Bændablaðið - 13.01.2004, Page 11

Þriðjudagur 13. janúar 2004 11
Verð á kjarnfóðri pr. tonn í lausu ef keypt eru 3 t eða meira, án vsk.
ágú.03 jan.04 Mismunur
milli tímabila
Mjólkurfélag Reykjavíkur
MR-K 23 kúafóður 34.855 35.097 0,7%
Huppa 31.755 31.755 0,0%
M.R. kúafóður kögglar 29.896 29.896 0,0%
Búkollukúafóður kögglar 28.259 28.259 0,0%
Orkublanda 30.086 31.116 3,4%
Nautakögglar III 28.860 29.150 1,0%
Kornkögglar 22.614 21.422 -5,3%
Bústólpi ehf
Alhliðablanda 30.900 30.073 -2,7%
Orkublanda 33.100 33.070 -0,1%
Lágpróteinblanda 30.000 29.274 -2,4%
Vallhólmur fóðursmiðja
Alhliða kögglar 31.749 31.749 0,0%
Standard kögglar 33.076 33.076 0,0%
Plús kögglar 37.250 37.250 0,0%
Orku kögglar 31.502 31.502 0,0%
Fóðurblandan hf
Kúakögglar 12 27.788 27.987 0,7%
Kúakögglar 16 30.400 30.609 0,7%
Kúakögglar 20 32.443 32.671 0,7%
Kúakögglar 23 34.818 35.065 0,7%
Kálfakögglar 32.338
Nautaeldiskögglar 21.774
H-kögglar 31.493 31.721 0,7%
/LK
Þessa dagana streyma hross til þéttbýlisins úr
hausthögum og áhugasamir hestamenn hefjast
handa við þjálfun vetrarins. Framundan er lands-
mót næsta sumar og metnaður hesteigenda og reið-
manna mikill. Að mörgu ber þó að hyggja þegar
hross eru tekin á hús og mikilvægt að huga að
smáatriðunum sem skipta máli þótt margir telji sig
vita allt um það hvernig hýsa eigi og fóðra hross.
Fóðurbreyting og hreyfingarleysi
Mikilvægt er að fara hægt í allar fóðurbreytingar
og leyfa hrossunum að venjast heyinu hafi þeim ekki
verið gefið úti. Hafi hrossin hins vegar verið á útigjöf
eru þau fljótari að aðlagast breytingunni. Aðalatriðið
er að gefa lítið í einu til að byrja með og gefa frekar
oftar. Þegar hross eru á útigangi eru þau á stöðugri
hreyfingu sem breytist mikið þegar þau eru tekin inn.
Þess vegna ættu öll hross að fá að fara út til hreyfingar
daglega og helst að vera í rúmgóðum stíum þar sem
þau geta hreyft sig aðeins.
Hrossasóttin er hættuleg
Hrossasótt er hættulegur sjúkdómur sem oft kemur
upp á þessum tíma þegar menn eru að taka hross inn.
Algengustu einkennin eru áberandi og þau þekkja
flestir hestamenn. Hrossin éta ekki, sýna merki um
miklar kvalir í kviðarholi, slá upp í kviðinn á sér, eru
óróleg og reyna að velta sér. Mikilvægt er að koma í
veg fyrir að hrossin velti sér og ætti að kalla strax á
dýralækni ef grunur um hrossasótt kemur upp því hún
getur verið mjög alvarleg og leitt hrossið til dauða,
auk þess sem hún er mjög kvalafull. Æskilegt er að
ganga um með hrossið á meðan beðið er eftir
dýralækni.
Smitandi hitasóttin sem kom upp á Íslandi árið
1998 virðist einnig skjóta upp kollinum annað slagið
og ættu hesteigendur að hafa það í huga að hún er nú
til staðar í stofninum og getur verið hættuleg. Henni
fylgir hár hiti og lystarleysi og geta hross farið illa út
úr henni og verið lengi að jafna sig.
Reglubundið eftirlit dýralækna
Það er gömul og góð regla að fá dýralækni til að
líta yfir hrossin þegar þau eru komin á hús. Ávallt ætti
að skoða skaufa og skaufhús geldinga því það er ótrú-
