Bændablaðið - 29.01.2002, Blaðsíða 2

2
BÆNDABLAÐIÐ
Þriðjudagur 29. janúar 2002
Landbúnaðarvefurinn opnaður
Guðni Ágústsson
landbúnaðarráðherra
opnaði landbúnaðarvefinn,
landbúnadur.is, í
húsakynnum RALA á
Keldnaholti þann 15.
janúar sl. Þeir aðilar sem
standa að vefnum í upphafi
eru: Aðfangaeftirlitið,
Bændasamtök Islands,
Lífeyrissjóður bænda,
Landbúnaðarháskólinn á
Hvanneyri, Rannsókna-
stofnun landbúnaðarins og
Yfirkjötmat ríkisins.
Fyrirtækið Hópvinnukerfi
hannaði hinn sameiginlega
grunn og mun bera ábyrgð
á viðhaldi hans. Hver
stofnun ber ábyrgð á
sínum þætti og allar fréttir
og nýmæli sem sett eru á
heimasíðu hverrar
stofnunar birtast sjálfkrafa
á landbúnaðarvefnum.
Nýjustu fréttirnar birtast á
forsíöu landbúnaðarvefsins
hverju sinni. Að sjálfsögðu
mættu fjölmiðlar á staðinn
og ræddu við Guðna um
vefinn og fleira.
Hér má sjá Þorgeir
Astvaldsson sem stýrir
síðdegisþætti á Bylgjunni
ræða við ráðherra. Þess má
geta að Þorgeir á ættir að
rekja vestur í Dali og er í
hópi þeirra fjölmiðlunga
sem hafa sýnt landbúnaði
mikinn áhuga.
Gagnagrunnskerfi [ sauðfjárrækt
Stáraukin kjánusta
við saufifjárbændur
Bændasamtök íslands og
Tölvusmiðjan ehf. hafa gert með
sér verksamning um fyrsta for-
ritunaráfanga við gerð gagna-
grunnskerfis í sauðfjárrækt á
Internetinu. Stefnt er að því að
þessum áfanga ijúki í vor. Hjá
Bændasamtökum Islands eru
vistaðir stórir gagnagrunnar í
sauðfjár-, nautgripa- og hrossa-
rækt. Unnið hefur verið að því á
undanförnum árum að auka
aðgengi að þessum grunnum -
m.a. með tengingu við inter-
netið.
Á siðasta ári var hafin vinna
við verkefnið Gagnagrunnskerfi í
sauðfjárrækt á netinu, en Rann-
sóknarráð ríksins veitti tveggja ára
styrk til verkefnisins. Áætlað er að
kerfið verði opnað sauðfjárbændum
í ársbyrjun 2003. Þama geta
bændur skráð skýrsluhald sitt beint
í miðlægan gagnagrunn á netinu.
Nú skrá bændur afurðaskýrslu-
haldið í forritinu Fjárvís og em
gögn send með tölvupósti. Röskur
helmingur uppgjörsgagna kom á
tölvutæku fonni á síðasta ári, en
hinir skiluðu inn handskrifúðum
fjárbókum til skráningar hjá
Bændasamtökunum. Þátttaka í
skýrsluhaldi meðal sauðljárbænda
er almenn.
Tölvukerfið verður hannað í
sama umhverfi og gagnagrunns-
kerfið WorldFengur (www.world-
fengur.com) sem er alþjóðlegur
gagnagmnnur um íslenska hestinn
á netinu. Að sögn Jóns Baldurs
Lorange, forstöðumanns tölvu-
deildar Bændasamtakanna, er með
þessu stigið stórt skref til að auka
þjónustu við sauðijárbændur. Með
þvi að opna fyrir aðgang að netinu
er mögulegt að tengja margs konar
gagnagrunna saman og koma
upplýsingum fýrr til bænda.
Hugbúnaðarþróun hjá Bænda-
samtökunum hafi verið töluverð á
undanfömum ámm en með
samningnum við Tölvusmiðjuna
ehf. á Egilsstöðum er stutt við
bakið á slíkri þróun á lands-
byggðinni, en Tölvusmiðjan ehf.
er vaxandi fyrirtæki í tölvu-
þjónustu og hugbúnaðargerð.
