Árbók VFÍ - 01.01.1992, Qupperneq 204
202 Árbók VFÍ 1990/91
ásýnd hreinleika sem ferðamannaþjónustan gerir út á. Það væri því verulegur skaði, ef stundar-
hagsmunir skertu þessa auðlind. Þetta ákvæði ætti að taka til stærstu lindasvæða landsins
(Freysteinn Sigurðsson, 1990).
4.2 Áhættuflokkur II
Á svæðum í áhættuflokki II eru t.a.m. flestar bensínafgreiðslustöðvar á landinu. Þær eru flestar
í þéttbýli og í nánd við holræsakerfi bæjarfélaga. Undir þennan flokk heyra aðrennslissvæði
holræsa, vatna- og strandsvæði með minni vernd og grunnvatnssvæði með minna streymi en
sambærileg svæði í áhættuflokki I.
4.2.1 Vatna- og strandsvæði í flokki II sanikvæmt mengunarvarnarreglugerð
Fram kemur í grein 4.3.1 í mengunarvarnarreglugerð vegna varna gegn vatnsmengun um
flokk n.
Flokkur 11: Vötn, ár og lcekir sem nýta má til afrennslis.
Hér mun átt við afrennsli úr fráveitum s.s. skólp. Þar af leiðir, að ekki verða gerðar sömu
kröfur til mengunarvarna á þessum vatnsföllum og þeim er falla undir flokk I í mengunar-
varnarreglugerð. Hitt ber þó á að líta, að skólp er að jafnaði ekki eins hættulegt umhverfinu og
olía, svo ljóst er að þess vegna þarf að gera almennt nokkrar kröfur til búnaðar er geymir olíu,
þó hann sé staðsettur nærri vatnsföllum, er veita má í afrennsli s.s. skólpi.
4.2.2 Holræsi.
Það hafa orðið talsverð brögð af því að bensín hafi borist inn í holræsakerfi bæja með tilheyr-
andi lyktaróþægindum. Þetta ástand gerir kröfur til frágangs þannig að unnt sé að bregðast við
leka af þessu tagi í tæka tíð. Raunar er veruleg spurning hvort ákvæði um þessi nrál eigi ekki
að vera í flokki I, þar sem hér er urn heilsufarsatriði að ræða. Hér er átt við staði, sem liggja
nærri holræsakerfum (0 - 300 m), háð aðstæðum (lekt jarðlaga, grunnvatnsrennsli, hvort
geymamir eru við sjávarsíðuna eða ofarlega í landi o.fl.). Líkast til mun þetta ákvæði ná til
mjög margra bensínafgreiðslustaða í þéttbýli.
4.2.3. Grunnvatnsstreymi þar sem búast má við rennsli sem er á bilinu 0,01 - 0,001 1/s á
hvern lengdarmetra
Svæði þau, sem hér um ræðir, eru einkum á síðkvarteru gosbeltunum, utan þeirra gjöfulu
grunnvatnssvæða, sem sýnd eru á mynd 4. Afmörkuö, minni svæði f öðrum landshlutum falla
einnig undir þennan flokk. Útbreiðsla hinna meðalleku, síðkvarteru jarðmyndana eru sýnd í
einfaldri mynd á mynd 5.
4.3 Áhættuflokkur III
Þessi flokkur er hugsaður fyrir minni tanka t.d. við heimili, sem geyma það lítið magn af olíu,
að mengun frá þeim myndi ekki ná yfir verulega stórl svæði. Einnig er vel hugsanlegt að slaka
á kröfunum, ef ljóst er að grunnvatnið rennur ekki í burtu með mengunina.
4.3.1 Svæði sem eru augljóslega ekki í flokki I og II og eitthvað af eftirfarandi gildir um:
Þykkur og þurr jarðvegur með þétlum berggrunni undir. Olían getur þá ekki borist neitl í burtu.
Hún mun sitja í jarðveginum.
4.3.2 Olíuheldur jarðvegur (leir og silt)
Skýrir sig sjálft