Árbók VFÍ/TFÍ - 01.06.2007, Page 344

þannig i3-þjónana að senda sér þá pakka sem
auðkenndir eru þeim, mynd 2. Með þessu móti er
skilið á milli sendingar og viðtöku pakka. Kostur við
aðferðina er sá að hægt er að beita henni á núver-
andi interneti þar sem hún felst í því að koma fyrir
nýju netþjónalagi (e. overlay).
Þjónustutryggingar (e. Quality of Service, QoS)
Þjónustutryggingar eru varla þekktar á interneti nútímans. Þannig er ekki hægt að
tryggja gæði símtala sem fara um internetið, t.d. í. Skype, og ekki er hægt að tryggja gæði
sjónvarps eða annarrar þjónustu. Trygging þjónustugæða er forsenda fyrir því að fleiri
tegundir þjónustu verði boðnar og boðlegar á internetinu. Líklegt er að ný tækni til
þjónustutrygginga verði notuð á interneti framtíðarinnar. Hingað til hafa aðferðir tíðkast
sem beinast að einstökum pökkum eða að taka frá netgetu í beinum milli punkta. í stað
þess er nú horft til aðferða sem byggja á pakkaflaumi milli punkta. Með þeim aðferðum
eru pakkar merktir ákveðnum flaumi og sá flaumur fær fyrirfram ákveðna sérmeðferð í
beinum í hnútpunktum netsins. Þannig er hægt að tryggja að seinkun tiltekins flaums fari
ekki yfir mörk, að nægur bitahraði sé til staðar fyrir flauminn og að villulíkum sé haldið
í skefjum. Einnig opnast möguleikar á að senda flauminn til margra staða eða að nýta
sjálfstillt (e. adaptive) algrím fyrir beiningu, enda er ljóst að beining flaums krefst mun
minni reiknigetu en beining einstakra pakka. Þeir eru til sem telja að flaumbeining geti
þróast út í fastar „rásaskiptar pípur" á ljósneti. Þá væri gangur sögunnar kominn í hring
þar sem öll þróun undangengna áratugi hefur verið frá rásaskiptingu til pakkaskiptingar.
Öryggismál
Öryggismál núverandi internets eru nátengd því hlutverki sem IP-vistföngin leika.
Vistföngin eru tengd nethlutum og endabúnaði, segja til um staðsetningu á netinu og
auðkenni. Hægt er að gera árásir á beina og tölvur tengdar internetinu og gera óstarf-
hæfar (e. Denial of Service Attack) eða ræna vistföngum og koma fram undir fölsku
flaggi. Því er búist við að reynt verði að skilja milli auðkennis og netstaðar vistfanganna
sem hjálpar einnig til á öðrum sviðum, t.d. við færanleika. sbr. i3-leiðin, sem lýst er að
ofan. Annar vandi felst í því að notaðar eru fastar gáttir (e. ports) fyrir hverja þjónustu.
Þannig geta netglæpamenn ráðist á eða fylgst með ákveðinni þjónustu á þeirri tölvu sem
þeir girnast, t.d. vefaðgangi þar sem þeir geta til að mynda nálgast bankaupplýsingar
viðkomandi. Hugsanlegt svar við þessu væri að hafa slembigáttarnúmer þannig að
gáttamúmer ákveðinnar þjónustu væri óþekkt. Það er því líklegt að þróaðar verði nýjar
aðferðir við að gefa hlutum tengdum internetinu vistföng.
Framtiðartækni
Þróun aðgangsneta hefur verið mjög hröð undanfarin tíu ár með tilkomu DSL-tækninnar
(Digital Subscriber Loop). Bitahraði á símalínum hefur vaxið hröðum skrefum og nú er
hægt að veita meira en 100 Mb/s tengihraða á stuttum símalínum og framtíðin gæti borið
enn meiri hraða í skauti sér [4]. Einnig er hafin ljósvæðing aðgangsnetanna og mun
bitahraðinn þá eingöngu takmarkast af endabúnaði. Sífellt meiri fjarskiptahraða er krafist
3 4 2
Arbók VFl/TFl 2007