Árbók VFÍ - 01.01.1992, Page 84

82 Árbók VFÍ 1990/91
Opinberar fjárfestingar eru taldar hafa minnkað um 3% í fyrra, eftir aukningu um 10% sam-
tals árin tvö á undan.
2.11 Þjóðarútgjöld
Einkenni þess samdráttar, sem hófst 1988 og nú er talinn hafa runnið sitt skeið, er að þjóðar-
útgjöld hafa aðlagast tekjum með skjótari hætti en oftast áður. Þessi samdráttur var einkar
áberandi 1989 er þjóðarútgjöld drógust saman um 7% þegar samdráttur í landsframleiðslu nam
tæpum 3%. Árið 1990 jukust þjóðarútgjöld hins vegar um 1,1% og voru alls 330,5 mia.kr.
2.12 Innflutningur
Alls voru fluttar inn vörur fyrir rúmlega 87,6 mia.kr. sem er um l,4% magnaukning frá fyrra
ári.
2.13 Viðskiptakjör
Viðskiptakjör í vöruviðskiptum eru talin hafa rýrnað unr l% milli áranna 1989 og 1990. Ef litið
er fram hjá viðskiptum með afurðir stóriðju bötnuðu viðskiptakjörin liins vegar um 2,5%. Þessi
munur stafar einkum af mikilli hækkun verðs á útfluttum sjávarafurðunr og lækkun verðs á áli
og kísiljárni.
Verðþróun í vöruskiptum á árinu 1990 mótaðist einkum af fjórum atriðum. í fyrsta lagi
hækkaði verð útfluttra sjávarafurða verulega, í öðru lagi var framhald óhagstæðrar þróunar á
verði áls og kísiljárns, í þriðja lagi breyttist olíuverð í rykkjum og skrykkjum á árinu, meðal
annars í kjölfar innrásar íraka í Kuwait í byrjun ágúst, og í fjórða lagi hækkaði verð innfluttra
vara minna en reiknað hafði verið með.
2.14 Viðskiptajöfnuður
Á síðasta ári varð halli á viðskiptajöfnuði 9,2 mia.kr., sem svarar til 2,7% af landsframleiðslu.
Vöruskiptajöfnuðurinn var jákvæður um 1,4% af landsframleiðslu. Ef ekki eru talin með inn-
og útflutningur á skipum og flugvélum varð þessi jöfnuður jákvæður um 3,5% af landsfram-
leiðslu. Vaxtajöfnuðurinn varð hins vegar neikvæður um 4,3% af landsframleiðslu vegna
mikilla erlendra skulda þjóðarbúsins.
Árið 1989 var viðskiptajöfnuðurinn einungis neikvæður um 1,6% af landsframleiðslu. Að
meðaltali hefur viðskiptahallinn síðustu 10 árin verið 3,2% af landsframleiðslu.
3 Verkfræðingar
3.1 Almennt um verkfræöinga
Skýrsla stjórnar um starfsemi Verkfræðingafélagsins starfsárið 1990/1991 er tremst í árbók-
inni og er þeim sem áhuga hafa á félagslegri starfsemi verkfræðinga bent á að lesa hana.
í skýrslu stjómar kemur fram að 45 manns gengu í félagið en aftur á móti gengu 52 úr
félaginu. Helstu niðurstöður könnunar atvinnumálanefndar Verkfræðingafélagsins á
atvinnuástandi verkfræðinga voru að verkefni fyrir verkfræðinga hefðu dregist saman, en enn
sem komið væri atvinnuleysi ekki útbreitt. Ennfremur kom fram að verkfræðingar væru í
biðstöðu vegna óvissu í stóiðjumálum.
3.2 Stéttarfélag verkfræöinga
Stéttarfélag verkfræðinga gerði á sama hátt og áður könnun á launakjörum verkfræðinga árið
1990 í samvinnu við Félagsvísindastofnun Háskóla íslands.