Árbók VFÍ/TFÍ - 01.06.2007, Page 358

Torsýnilegum og hefðbundnum lögnum verður valinn litur og gljástig þannig að þær
skeri sig síður úr umhverfi sínu.
Borteigar
Borteigar verða utan viðkvæmra svæða og umfangi og sýnileika þeirra haldið í lágmarki.
Borteigar verða gerðir þannig að þeir falli sem best að landi. Á borteig verður hægt að
koma fyrir allt að átta borholum. Til skoðunar eru tvær aðferðir til að draga úr sýnileika
á mannvirkjum borhola á yfirborði. Fyrri aðferðin byggist að hluta til á núverandi
útfærslu borholuhúsa Hellisheiðarvirkjunar og Nesjavallavirkjunar. Borplön yrðu form-
uð eftir aðstæðum og þar að auki yrði breyting á tæknilegri útfærslu á borholutoppi. Með
þessum aðgerðum má draga úr hæð mannvirkis yfir umhverfi þannig að hæð þess yrði
ekki meiri en 2,5 metrar. Þar að auki yrði mannvirkinu valinn litur og gljástig þannig að
það félli að umhverfi. Seinni aðferðin byggist á nýrri útfærslu við að koma fleiri en einni
borholu í borholukjallara. Kjallararnir yrðu um fimm metrar á dýpt og í hverjum kjallara
yrðu allt að fjórar þorholur. Aðgengi niður í þessa kjallara yrði að vera að minnsta kosti
á tveimur stöðum. Borplön yrðu formuð eftir aðstæðum og þar að auki yrði breyting á
borholutoppum sem leiðir til þess að á borteig þyrfti að reisa eitt lokahús. Staðsetning
lokahúss á borteig fer eftir lagnaleiðum á borteig og aðstæðum.
Frá borholum eru lagnir lagðar í lagnastokkum og safnæðastofnar teknir út úr borteig á
einum stað. Stefnt er að því að takmarka fjarlægð milli borholna í þeim tilgangi að
minnka umfang borteiga og þar með jarðrask. Að borun og blástursprófunum loknum er
aðeins einn hljóðdeyfir á hverjum borteig og verður hann gerður torsýnilegur.
Mynd 7. Nýr vegur við Hverahlíð byggður eftir nýjum áherslum.
Vegir
Vegframkvæmdum verður haldið í
lágmarki og reynt að nýta og endur-
gera gömul vegstæði eins og mögu-
legt er. Vegir eru byggðir þannig að
þeir falli sem best að landinu.
Gert er ráð fyrir að vegir innan virkj-
unarsvæðis verði með lágmarks-
uppbyggingu og að vegfláar, fláa-
fætur og skeringar verði í lágmarki. í
Hverahlíð hefur verið gerður vegur
þar sem þessar áherslur voru hafðar
í fyrirrúmi (mynd 7). Akvegir að
stöðvarhúsi verða með bundnu slit-
lagi og byggðir upp þannig að þeir
þoli nauðsynlegan þungaflutning
vegna virkjanaframkvæmda. Upp-
bygging þeirra verður að öðru leyti í
lágmarki.
Mannvirki
Mannvirki verða löguð sem best að umhverfinu. Þetta er gert með því að staðsetja og
hanna mannvirki og móta land í samræmi við sérkenni, náttúrufar og ásýnd lands.
Sýnilegur hluti mannvirkja og umhverfi þarf að samsvara sér bæði í formi og útliti.
3 5 6 | Arbók VFl/TFl 2007