Árbók VFÍ - 01.01.1992, Blaðsíða 166

164 Arbók VFI 1990/91
því hver sentimetri í brúarþykktinni kostar á verðlagi í dag yfir 200 þús. kr. og sá léttleiki sent
átti að vera yfir brúnni hefði væntanlega glatast.
Því var sett upp nákvæmt finite element líkan af brúnni sem gaf einnig möguleika á
sveiflugreiningu með það í huga að greina hversu langt niður mætti komast með þykktir.
Með því að laga lengdarsnið plötunnar mjög nákvæmlega að vægidreifingu náðist að koma
meðalþykktinni á plötunni niður í 60 cm. Hlutfall lengdar og þykktar var þar með komið upp í
u.þ.b. 50 og brúin var þar með orðin með þynnri plötubrúm í heimi. Þessi grannleiki sést
líklega best á myndum af brúnni í smíðum áður en kantbitinn var steyptur en hann hylur
burðarkerfið að vissu marki (sjá mynd 3). Slík met kalla á verulega aðgætni. Það er einkum
tvennt sem er erfitt:
I fyrsta lagi er alltaf hætta á því að plastiskar formbreytingar geti orðið verulegar. Mjög
erfitt er að spenna svo granna brú það hátt upp að hún svigni ekki eitthvað undan eigin þunga.
Þessi svignun getur margfaldast með tímanum og það skapar erfiðleika við að gefa brúnni
form í upphafi. Þetta krefst því mjög nákvæmra útreikninga á yfirhæðum undirsláttarins.
í öðru lagi er hættan á því að brúin myndi sveiflast of mikið þegar þungaflutningavagn
kæmi inn á hana.
Ekkert vandamál er að ráða við það aukna álag sem sveiflan skapar í mannvirkinu. Vandinn
liggur nær eingöngu í því að meta hvort gangandi fólk finnur fyrir óþægindum þegar það geng-
ur yfir brúna í sveiflu.
Vandinn er tvíþættur. í fyrsta lagi að greina sveifluálag umferðarinnar og sveiflueiginleika
brúarinnar og hins vegar að meta tilfinningar fólks gagnvart þeim sveiflum.
Á síðari árum hafa brúarhönnuðir og vísindamenn fjallað töluvert um þessi vandamál og
gerðar hafa verið mælingar á samspili brúa og þungra ökutækja. Fyrsta hættumerkið er það ef
eigintíðni brúarinnar liggur á því tíðnibili sem þyngstu farartækin liggja á. Þessi tíðnibil eru
tvö. Annars vegar sveiflast öxlarnir með tíðni á bilinu 10-15 Hz og hins vegar er talið að vagn-
arnir sjálfir hafi tíðni á bilinu 2-5 Hz (2). Mynd 4 sýnir niðurstöður rannsókna í Sviss á sam-
spili þungra vagna og nokkra brúa (4).
Mynd 3 Brúin í smíðum. Greinilega sést hversu grönn hrúin er.