Bændablaðið - 13.01.2004, Síða 16

16 Þriðjudagur 13. janúar 2004
Sigurgeir Þorgeirsson,
framkvæmdastjóri
Bændasamtakanna
Vond tíðindi ef skera
á niður skotlaunin
,,Það eru vond tíðindi ef ríkisvaldið skaffar ekki betur en svo að
skera verður niður hlutfall þess í kostnaði úr 50% í 30% því það er
mikið baráttumál hjá bændum að herða frekar sóknina en veikja
bæði gegn mink og ref," sagði Sigurgeir Þorgeirsson,
framkvæmdastjóri Bændasamtakanna, þegar hann var inntur álits
á þeirra ákvörðun ríkisvaldsins að lækka hlutfall sitt í skotlaunum
úr 50% í 30%.
Hann segir að undanfarin ár hafi vantað fjármuni til greiðslu
skotlauna en jafnan verið að einhverju leyti bætt úr á
fjáraukalögum en það var ekki gert að þessu sinni.
,,Hins vegar hefur umhverfisráðherra nú skipað tvær nefndir og
er markmið annarrar að reyna að finna leiðir til að útrýma mink úr
náttúrunni. Ljóst er að það mun ekki takast ef skotlaun eru skorin
niður. Til þess að útrýma minknum þarf aukna fjármuni. Ef þessi
nefnd skilar tillögum snemma á þessu ári bind ég vonir við að það
verði bætt í til þess að gera alvöru atlögu að minknum. Hin nefndin
sem skipuð var varðar refinn. Þar eru menn ekki sammála um
hversu langt eigi að ganga í fækkun hans. Það er ótvíræð skoðun
okkar hjá Bændasamtökunum að það þurfi að gera miklu meira en
gert er til að halda refnum í skefjum og fækka honum. Ef til vill
skiptir það meira máli varðandi ástand rjúpnastofnsins heldur en
margir vilja viðurkenna," segir Sigurgeir Þorgeirsson.
Bæjarráð Ísafjarðarbæjar og
hreppsnefnd Súðavíkurhrepps
ákváðu í lok síðasta árs að hætta
greiðslum skotlauna fyrir
eyðingu refa og minka þar sem
til þess ætluð fjárhæð var að
fullu nýtt. Tilefni ákvörðunar-
innar var bréf frá Umhverfis-
stofnun, dagsett 4.12 2003, þar
sem tilkynnt var að endur-
greiðsla ríkisins vegna eyðingar
refa og minka, sem verið hefur
50% af kostnaði, hafi verið
lækkuð niður í 30% þar sem
áætlun á fjárlögum ársins 2003
var ekki nægjanleg. Ákvörðunin
er afturvirk til september 2002.
Gert er ráð fyrir sömu upphæð
til skotlauna á fjárlögum ársins
2004 þannig að 30% reglan verður
áfram í gildi. Sveitarfélögin í land-
inu geta ekki tekið þessa lækkun á
sig þannig að mörg sveitarfélög
verða aðgrípa til sömu ráða og
Súðvíkingar og Ísfirðingar og
höfðu mörg þeirra sett málið á
dagskrá hjá sér fyrir jól.
Guðni G. Jóhannesson, for-
maður bæjarráðs Ísafjarðarbæjar,
sagði að ekki hafi verið um annað
að ræða en stöðva greiðslurnar
þegar ríkið lækkaði sinn hlut.
Hann segir að það stangist á við
það sem umhverfisráðuneytið hef-
ur verið að gera með stofnun
nefnda sem leita eiga leiða til að
eyða mink og halda refastofninum
í skefjum. Hann segir að mönnum
sé líka farið að blöskra hvað ríkið
lætur sveitarfélögin taka á sig án
þess að sjá þeim fyrir auknum
tekjustofnum um leið.
Ómar M. Jónsson, sveitarstjóri
í Súðavík, sagði að ekki hafi verið
um annað að ræða en að hætta
greiðslu skotlauna þegar ríkið
lækkaði sinn hlut úr 50% í 30%
því fyrir Súðavíkurhrepp þýddi
þessi skerðing 500.000 krónur á
ári.
Hann sagði að sveitarfélagið
Súðavíkurhreppur væri 750 fer-
kílómetrar að stærð og hafi lagt
metnað sinn í að halda niðri ref og
mink á svæðinu. Til marks um það
nefnir hann að á árinu 2002 var
ráðstafað 2,6 milljónum króna í
minka- og refaeyðingu sem er
5,4% af skatttekjum sveitarfélags-
ins. Hann segir það undarlega
ákvörðun að viðhalda friðun á ref
á völdum svæðum þar sem vitað er
að refurinn flytur sig að vild á
milli svæða.
Ríkið lækkar hlutdeild
sína í skotverðlaun-
um fyrir ref og mink
Nefndin sem umhverfisráðu-
neytið skipaði til að gera tillögur
um aðgerðir til þess að styrkja
rjúpnastofninn í framtíðinni, að
loknu rjúpnaveiðibanni næstu
3ja ára, er tekin til starfa. Hún
ætlar byrjar á því að safna
saman upplýsingum um hvernig
verndun rjúpna hefur verið
háttað hér á landi undanfarin
ár. Vitað er að margir bændur
og landeigendur hafa bannað
rjúpnaveiði í löndum sínum að
undanförnu. Nú verður leitað til
þeirra til að fá heildarmynd af
friðun undanfarinna ára.
