Dagsbrún - 01.02.1989, Qupperneq 8

Hvers vegna vill verkalýðshreyfingin ekki málaferli?
„Treystum ekki
dómstólumim“
— segir Guðmundur J. Guðmundson
Samkvæmt skoðanakönnun, sem Flug-
leiðir og VSÍ létu gera fyrr í þessum
mánuði, telur talsverður meirihluti
landsmanna rétt að láta dómstóla skera
úr um hvort rétt hafi verið staðið að
framkvæmd verkfallsaðgerða Verslun-
armannafélags Suðurnesja á Keflavík-
urflugvelli í vor. Hin borgaralega pressa
í landinu hefur tekið undir þessi sjón-
armið og raunar ýmsir fleiri — gegn
háværum og óvenju harkalegum mót-
mælum verkalýðshreyfingarinnar.
í framhaldi af samþykkt stjórnar
Dagsbrúnar, sem hér er birt, var sú
spurning lögð fyrir Guðmund J. Guðm-
undsson hvað væri eiginlega að því, að
láta dómstóla skera úr um þetta ágrein-
ingsefni?
„Sigur Vinnuveitendasambandsins í
þessu máli gæti virst heillandi í augum
atvinnurekenda en ég óttast mjög
afleiðingar hans,“ sagði Guðmundur.
„Það hefur afar sjaldan reynt á verk-
fallsákvæði vinnulöggjafarinnar, sem
var sett 1938 — og þótt þá hafi vitaskuld
verið allt aðrar aðstæður í þjóðfélaginu,
þá er óhætt að fullyrða að sá grófi
rammi, sem hún er, hafi reynst vel.
Þessi löggjöf hefur reynst ótrúlega
haldgóð," sagði hann ennfremur.
Kjarni málsins
„Á þessum tíma voru tíðar mjög harðar
rimmur milli launafólks og atvinnurek-
enda. Þá var miklu meira af ófélags-
bundnu fólki en nú er — og raunar er
ekki lagaleg skylda að vera í verkalýðs-
félagi, eins og nýfallinn hæstaréttar-
dómur sýnir. Vinnulöggjöfin viður-
kenndi verkföll sem löglega baráttuað-
ferð og segir fyrir um hvernig á að boða
þau og standa að þeim. í henni felast
leikreglurnar fyrir samskiptum launa-
fólks og atviunurekenda. Hins vegar
segir þar að atvinnurekendum sé óheim-
ilt að afstýra vinnustöðvun með vinnu
félagsbundinna manna. Hins vegar er
ekki vikið að ófélagsbundnum
mönnum. „Praxisinn" er hins vegar sá,
að óheimilt er að taka upp vinnu þeirra,
sem í verkfalli eru og þar erum við kom-
in að kjarna málsins.
Það er best að segja hverja sögu eins
Stjórn Dagsbrúnar í janúar 1989. Frá vinstri: Halldór Bjömsson.varaformað-
ur, Gunnar Þorkelsson, varastjórnarmaður, Guðlaugur Valdimarsson, fjár-
málaritari, Páll Valdimarsson, varastjómarmaður, Guðmundur J. Guð-
mundsson, formaður, Hjálmfríður Þórðardóttir, ritari, Ólafur Ólafsson,
gjaldkeri, Ásgeir Kristinsson, meðstjórnandi, Sigurður Rúnar Magnússon,
meðstjórnandi og Leifur Guðjónsson, meðstjórnandi.
Engin breyting á
stjórn Dagsbrúnar
Aðeins einn listi kom fram við stjórnar-
kjör í Dagsbrún um miðjan janúar. Það
var listi uppstillingarnefndar og trúnað-
arráðs félagsins og var stjórnin því sjálf-
kjörin.
Að þessu sinni varð engin breyting á
stjórninni frá þeirri, sem kosin var í
fyrra og er það í fyrsta skipti í langan
tíma, sem engin endurnýjun verður í
félagsstjórninni.
Að vanda verða þó talsverðar breyt-
ingar á trúnaðarráði félagsins.
Það skipa 100 félagsmenn og 20 til vara,
en samkvæmt langri hefð eru varamenn
taldir fullgildir á fundum, þannig að í
raun eru um 120 manna samkomu að
ræða. Langflestir þessara manna eru
jafnframt trúnaðarmenn á vinnustöðum
sínum.
8 DAGSBRÚN