blaðið - 16.02.2006, Qupperneq 16

16 I ÝMISLEGT
FIMMTUDAGUR 16. FEBRÚAR 2006 blaöiö
Vatnsmarkaður-
inn tvöfaldast
Fleiri íslendingar kaupa kolsýrt vatn
„Fólk vill fá tilbreytingu frá hefð-
bundnu kranavatni og við höfum
verið að selja kolsýrt vatn með bragð-
efnum og vítamínum sem
hefur mælst mjög vel fyrir“,
segir Hörður Harðarson
framkvæmdastjóri markaðs-
sviðs hjá Ölgerðinni Agli
Skallagrímssyni.
„Ég hef heyrt að fólk vilji
minna kolsýrt vatn en nýi
drykkurinn með mex-
ican-lime bragðinu er
einmitt léttkolsýrður."
í fréttatilkynningu
kemur fram að minna
kolsýrt vatn henti betur
með mat og að meiri
mýkt komi í drykkinn
með þessu móti.
Hörður segir ástæðu
þess að kolsýrðir drykkir
séu á svipuðu verði og
gosdrykki þá að
Framleiðslukostað-
urinn sé sá sami. “Um-
búðir og flutningur er
alltaf stór hluti af verð-
inu og þessi kostnaður
breytist ekki í kolsýrðu
vatni.“
Það hefur vakið
athygli flugfarþega
hversu dýrt er að
drekka kolsýrt vatn
um borð og slagar v
verðið jafnvel upp í
léttvínsverð hver er skýr-
ingin á því?
„Flugfélög eru með frjálsa álagn-
ingu á sínum vörum og lítið sem við
getum gert í því“, segir Hörður en
bætir við að víða erlendis sé
lítill verðmunur á léttvíni og
vatni á flöskum. „Vatnsmark-
aðurinn gengur út á að kaupa
sér þægindi, þetta kemur m.a.
*. fram við salatbarinn þar sem
fólk er að kaupa sér hádegis-
mat og getur gripið með
sér flösku af sódavatni
því fæstir ganga með
vatn á sér.
Það er ekki mikill
markaður fyrir ókol-
sýrt vatn á fslendi en
50% auking hefur orðið
á sölu kolsýrðra drykkja
á síðustu tveimur árum.
„Fólk er í meira mæli
að skipta úr sykruðum
drykkjum í vatn. Það er
stefnan hjá Ölgerðinni
að gera betri drykki
fyrir neytendur, bæði
bragðbetri og einnig
betri að því leyti að
sykri er sleppt og vít-
amínum jafnvel bætt i.
Þetta er í samræmi við
vöruþróun erlendis",
segir Hörður og bætir
við að vaxtamöguleiki
vatnsmarkaðarins sé
mikill hér á landi.
hugrun@bladid.net
Pool er cooll
Er þetta flókið sport?
„Engan veginn,“ segir Kristján Helga-
son, starfsmaður Snóker og pool-
stofunnar i Lágmúla 5. „Maður er
ekki lengi að læra reglurnar í þessu.
Reyndar er hægt að spila tvenns
konar leiki, annar heitir nineball og
hinn eightball. Eightball er sá sem
flestir kannast við og er einfaldari.
Nineball hefur níu kúlur sem maður
á að raða niður í réttri röð og sá sem
klárar níuna fyrst, vinnur. Eightball
hefur fimmtán kúlur, sjö tvílitar og
sjö einlitar og áttan er svört. Hvor
leikmaður klárar svo sinn lit og
endar á áttunni."
Er hœgt að verða háðurþessu?
„Já, það er alveg hægt. Þegar menn
byrja á þessu þá koma þeir vanalega
aftur og aftur - ef þeim finnst þetta
gaman.“
Eru margir fastakúnnar?
„Já, mjög svo. Fastakúnnarnir eru af
báðum kynjum og algengast er að
vinir komi hingað saman til að fá
sér bjór, slappa af og spila. Svo er líka
mikið spilað upp á peninga í þessu.“
Eru það stórar upphæðir?
„Nei, alls ekki. Kannski að þeir
bestu spili upp á talsverðar fjárhæðir
sín á milli en láti „amatörana" eiga
sig. Enda ekki áhættulaust að spila
við þá.“
Erþetta svona pöbbasport?
„Nei, alls ekki. Ég myndi til dæmis
ekki líkja þessu við pílukast sem er
U T S A L A S
35%
af hreinlætis- og blöndunartækjum!
afsláttur
HARÐVIÐARVAL
Krókhálsi 4 • 110 Reykjavík
Sími 567 1010
www.parket.is
náttúrlega pöbbasport. Pool er meiri
íþrótt en það þó að við höfum hingað
til ekki keppt á alþjóðavettvangi. Ég
held samt að það sé ekki langt í það
miðað við þann áhuga sem er í gangi
núna.“
Er netpool vinsælt
„Nei, alls ekki. Ég hef prófað það
sjálfur og fannst það ekkert gaman.
