forritum við leit að orðurn
eða orðstofnum. Þó kom ótvírætt í ljós að svo var. Hins vegar hefur ekki enn verið haft samráð
við íslenska málnefnd eða aðrar orðanefndir um sameiginlegt forrit eða aðferð við innslátt
upplýsinga.
Þóknun til orðanefndar fyrir útgáfu á Raftækniorðasafni 2 gaf fyrstu vonir um að tölvukaup
yrðu að veruleika. Á aðalfundi RVFI í apríl 1990 kom hins vegar fram sú hugmynd, að Raf-
magnsverkfræðdeild VFI kynni að aðstoða orðanefnd við kaup á tölvu með fjárframlagi. Síðan
hefur atburðarásin verið hröð: Stjórn RVFÍ ákvað að beita sér fyrir almennri fjársöfnun meðal
fyrirtækja og félagsmanna til að styrkja orðanefnd til tölvukaupa og lagði fram 30 þúsund kr.
úr félagssjóði sem framlag félagsins. Undirtektir voru afar góðar.
Samtals bárust framlög eða loforð um þau að upphæð 480.900 krónur. Kjöltulölva af gerð-
inni Hyundai Super LT 5 hefur nú þegar verið keypt. Tölvan og afgangur greiddra framlaga úr
söfnuninni ásamt skrá yfir gefendur voru afhent orðanefnd á aðalfundi RVFI 16. maí 1991 á
50. afmælisdegi nefndarinnar. Orðanefnd kann öllum þeim, sem létu fé af hendi rakna, alúðar-
þakkir fyrir, en einkum þó stjórn RVFI, sem stóð fyrir söfnuninni.
I framangreindri upphæð er talið framlag Verkfræðingafélags íslands, sem vildi minnast 50
ára afmælis RVFÍ og orðanefndar félagsins. Gjöf Verkfræðingafélagsins var afhent á aðal-
fundi þess í mars 1991. í ávarpi sem Þórarinn Magnússon formaður VFÍ flutti af því tilefni
sagði hann ma:
„Sjöunda febrúar 1941 var stofnuð Rafmagnsverkfræðideild VFÍ, en áður hafði
VFÍ veitt samþykki sitt og gert viðeigandi breytingar á lögum sínum. Stofnendur
deildarinnar voru 13 að tölu (eins og stofnendur VFI) og var Jakob Gíslason fyrsti
formaður hennar. VFl samþykkti lög deildarinnar 9. apríl 1941.
Rafmagnsverkfræðideildin var fyrsta sérdeildin innan VFÍ og allmörg ár liðu uns