Ingimar Sigurðsson, skrif-
stofustjóri í umhverfisráðuneytinu,
er formaður nefndarinnar. Hann
segir að enda þótt nefndin þurfi
ekki að skila af sér fyrr en 2005,
vegna þess að rjúpnafriðunin gildir
í 3 ár, þá sé ekki þar með sagt að
nefndin geti ekki lagt fram ein-
hverjar tillögur fyrr.
,,Við erum að safna að okkur
gögnum um rjúpuna og nú erum
við að afla okkur upplýsinga um
hvar á landinu rjúpur hafa verið
friðaðar, samkvæmt ákvörðun
stjórnvalda sem nær ekki til stórs
hluta landsins, nema suð-
vestanlands, síðustu misserin. Hins
vegar hafa bændur og land-
eigendur víða friðað sín lönd. Nú
óskum við eftir því við þessa
bændur að þeir sendi okkur upp-
lýsingar," segir Ingimar.
Hann segir að nú þegar hafi
nefndin upplýsingar frá nokkrum
sem hafa verndað lönd sín en það
gefi ekki tæmandi upplýsingar.
Ingimar segir að næsta vor muni
liggja fyrir niðurstöður úr vöktun
og talningu og þá geti legið
eitthvað nýtt fyrir sem nefndin
getur unnið úr.
Það sem þessi nefnd á að gera
er að gera tillögur um stofnun
griðlanda eða friðlanda á varp- og
vetrarstöðvum rjúpunnar, veiði-
kvóta, lengd og tímasetningu
veiðitíma rjúpu, aðgang að veiði-
svæðum og um veiðiaðferðir s.s.
skotvopn og notkun veiðihunda og
mögulegt bann við sölu á rjúpu.
Í nefndinni eiga sæti Ingimar
Sigurðsson, skrifstofustjóri um-
hverfisráðuneytisins formaður,
Kristinn Haukur Skarphéðinsson
fuglafræðingur, Áki Ármann Jóns-
son frá Umhverfisstofnun, Vil-
hjálmur Þ. Vilhjálmsson frá Sam-
bandi sveitarfélaga, Ólafur Einars-
son fuglafræðingur og Sigmar B.
Hauksson, formaður Skotveiðifé-
lags Íslands.
Nefndin um aðgerðir til
styrktar rjúpnastofninum
byrjar á að kanna
árangur eldri friðunar
Á fundi atvinnu- og
ferðamálanefndar
Rangárþings ytra fyrir
nokkru var lögð fram
tillaga frá Ármanni
Ólafssyni, Birki
Ármannssyni, Elimar
Helga Sigurbjarnar-
syni, Óskari Ólafssyni,
Sigurði Ásgeirssyni og
Sverri Kristinssyni um
greiðslur vegna refa-
og minkaeyðingar.
Ingvar P. Guð-
björnsson, formaður
nefndarinnar, var
spurður hvort þetta
tengdist lækkun ríkisins
á greiðslu skotlauna.
Hann sagði svo ekki
vera beinlínis en að
sjálfsögðu fari þeir illa
út úr þeirri lækkun eins
og önnur sveitarfélög.
Sem kunnugt hafa þrír
hreppar sameinast í
Rangárþing ytra og að
skotlaun fyrir ref og
mink hafi verið mis-
munandi milli
hreppanna. Nú eigi að
samræma skotlaunin.
Skotveiðimennirnir hafi
komið með tillögu um
skotveiðilaun en ekki
hafi náðst samkomulag
um hana.
Hann segir að á
meðan nefndirnar, sem
eru að skoða eyðingu
minks í villtri náttúru og
hvernig halda megi
aftur af fjölgun refs, eru
að störfum verði
skotlaunum haldið
óbreyttum í Rangár-
þingi ytra. Hann segir
menn vona að að loknu
starfi nefndanna muni
ríkið hækka sinn hlut í
skotlaununum aftur.
Ingvar segir að
töluvert sé um ref og
mink í Rangárþingi ytra
og þeim fari fjölgandi
og séu orðnir vandamál.
Í sveitarfélaginu eru þrír
mjög virkir veiðimenn
og síðan aðrir þrír sem
hafa sérhæft sig í
minkaveiðum.
Ref og mink fjölgar
í Rangárþingi ytra
Um 1000 manns sóttu
endurmenntunarnámskeið
Garðyrkjuskólans á árinu 2003.
Alls voru haldin 34
námskeið sem þýðir að 29
þátttakendur sátu að meðtaltali
hvert námskeið. Flest
námskeiðin voru haldin fyrir
fagfólk í græna geiranum en
einnig var nokkuð um
námskeið fyrir áhugafólk.
Leiðbeinendur voru allt
sérfræðingar á sínu sviði. Nú er
unnið að námskeiðsáætlun fyrir
árið 2004 en þar verður að
finna mjög fjölbreytt úrval af
námskeiðum sem snerta gróður
á einn eða annan hátt auk
frístundanámskeiða eins og
"Lesið í skóginn - tálgað í tré"
og blómaskreytinganámskeið
svo eitthvað sé nefnt.
Um 1000 manns á endurmenntunar-
námskeiðum Garðyrkjuskólans