lega algengt að þar safnist fyrir óhreinindi og hland-
steinn sem valda hestinum miklum óþægindum. Ef
hross hafa fengið holdhnjúska, sem eru hrúður og sár
oftast á lend og hrygg, má ekki brúka þau til reiðar
fyrr en þau hafa jafnað sig og hnjúskarnir eru horfnir.
Dýralæknar geta ráðlagt um meðferð þessa vandamáls
sem og annarra. Einnig ætti alltaf að gefa ormalyf og
skoða tennur hrossanna. Ef einhver hross hafa horast
ótæpilega eða koma að öðru leyti illa út úr haustbeit
ætti tvímælaust að fá ráðgjöf sérfræðinga um fóðrun,
auk þess sem gott gæti verið að gefa þeim
vítamínsprautu.
Svo er það eins með hrossin á veturna og börnin á
haustin að lúsin skýtur upp kollinum ár hvert! Þeir
sem vilja forðast lús ættu að láta dýralækni sprauta
hrossin við lús, hægt er að fá orma- og lúsalyf í einni
sprautu en einnig er hægt að fá efni til að meðhöndla
lús ef hún hefur þegar tekið sér bólfestu í hrossunum.
Vert er að minna á að lús getur líka komið upp í hest-
um í stóði, hún er ekki bundin við inniveru og því ættu
þeir sem halda hrossastóð að fylgjast með lúsasmiti
líka þegar eftirlit með stóðhrossum er viðhaft.
Járningar
Nauðsynlegt er að járna hrossin fljótlega eftir að
þau eru tekin inn, sérstaklega ef mikið frost er eins og
verið hefur í byrjun þessa árs. Hrossin verða fljótt sár-
fætt ef þau ganga járnalaus og þótt fara eigi hægt í að
byrja þjálfun hrossanna er allt í lagi að járna þau strax
og þau koma inn. Best að byrja þjálfunina svo varlega,
ríða rólega og stutt fyrstu dagana og gefa hrossunum
tíma til að ná upp þoli og styrk. Þau þarf að byggja
upp líkt og íþróttamenn, hægt og bítandi. Upphitun er
einnig mikilvæg sem og slökun að loknum reiðtúr og
því ávallt gott að byrja reiðtúra rólega og enda á feti
síðasta spottann heim aftur.
Góð aðstaða
Hesthús hafa tekið algerum stakkaskiptum
undanfarin ár og eru flest hver vel úr garði gerð í dag.
Hvort sem um ný eða eldri hús er að ræða þarf rými að
vera gott fyrir hrossin og á þar að fylgja reglugerð um
aðbúnað hrossa sem landbúnaðarráðuneytið hefur
gefið út. Athuga þarf að umhverfi hrossanna sé þannig
að þau geti hvergi fest sig eða skorið sig. Loftræsting
er einnig gríðarlega mikilvæg því öndunarfæri hrossa
eru mjög viðkvæm.
Aðalatriðið í umhirðu hrossanna er hið sama á
þessum tíma sem öðrum. Að vera vakandi fyrir
velferð þeirra og fylgjast vel með hegðun þeirra og at-
ferli. Þannig má yfirleitt sjá vandamálin strax og koma
í veg fyrir að þau verði alvarleg.
HGG
Hrossin tekin á hús

Fjós eru okkar fag

Landstólpi ehf.
Lárus Pétursson Arnar Bjarni Eiríksson
s: 4370023 / 8694275 s: 4865656 / 8989190
Skipulag fjósa, hönnun og ráðgjöf
- Nýbyggingar, viðbyggingar, breytingar
- Hafið samband - við mætum á staðinn
Weelink - fóðrunarkerfi
Ametrac - innréttingar í fjós
Promat og AgriProm - dýnur
Zeus og Appel - steinbitar
Dairypower - flórsköfukerfi
PropyDos - súrdoðabrjóturinn
Urban - kjarnf.básar, kálfafóstrur
Uno Borgstrand - loftræsting
Ivar Haahr - opinn mænir
Lynx - eftirlitsmyndavélar
Carfed - plastgrindur í gólf