Árbók VFÍ/TFÍ - 01.06.2007, Qupperneq 185

Viðbrögð við gróðureldum
Hinir miklu gróðureldar sem urðu á Mýrum í lok
mars 2006 kölluðu á margvísleg viðbrögð af hálfu
Brunamálastofnunar og fleiri aðila. Meðal annars
beindust sjónir manna að hættu á gróðureldum í
sumarhúsabyggðum og margvíslegum erfiðleikum
sem þar gætu orðið í slökkvistarfi. Litið var bæði til
viðbragða og forvarna. Ráðist var í að þýða og
staðfæra sænska bók um viðbrögð við gróðureldum
og er fyrirhugað að bjóða sérstök námskeið um
efnið. Eignarhaldsfélagið Brunabótafélag íslands
fjármagnar útgáfuna. Sænskur sérfræðingur var
fenginn hingað til lands til að fræða stjórnendur
slökkviliða um viðbrögð við gróðureldum og hélt
hann einnig erindi á ráðstefnunni Björgun 2006. Þá hófust viðræður Brunamálastofnunar,
Slökkviliðs höfuðborgarsvæðisins, Landhelgisgæslu íslands, ríkislögreglustjórans og
Skógræktar ríkisins um slökkvistarf með þyrlum og snemma árs 2007 var ákveðið að
festa kaup á 2000 lítra vatnsíláti sem getur komið sér vel í baráttu við gróðurelda.
Skipaður var samráðshópur fjölmargra aðila sem hefur það hlutverk að fjalla um hættu
á gróðureldum og viðbrögð við þeim, ekki síst með tilliti til sumarhúsabyggða. Skoða
þarf sérstaklega meðal annars vahisöflun í slíkum byggðum og setja kröfur um burðar-
getu vega.
Eignatjón var með minnsta móti
Brunamálastofnun hefur um árabil tekið saman upplýsingar um mann- og eignatjón
vegna eldsvoða hérlendis, borið þessar upplýsingar saman milli ára og yfir lengri tíma-
bil og sett þær í þjóðhagslegt samhengi. Jafnframt hefur stofnunin fylgst náið með stöðu
íslands í samanburði við önnur lönd og birt upplýsingar þar að lútandi. Öflugar
brunavarnir stuðla að auknum lífsgæðum. Það er flestum þjóðum því mikið keppikefli
að halda tjóni vegna eldsvoða í lágmarki.
Bætt eignatjón vegna bruna hérlendis nam 922 millj-
ónum króna árið 2006 og er það talsvert undir
meðallagi síðustu 15 ára. Þarf raunar að fara allt
aftur til ársins 1995 til að finna minna eignatjón af
völdum bruna á verðlagi ársins 2006. Arlegt
brunatjón frá 1981 hefur verið að meðaltali 1.159
milljónir króna á verðlagi júlí 2006.
Sé eignatjónið 2006 skoðað með tilliti til vergrar lands-
framleiðslu kemur í ljós að það er langt undir rneðal-
tali og með því minnsta sem um getur síðan 1981.
Tjónið 2006 nam 0,088 prósentum af vergri landsfram-
leiðslu ársins og hefur hlutfallið aðeins einu sinni á
tímabilinu verið lægra, 0,077 prósent árið 1993. Meðal-
talið frá 1981 á verðlagi hvers árs er 0,148 prósent.
Enginn stórbruni varð í byggingum á árinu 2006. Sá
eldsvoði sem mesta athygli vakti á árinu var gróður-
bruninn á Mýrum í mars en þar urðu ekki skemmdir
á mannvirkjum.
Eignatjón (eldsvoðum 1981-2006 á verðlagi
júll 2006. Meðaltal eignatjóna er 1.159
milljónir króna.
Félagsmál Vf(/TF( .183