Þetta gengur út á að hitta rétt á kúl-
una og ekki gaman að gera það með
mús. Svo er þetta líka of auðvelt á
Netinu.“
Hvað kostar að spila?
„Algengt borðgjald er um þúsundkall
á ldukkustund. Ég veit ekki til þess
að margir staðir séu með klinkborð.
Held að það sé bara á Players.“
Eitthvað að lokum?
„Já. Poolercool!“
margret@bladid. net
Söluaukning
á fartölvum
Borðtölvur keyptar af fyr-
irtækjum en fartölvur til
heimilisnota
„Það hefur orðið mikil söluaukning
á fartölvum hjá okkur en þær eru
meira keyptar til heimilisnota,“
segir Páll Egonsson, vörustjóri hjá
EJS. „Borðtölvur eru í meirihluta
þeirra tölva sem keyptar eru til fyr-
irtækja og skóla en þær eru ódýrari
en fartölvur þó verðmunurinn hafi
minnkað. I fyrirtækjum er nokkuð
um að milli- og yfirstjórnendur séu
með fartölvur til að geta tekið með
sér verkefni heim en aðrir í fyrirtækj-
unum vinna yfirleitt ekki heima og
því er borðtölvan nægjanleg." Páll
reiknaði út að fartölvan væri 35% dýr-
ari en borðtölvan en á síðasta ári var
meðalverð á fartölvu um 135 þúsund
krónur en borðtölvan var að meðal-
tali á 90-95 þúsund krónur. „Borð-
tölvur hafa fleiri minniseiningar
en yfirleitt er 1 GB vinnsluminni í
öllum tölvum. Hörðu diskarnir eru
stærri í borðtölvum en þeir stærstu
eru 120 GB í fartölvum en 500 GB
í borðtölvum. Það er einnig kostur
við borðtölvur að í þeim er hægt að
vista fleiri en einn og fleiri en tvo
harða diska.“
Nokkrar tölvur á meðalheimili
Páll segir algengt að unglingar á
fyrsta ári í menntaskóla fái sér far-
tölvu til að nota í skólanum. „Það er
ekki óalgengt að 2-3 tölvur séu til á
hverju heimili. Þá eru foreldrarnir
með eina, unglingurinn með aðra
og gamla tölvan er notuð í leikina."
Páll segir þægindin eina meginor-
sök þess að einstaklingar kaupi sér
fartölvur. „Það er kostur að geta
notað tölvuna hvar sem er í húsinu
og hent henni upp í skáp ef það er
lítið pláss í íbúðinni." Undanfarin
ár hefur tölvan verið vinsæl ferm-
ingargjöf og líklegt er að svo verði
áfram, engin merki eru sjáanleg um
breytingar. Páll segir nokkuð um
að fyrirtæki leigi tölvur til þriggja
ára sem síðan er skipt út. „Stundum
er starfsmönnum boðið að kaupa
gömlu tölvurnar en annars fáum
við þær aftur í umboð og þá eru þær
seldar eða þeim fargað. Við sjáum
aldrei notaðar fartölvur,“ segir Páll
og grunar að notkun þeirra sé það
mikil að þær klárist.
hugrun@bladid. net
Hvað finnst þér
skemmtilegast að gera?
Valþór Reynir Gunnarsson
Leika með holukubba og bara mjög
margt. Mér finnst ofurhetjudótið
mitt líka skemmtilegt.
Óskar Magnús Harðarson
Það er nú mjög margt. Það er erfitt
að svara þessari spurningu. Mér
finnst gaman að róla, renna mér í
rennibraut og bara ýmislegt.
Veronika Sesselju Lárusdóttir
Mér finnst gaman að fara í pússlu-
kubba sem eru kubbar sem maður
pússlar saman. Svo finnst mér gaman
að leika mér með dúkkuna mína sem
heitir Findus. Ég fékk í Danmörku en
á íslensku heitir hún Brandur.
Asiaug Lárusdóttir
Fara í Húsdýragarðinn. Selirnir eru
skemmtilegastir. Mér finnst líka
gaman að fara í töframotturnar.
Birgir Gunnarsson
Fara í tívolí. Ég fór í það þegar ég fór
til útlanda. Svo finnst mér gaman
að fara í fótbolta og handbolta. Ég
æfi fótbolta með KR.