Árbók VFÍ/TFÍ - 01.06.2007, Page 92

aukins fjármagnskostnaðar íslensku bankanna erlendis, hækkunar verðtryggðra vaxta og
ákvörðunar ríkisstjómarinnar um að hefta útlán Ibúðalánasjóðs. Bankarnir og Ibúða-
lánasjóður hafa hinsvegar aukið lánshlutfall íbúðalána á ný sem að öðru jöfnu ætti að
stuðla að auknum útlánavexti þegar fram í sækir Að stærstum hluta eru skuldir heimil-
anna verðtryggðar eða um 74%. I júlí 2006 dró úr skuldum heimilanna að raunvirði, eftir
að búið var að leiðrétta fyrir verðbólgu- og gengisáhrifum.
Utlánavöxtur til fyrirtækja hefur einnig verið mikill á undanförnum misserum. Utlán
jukust um rúma 400 milljarða króna milli ára fram í lok febrúar 2007 og em nú 1.694 millj-
arðar króna og er það rúm 30% aukning frá árinu á undan.
Bankarnir hafa þurft að bregðast við auknum útlánavexti á innlendum fjármálamarkaði
að mestu leyti með lánsfjármagni og í auknum mæli með erlendu lánsfjármagni. Stærstur
hluti fjármögnunar bankanna fer nú fram erlendis. Það endurspeglar að hluta síaukin
umsvif íslenskra banka erlendis á undanförnum árum. Aukning erlendra skulda
innlánsstofnana var rúm 55% frá febrúar 2006 til febrúar 2007. Á þessu sama tímabili
tvöfölduðust erlendar eignir þeirra. Hingað til hefur fjármögnun erlendis farið fram í
formi verðbréfaútgáfu og var virði hennar um 2.769 milljarðar króna í febrúar 2007. Til
samanburðar má geta þess að erlend verðbréfaútgáfa var um 215 milljarðar króna í
febrúar 2003. Fjármögnun innanlands er öðruvísi háttað. Innlán eru þar mikilvægasta
fjármögnunarleiðin í stað verðbréfaútgáfu. í febrúar 2007 voru innlend innlán rúmir 770
milljarðar króna og höfðu aukist um 18% frá sama tíma árið áður. Á móti var innlend
verðbréfaútgáfa 231 milljarðar króna á sama tíma.
Undanfarið hefur ríkt mikil bjartsýni á íslenskum
hlutabréfamarkaði og hefur úrvalsvísitalan OMXI15
hækkað verulega á síðastliðnu ári eða um tæp 36%.
Velta í Kauphöllinni hefur einnig verið með mesta
móti eða um 4.466 milljarðar króna, þar af 2.192
milljarðar á hlutabréfamarkaði en það er rúmlega
76% aukning. Við upphaf ársins 2006 gerðu flestir
aðilar á markaði ráð fyrir að hægja myndi á hækk-
unum á árinu. Línurit sýnir að á fyrri hluta árs 2006
var úrvalsvísitalan í lægri kantinum og eftir að
alþjóðleg umræða um íslenskt efnahagslíf fór í gang
hófst lækkunarhrina sem stóð fram í lok júlí. Síðan
þá hefur markaðurinn verið í stöðugu hækkunar-
ferli og virðist hafa náð stöðugleika á ný.
Skuldabréfamarkaðurinn hefur einnig verið líflegur
undanfarið. Árið 2006 var velta á skuldabréfa-
markaði tæplega 2.274 milljarðar króna sem er næst-
um 70% aukning frá árinu 2005 og hefur veltan
aldrei mælst jafnmikil. Viðskiptin voru að mestu
leyti með íbúða- og húsnæðisbréf og ríkisskuldabréf.
9 0 | Á r b ó k VFl/TFl 2007