Að sögn Jóns Fjölnis Alberts-
sonar, deildarstjóra hugbúnaðar-
deildar hjá Tölvusmiðjunni ehf,
er samstarfíð við Br.ndasamtök
íslands einn af homsteinum þeirrar
uppbyggingar á sviði hugbúnaðar
sem hefur átt sér stað hjá félaginu
á síðustu missemm. "Það er
ánægjuefni að tengjast þeirri
öflugu forritaþróun sem Bænda-
samtökin hafa staðið fyrir á undan-
fomum árum," sagði Jón Fjölnir.
Málstofa verður í Garðyrkju-
skólanum fimmtudaginn 31.
janúar kl 16:00. Magnús Á.
Ágústsson ylræktarráðunautur
Bændasamtaka Islands mun fjalla
um nýjungar í lýsingartækni og
aðlögunarmöguleika að nýjum
hugmyndum um raforkutaxta í
garðyrkju. Flutt verður 30
mínútna erindi en síðan verður
fundargestum boðið að leggja
fram spumingar og gera athuga-
semdir um efnið í um það bil 30
mínútur.
Erlendis hefur orðið töluverð
aukning í notkun lýsingar til fram-
leiðslu garðyrkjuafurða. Sjónum
er nú beint að framleiðslu græn-
metis og þar er að koma fram
reynsla sem gæti nýst okkur.
Á döfínni er að nýr taxti á
raforku til lýsingar verði tekinn
upp en þar er gert ráð fyrir að
sólarhringnum verði skipt upp i
misdýr tímabil.
Aðgangur er ókeypis og öllum
heimill. Boðið verður upp á kaffí.
Vegna fréttar í Bænda-
blaðinu um fósturvísaflutninga
úr fé á Ströndum til Noregs er
rétt að fram komi að feður að
fósturvísunum voru eftirtaldir
sæðingastöðvahrútar; Dalur 97-
838 frá Heydalsá, Sónar 97-860
frá Smáhömrum og Hörvi 99-
856 frá Melum.
HlýB rjartiiis í uppsiglingu á PresBiúlum
"Ég hef í hyggju að byggja 200 kinda
fjárhús með gjafagrindaaðstöðu. Ætlunin er
að hún verði eins og sú sem búið er að koma
upp á Snartastöðum," sagði Sigurður
Árnason, bóndi á Presthólum í Núpasveit
þegar Bbl. hitti hann að máli þar sem hann
var við vinnu sína í fjárhúsinu á Presthólum.
"Þegar verkinu lýkur, sem verður
vonandi á næsta ári, ætti ég að
hafa pláss fyrir um 600 fjár. En
húsið á að verða fokhelt í sumar."
Það hefur aldrei verið auðvelt að
byggja á íslandi. Þegar Sigurður var
að taka grunninn, sem er rétt sunnan
við núverandi ijárhús, kom í ljós að
hraunið vildi hreint ekki gefa sig. Á
staðinn kom 30 tonna ýta en þegar
þessar línur voru ritaðar var ekki
ljóst hvort "ripperinn" gæti skorið
bergið. I dag eru notuð fjárhús sem
voru byggð 1990 auk eldri húsa frá 1965.
"Auðvitað hefði það verið draumastaða ef ég
hefði getað byggt allt upp en staða
sauðfjárræktarinnar leyfir það ekki. Hún ber
ekki dýrar byggingar," sagði Sigurður og bætti
því við aó hann mundi ekki setja
gjafagrindaaðstöðu í núverandi fjárhús þar sem
slíkt kostaði of miklar breytingar. Þá gat hann
þess að nýja húsið yrði á taði. Nýja húsið
verður m.a. byggt upp úr refahúsi sem stóð í
Höfðahverfi. Húsið reif Sigurður ásamt
Gunnari Guðmundarsyni í Sveinungsvík og
flutti austur. "Svona reynum við að halda
kostnaði niðri enda hef ég ekki beingreiðslur á
móti þessari ffamkvæmd."
