Bændablaðið - 28.09.2004, Qupperneq 1

Auglýsingasíminn er 563 0300
Netfang augl@bondi.is
Næsta blað kemur
út 12. október
Breytingar í
kynningarbæklingi
Ferðaþjónustu
bænda
Upplag Bændablaðsins
12.000
Þriðjudagur 28. september 2004
16. tölublað 10. árgangur
Blað nr. 20318
Íslandsmeistarakeppni í
ostagerð, ólympíuborð
kokkalandsliðsins og
frumsýning á nýjum ostum
Sjá bls. 4
Nú efnum við til
samkeppni um
besta
bændavefinn!
Sjá bls. 14
Garðyrkjuskóli ríkisins að Reykjum
Undirbúningur að
byggingu nýs
skólahúss að hefjast
Fyrir tveimur árum var
kennsluhúsnæði Garðyrkju-
skóla ríkisins að Reykjum í
Ölfusi dæmt ónýtt af Fram-
kvæmdasýslu ríkisins. Húsið er
svo illa farið að ódýrara er talið
að byggja nýtt skólahús en að
gera við það og verður hafist
handa við byggingu nýs skóla-
húss innan skamms.
Guðni Ágústsson landbúnaðar-
ráðherra sagði í samtali við
Bændablaðið að hann hefði tekið
skólabygginguna til umfjöllunar
innan ríkisstjórnarinnar um miðjan
september sl. Hann sagðist þar
hafa gert ríkisstjórninni grein fyrir
því að skólahúsið væri ónýtt.
,,Ég kynnti þar líka þá hug-
mynd mína að selja hluta af landi
Reykja sem skólinn hefur ekki not
fyrir og nýta þá peninga sem fyrir
landið fást til að byggja skóla-
húsið. Þarna er um verðmætt land
að ræða þar sem er jarðhiti og
einnig er það mjög heppilegt til
útivistar. Ég mun mjög fljótlega
skipa bygginganefnd sem mun sjá
um að láta hanna nýja húsið og þá
verður farið af stað af fullum
krafti," sagði Guðni Ágústsson.
Sveinn Aðalsteinsson, skóla-
meistari Garðyrkjuskólans, sagði
að síðan skólahúsið var dæmt
ónýtt fyrir tveimur árum hefði lítið
verið fyrir það gert nema til að
halda í horfinu enda vænlegra að
skoða möguleika á nýju húsi.
Varðandi sölu á landi til að
fjármagna bygginguna sagði
Sveinn að þarna væru ýmsar
landnytjar eins og til að mynda
borholur sem flæktu málið dálítið.
Þær gerðu samningagerð og út-
boðsgögn flóknari heldur en ef um
venjulegt land væri að ræða en allt
væri þetta tæknileg verkefni sem
hægt væri að leysa.
Guðlaugur Garðar Lárusson frá Reykjaflöt uppsker púrru í kennaraverkfalli. /Bbl. Soffía
Verðhækkun til
sauðfjárbænda
Gengið hefur verið frá
samkomulagi um ráðstöfun
vaxta- og geymslugjalda milli
Bændasamtaka Íslands,
Landssamtaka sláturleyfishafa
og Landssamtaka
sauðfjárbænda fyrir afurðaárið
2004-2005. Efnislega er
samkomulagið lítið breytt frá
fyrra ári þar sem vaxta- og
geymslugjöld greiðast í
samræmi við framleiðslu og
birgðir kindakjöts sem ætlað er
til sölu á innanlandsmarkaði.
Ennfremur er að finna ákvæði
sem felur það í sér að verði
heildarfjárþörf minni en
umsamin fjárhæð, verður
vaxtaprósenta endurreiknuð til
þeirra sláturleyfihafa sem
hækka verð til bænda um 2%
frá áður auglýstri verðskrá.
Þessa verðuppbót skal greiða
eigi síðar 31. desember 2004.
Þrír bændur á Snæfellsnesi, þeir
Eggert Kjartansson á Hofs-
stöðum í Eyja- og Miklaholts-
hreppi, Ástþór Jóhannsson í Dal
í sama hreppi og Bjarni Einars-
son á Tröðum í Snæfellsbæ, eru
byrjaðir að byggja 1,9 MW
virkjun og hafa gert samning við
Hitaveitu Suðurnesja um að
kaupa orkuna. Þeir hyggjast
taka rafstöðina í notkun 30.
mars á næsta ári. Hún er í landi
Hofstaða og Dals.
Eggert sagði í samtali við
Bændablaðið að eftir því sem best
er vitað muni þetta vera fyrsti
samningurinn eftir að nýju raf-
orkulögin tóku gildi sem gerður er
þar sem orkan er tengd inn á einum
stað en tekin út annars staðar á
landinu á landskerfinu.
Hann sagði að þeir ætluðu ekki
að nota sjálfir neitt af orkunni. Hér
væri bara um fyrirtæki að ræða í
formi einkahlutafélags. Fram-
kvæmdaáætlunin fyrir virkjunina
er upp á 260 milljónir króna.
Eggert sagði þá félaga ekki vilja
gefa upp á hve löngum tíma
virkjunin myndi borga sig miðað
við þann samning sem þeir hafa
gert við Hitaveitu Suðurnesja.
Rörin að vélahúsinu eru 1500
metra löng og sagði Eggert að þau
væru komin til þeirra, byrjað að
grafa fyrir þeim og í beinu fram-
haldi yrði svo farið í að byggja
stífluna.
Undirbúningur að
þessari framkvæmd hófst í
byrjun árs 2003 en það
hefur flýtt mjög fyrir
hversu miklar upplýsingar
lágu fyrir um svæðið m.a.
vatnsmælingar til margra
ára.
Á myndinni t.v. má sjá
að rörin sem bændurnir
nota eru engin smásmíði.
ÞRÍR BÆNDUR Á SNÆFELLSNESI ERU AÐ
BYGGJA 1,9 MW VIRKJUN OG HITAVEITA
SUÐURNESJA KAUPIR ORKUNA