Bændablaðið - 13.01.2004, Qupperneq 1

1. tölublað 10. árgangur Þriðjudagur 13. janúar 2004 ISSN 1025-5621 Upplag: 10.500 eintök
Landbúnaðarráðherra hefur á
grundvelli tillagna nefndar frá
5. nóvember sl. ákveðið að
skipa nefnd er hafi það hlut-
verk að móta tillögur um fyrir-
komulag flutningsjöfnunar á
sláturfé að sláturhúsi. Með
fækkun sláturhúsa er
nauðsynlegt að taka þessi mál til
endurskoðunar. Markmið skal
vera að bændur séu með sem
jafnasta aðstöðu varðandi
kostnað við að koma sláturfé í
sláturhús.
Formaður nefndarinnar er
Gunnar Sæmundsson, bóndi, en
aðrir í nefndinni eru: Jóhannes
Sigfússon, bóndi, formaður
Landssambands sauðfjárbænda og
Sigurjón Rúnar Rafnsson, starfs-
maður Kaupfélags Skagfirðinga.
Þá hefur ráðherra - í samræmi
við tillögur frá 5. nóvember sl. og
samþykkt ríkisstjórnar frá 11.
nóvember 2003, varðandi fram-
tíðarfyrirkomulag markaðs-
setningar dilkakjöts á erlendum
markaði, skipað nefnd sem hefur
það verkefni að gera tillögur um
framtíðarfyrirkomulag varðandi
markaðssetningu dilkakjöts á
erlendum mörkuðum. Nefndin á
líka að koma fram með tillögu um
samræmingu á markaðsstuðningi
við sláturleyfishafa. Eins á
nefndin að kanna hvernig hátta
megi samnýtingu krafta og auka
samstarf þeirra aðila sem þegar
starfa að markaðssetningu ís-
lenskra vara á erlendri grund.
Formaður nefndarinnar er
Haukur Halldórsson, bóndi, en
aðrir nefndarmenn eru þeir Stein-
þór Skúlason, forstjóri, Sláturfé-
lags Suðurlands, Ágúst
Andrésson, sláturhússtjóri Kaup-
fél. Skagfirðinga og Jóhannes
Sigfússon, bóndi, formaður
Landssambands sauðfjárbænda.
Ólafur Friðriksson, skrifstofu-
stjóri, í landbúnaðarráðuneytinu,
er ritari nefndarinnar.
Gjaldþrot
Ferskra afurða
Í desember sl. staðfesti
Hæstiréttur Íslands kröfu um
gjaldþrotaskipti á búi Ferskra
afurða ehf. á Hvammstanga.
Skiptastjóri er Sveinn Andri
Sveinsson hrl. Vegmúla 2, 108
Reykjavík. Auglýsing birtist í
Lögbirtingablaðinu þann 7.
janúar og er kröfulýsingar-
frestur til 7. mars n.k. Frest-
dagur er 22. september 2003.
Fyrsti skiptafundur verður
haldinn á skrifstofu skiptastjóra
þann 15. mars n.k kl. 9.00.
Bændasamtök Íslands bjóða
félagsmönnum sínum að gæta
hagsmuna þeirra og lýsa kröf-
um fyrir hönd þeirra í þrotabú
fyrirtækisins.
Brunavarnaáætlun fyrir starfs-
svæði Brunavarna Skagafjarðar
var samþykkt og undirrituð
nýverið. Áður hafði sambærileg
áætlun fyrir Slökkvilið Húsa-
víkur verið undirrituð en fjöl-
mörg önnur slökkvilið eru að
leggja lokahönd á brunavarna-
áætlun sína.
Brunavarnaáætlun skal liggja
fyrir á hverju starfssvæði
slökkviliðs samkvæmt lögum um
brunavarnir. Hún leggur grunninn
að gæðastjórnun og úttekt á
starfsemi slökkviliðs fyrir þá sem
bera ábyrgð á brunavörnum í
hverju sveitarfélagi. Áætlunin auð-
veldar íbúum svæðisins einnig að
fá upplýsingar um þá þjónustu sem
slökkviliðið veitir, skipulag þess
og markmið.
