Bændablaðið - 13.01.2004, Qupperneq 4

4 Þriðjudagur 13. janúar 2004
Gróðrarstöðin Dalsgarður í
Mosfellsdal framleiðir fyrst og
fremst rósir en að auki túlípana
á veturna. Einnig eru þar fram-
leidd sumarblóm auk krydds og
matjurta sem eru seldar á
markaði í garðyrkjustöðinni á
sumrin. Alls eru um 3000
fermetrar undir þaki í þessari
rösklega fimmtugu garðyrkju-
stöð sem Jóhann Kr. Jónsson
stofnaði árið 1949. Í Dalsgarði
vinna að jafnaði þrír starfs-
menn. Framleiðsla stöðvarinnar
er seld í Grænum markaði.
"Garðyrkjubændur sem stunda
blómarækt verða nú gjaldþrota
hver á fætur öðrum. Taprekstur
hefur verið viðvarandi og allt eigið
fé er horfið úr rekstrinum," sagði
Gísli Jóhannsson, garðyrkjubóndi
og eigandi stöðvarinnar, og bætti
við að lánstraust hefði komið í veg
fyrir að reksturinn í Dalsgarði færi
undir hamarinn. En hver er
ástæðan fyrir því hvernig komið
er? Gísli sagði að á liðnum árum
hefði ríkt skálmöld innan greinar-
innar; samkeppni gífurleg, fram-
leiðsla of mikil og meira byggt en
ástæða var til. Blómaframleið-
endum hefði fækkað en um leið
hefðu framleiðslueiningar
stækkað.
"Nú er að myndast ákveðin
samstaða milli bænda um að setja
kraft í markaðsmálin en við höfum
ekki sinnt þeim eins og þörf hefur
verið á. Blómaframleiðendur hafa
ekki staðið saman um auglýsingar
og annað sem þarf að gera til að
viðhalda eða stækka markaðinn,"
sagði Gísli. "Á þessu ári munum
við leggja allt undir enda má segja
að nú sé komið að leiðarlokum.
Við fáum ekki annað tækifæri til
að gera skurk í markaðsmálum."
Gísli sagði að blómabændur
hefðu vissulega fengið niðurgreitt
rafmagn sem hefði komið sér vel
en aukin sala og stærri markaður
væri það eina sem blómabændur
gætu og ættu að setja á oddinn.
"Blómabændur voru að byggja inn
í bullandi offramleiðslu. Fyrir það
fyrsta er óskiljanlegt að menn hagi
sér þannig en ekki er það síður
sérstakt að lánastofnanir láni til
bygginga sem ekki er þörf fyrir."
Á nýliðnu ári hóf Sláturfélag
Austurlands tilraun til að selja
dilkakjöt á Netinu
(www.austurlamb.is). Sigurjón
Bjarnason, framkvæmdastjóri
SA, sagði í samtali við Bbl. að
tekist hefði að selja rösk tvö
tonn af lambakjöti sem væri
talsvert undir væntingum. Eftir
er að selja 4-5 tonn af kjöti. Á
dögunum tók Sigurjón saman
reikninga vegna netsölunnar. Í
ljós kom að tekjurnar nægja
fyrir breytilegum kostnaði - en
ekki þeim fasta.
Sigurjón sagði að lítil sala
hefði vissulega valdið
vonbrigðum en kaupendur hefðu
verið afar ánægðir með vöruna -
sem mætti m.a. sjá á því að engin
kvörtun hefði borist og margir
hafa keypt oftar en einu sinni.
Kjötið var sent með
Landflutningum til kaupenda.
Alls tóku 19 bæir þátt í
verkefninu. Kjöt frá nokkrum
bæjum er uppselt. Nú er uppi
áhugi að rannsaka kjötið sem eftir
er og kanna hvort mismunandi
beitarhagar hafi áhrif á bragðið en
þess má geta að kjöt frá
Austurlambi er ætíð látið hanga í
tvo sólarhringa í kæli áður en það
fer til kaupenda.
"Netið nær út fyrir
landsteinana og við höfum fengið
mikið af fyrirspurnum frá
útlöndum," sagði Sigurjón sem
ætlar að kynna sér hvort það sé
hægt að sinna fyrirspurnum sem
koma að utan. Sigurjón hefur ekki
síður hug á að að kanna hvort
hægt sé að taka upp samstarf við
einhvern aðila í þéttbýlinu við
Faxaflóann. Hann sagði að flestir
bændurnir sem tóku þátt í
verkefninu hefðu áhuga á að halda
áfram enda hefði hér verið um
langtímaverkefni að ræða.
Fólk getur keypt kjöt á
austurlamb.is allt fram til vors.
Sigurjón hefur hug á því að reyna
sölu á hangikjöti og öðrum
skyldum afurðum á heimasíðunni
í framtíðinni.
Blómabændur ætla
í markaðsátak
Austurlamb
seldi rösk
tvö tonn á
Netinu
Á Flúðum í Hrunamannahreppi er fyrirtæki sem
heitir Magus ehf. og það býður nú íbúum hreppsins
háhraða nettengingar. Hún byggir að grunni til á
g.SHDSL kerfi sem nær 8 kílómetra radíus út frá
símstöð og er sambærilegt kerfi og ADSL nema hvað
það næst jafn hraði í báðar áttir samtímis.
Daníel Halldórsson er talsmaður Magus ehf.
Hann sagði að verið væri að panta búnaðinn fyrir
þessar tengingar en aðdragandinn hefði staðið yfir um
nokkurn tíma. Hann segir að nær allir íbúar
Hrunamannahrepps muni geta notfært sér þessar
internettengingar því þær dragi frá Flúðum að
Hrepphólum og upp í sveitina að Skipholti.
Íbúar Hrunamannahrepps eru um 730 og það eru
þá ekki nema 50 til 60 manns sem g.SHDSL kerfið
nær ekki til.
Það kostar 39.990 krónur með vsk. að taka svona
tengingu inn í hús og síðan verður áskriftin um 6.990
krónur á mánuði fyrir 512kbit/s tengingu sem hefur
jafnan hraða í báðar áttir og innifelur m.a. 500MB í
erlent niðurhal, vefpóst, heimasíðuvistun o.fl.
Daníel segir að nógu margir hafi skráð sig fyrir að
taka tenginguna inn til þess að þetta beri sig. Hann
segist líka eiga von á því að fá fleiri viðskiptavini
þegar kerfið er komið í gang. Hann segir að ef þetta
gangi vel í Hrunamannahreppi sjái þeir hjá Magus
ehf. sóknarfæri annars staðar svo sem í
kjarnasvæðum eins og Laugarási og Aratungu. Þegar
kerfið er komið upp opnast líka möguleiki á
loftnetstengingum m.a. fyrir sumarbústaði, sem eru
um 300 í sveitinni, og um leið einnig fyrir þá sem eru
utan áðurnefnds 8 km radíusar frá Flúðum.
Fyrirtækið Magus ehf. í Hrunamannahreppi
býður upp á háhraða nettengingar
Þessi mynd var í tölvuveri Magus ehf á Flúðum til vinstri er Axel Rafn
Benediktsson tæknimaður og til hægri er Daníel Halldórsson
Gísli blómabóndi Jóhannsson gægist út á milli fagurra rósa.
Forsíðumynd á jólablaði
Þess skal getið að Jónas
Erlendsson í Fagradal tók forsíðu-
myndina jólablaðsins. Nafn Jónas-
ar féll niður við vinnslu blaðsins
og er beðist velvirðingar á því.