Líklega eru fá landsvæði jafn góð til
sauðfjárræktar og norðausturhluti
landsins. "Þessi hluti sveitarinnar er til
dæmis mjög vel gróinn og hætta á ofbeit
er engin," sagði Sigurður. í fjárhúsum
Sigurðar má sjá fé sem var fyrir á
Presthólum og eins flutti Sigurður með sér
fé ffá Hjarðarási þegar hann hóf búskap
þar. "Ég nota líka sæðingar þónokkuð,"
sagði Sigurður. "Okkur list vel á það sem
Garpur hefur verið að skila og sama má
segja um Læk, Prúð og Túla."
Fyrir skömmu var haldinn
fundur með þeim sem rétt höfðu
til að greiða atkvæði um frum-
varp til nauðasamninga fyrir
Kjötumboðið hf. Fyrir fundinum
lá breyting á frumvarpi því sem
fyrirtækið fékk heimild til að
leita nauðasamninga eftir þann
22. nóvember sl. Breytingin var
samþykkt og felst fyrst og
fremst í tvennu.
í fyrsta lagi fá þeir sem ekki
fallast á að fá greiddar 75.000 kr.
sem fullnaðargreiðslu eða eiga
kröfur að lægri fjárhæð en þetta,
greidd 53% af kröfum sínum í
stað 61% í upphaflegu frumvarpi.
Um 30% verða greidd i peningum
í þremur jöfnum greiðslum, innan
þriggja, sex og tólf mánaða frá
staðfestingu nauðasamningsins.
23% verða greidd með
hlutabréfum í Norðlenska
matborðinu á nafnverði. Þessi
breyting helgast af því að í ljós
kom að útistandandi kröfur, þ.m.t.
vextir og kostnaður til
úrskurðardags, var vanáætlað.
Einnig reyndust kröfur félagsins á
aðra vanáætlaðar.
Þá byggir nauðasamningurinn
á því að veðsettar fasteignir
félagsins hafa verið seldar gegn
yfírtöku kaupenda á áhvílandi
veðskuldum. Einnig skuldbindur
Kjötumboðið sig til að greiða
uppbót á samningstilboðið sbr. að
ofan, innan 12 mánaða frá stað-
festingu nauðasamnings, enda
hafi löggiltur endurskoðandi Kjöt-
umboðsins hf. áður staðfest að
forsendur til greiðslu uppbótar séu
fýrir hendi.
Á næstu dögum munu
Bændasamtökin skrifa bréf til
þeirra umbjóðenda sinna sem
standa frammi fyrir því að velja
milli þess að taka 75.000 kr. sem
fullnaðargreiðslu á kröfúm sínum
eða fá greidd 53%, sbr.
ofangreint, til að fara yfir valkosti.
Þeim sem eiga kröfúr undir
150.000 kr verður ekki skrifað
heldur tekinn sá kostur fyrir þeirra
hönd að taka við 75.000 kr. sem
fúllnaðargreiðslu.
Bændablaðið
Bændablaðið kemur út hálfsmánaöarlega. Þvi
er dreift til allra bænda landsins og fjölmargra
annarra er tengjast landbúnaði. Bændablaöinu
er dreift ókeypis til þeirra er stunda búskap en
þéttbýllsbúar geta gerst áskrifendur aö
blaðinu. Árgangurinn kostar kr. 4.200 en
sjötugir og eldri greiða kr. 2.000.
Sími: 563 0300 - Fax: 552 3855 - Kt: 631294-2279
Ritstjóri: Áskell Þórisson (ábm.)
Auglýslngastjóri: Eirikur Melgason
Blaðamadur: Sigurdór Sigurdórsson
Netfang blaösins er bbl@bondl.is
Prentun: Isafoldarprentsmiðja
-------------------------------------L"1 » 11 IUU.X.II
Nr. 148
Blaðinu er dreift í 6.400
eintökum.
Dreifing: íslandspóstur.
ISSN 1025-5621