Í lögum um brunavarnir segir:
"Á hverju starfssvæði slökkviliðis
skal liggja fyrir brunavarnaráætlun
sem fengið hefur umsögn Bruna-
málastofnunar og samþykki sveit-
arstjórnar. Markmiðið er að
tryggja að slökkvilið sé þannig
mannað, skipulagt, útbúið tækjum,
menntað og þjálfað að það ráði við
þau verkefni sem því eru falin."
Dr. Björn Karlsson bruna-
málastjóri, sagði að í brunavarna-
áætluninni væri skjalfest hvernig
slökkviliðsstjóri skipaði sínu liði
og hvaða búnaður væri til. Í
áætluninni kemur einnig fram hvar
slökkviliðið telur að áætta sé mest
í sveitarfélaginu og hvað þurfi að
kaupa af tækjabúnaði í fram-
tíðinni. Við gerð áætlunarinnar er
t.d. farið um sveitarfélagið og
kannað hvar sé hægt að taka vatn -
jafnt á góðum sumardegi og í
hörkufrosti um vetur.
Fjölmörg slökkvilið leggja
lokahönd á brunavarnaáætlanir
Landbúnaðar-
ráðherra
skipar tvær
nefndir
Hjá Búnaðarsamtökum Vesturlands hefur
orðið mikil aukning í þátttöku í verkefninu
„Betri bú“ - markmiðstengdar búrekstrar-
áætlanir og þátttakendum fjölgað úr 40 í rúma
60 nú á síðasta ári. Það er mikil vinna sem
liggur að baki rekstrargreiningum og áætlana-
gerð en markmiðið er að með þeim megi bæta
afkomu bænda og fagleg vinnubrögð.
Framgangur verkefnisins er með þeim hætti
að eftir að bóndi hefur undirritað samning um
þátttöku í verkefninu afhendir hann ráðunauti bók-
haldsgögn sem notast til rekstrargreiningar og við
útreikninga kennitalna. Þar eru tölur úr búi
bóndans bornar saman við önnur bú á landinu sem
sent hafa búreikninga sína til Hagþjónustunnar og
eins er gerður samanburður á búinu milli ára. Í
framhaldi af rekstrargreiningu er skoðað hvort
þörf sé á að bæta eitthvað í rekstrinum og gerðar
aðgerðaráætlanir þar að lútandi í samráði við
bónda. „Hjá okkur eru það aðallega áburðar- og
fóðuráætlanir en einnig er nokkuð um fjárhagslega
endurskipulagningu og áætlanir vegna
framkvæmda auk annarra. Þá er unnin
búrekstraráætlun til sex ára þar sem skoðað er
hvaða áhrif væntanlegar fjárfestingar eða
framkvæmdir koma til með að hafa á búrekstur-
inn,“ sagði Guðrún Sigurjónsdóttir, rekstrar-
fræðingur hjá Búnaðarsamtökum Vesturlands.
Hagur bænda af þátttöku í þessu verkefni á
að vera mikill. Það að bera tölur úr eigin bú-
rekstri saman við önnur sambærileg bú veitir
mönnum visst aðhald varðandi reksturinn og
sýnir bóndanum hvar hann mögulega getur gert
betur. Jafnframt er mikilvægt fyrir bændur að
geta borið saman tölur búsins milli ára og séð
breytingar á rekstrinum hjá sjálfum sér. „Við
stefnum að því að auka samskipti enn frekar við
Betri-bú bændur nú á þessu ári og bæta
þjónustuna við þá og teljum að sú samvinna
bónda og ráðunauts sem fram fer í þessu
verkefni leiði til bætts reksturs og betra bús,“
segir Guðrún.
Betri bú - markmiðstengdar búrekstraráætlanir
Bætt afkoma og
fagleg vinnubrögð
Bændablaðið kemur næst út 27. janúar
Regnboginn rís upp af Selhellum í Vatnsársundum en hellarnir kallast Vömb, Keppur, Laki, Vinstur og Langi. Bændablaðsmynd/Jónas Erlendsson.