blaðið - 24.02.2006, Blaðsíða 30

30 I ÍPRÓTTIR
FÖSTUDAGUR 24. FEBRÚAR 2006 blaöiö
VIÐ STYÐJISI-I
l^fNNAR
Valur keypti báða
leikina gegn Bruhl
I gær var gengið frá því að Valur
og svissneska liðið LC Briihl mæt-
ist í tvígang í Laugardalshöll í
Evrópukeppni
kvenna í hand-
knattleik. Valur
dróst á móti Sviss-
lendingunum í
8-liða úrslitum
áskorendakeppn-
innar og átti fyrri
leikurinn að fara
fram ytra en lið
LC Briihl er frá
St.Gallen.
Þetta eru mikil
gleðitíðindi fyrir
íslenskan kvennahandknattleik
en ef Valsstúlkur komast í und-
anúrslit keppninnar jafna þær
besta árangur íslensks kvenna-
liðs í keppninni en ÍBV komst
eftirminnilega í undanúrslit fyrir
tveimur árum.
Leikir Vals og LC
Bruhl fara fram helg-
ina io-i2. mars.
Að sögn Stefáns
Karlssonar, for-
manns meistara-
flokksráðs kvenna
hjá Val, var það ekki
erfitt að fá Svisslend-
ingana til að leika
báða leikina hér á
landi. Stefán sagði
þetta ekki vera dýrt
dæmi fyrir Val en
félagið þurfi um 500 manns á
hvorn leik til að koma slétt út úr
dæminu.
Bikarhelgi í handbolta framundan
Það verður mikið um að vera hjá
handboltafólki hér á landi um helg-
ina. Leikið verður til úrslita í öllum
aldursflokkum í Laugardalshöll. Á
morgun verður leikið til úrslita í
meistaraflokki kvenna og karla.
Kvennaleikurinn hefst klukkan
13.15 á morgun og verður á milli stór-
liða Hauka og ÍBV en þessi lið hafa
mörg undanfarin ár verið í fremstu
röð kvennahandboltans hér á landi.
Haukastelpur urðu bikarmeistarar
árin 2003 og 1997 en ÍBV árin 2001-
2002 og 2004. Fyrir tveimur árum
mættust þessi lið einmitt í bikarúr-
slitum þar sem boðið var uppá allt
það besta sem íslenskur kvenna-
handknattleikur hefur fram að
færa en ÍBV vann 35-32. Leik ÍBV og
Hauka dæma Ingvar Guðjónsson og
Jónas Elíasson.
í úrslitum í karlaflokki mæt-
ast Haukar og Stjarnan og verður
flautað þar til leiks klukkan 15.45
á morgun. Haukar hafa fjórum
sinnum orðið bikarmeistarar í
meistaraflokki karla og komu tveir
titlanna árin 2001 og 2002.
Það er orðið ansi hreint langt
síðan Stjarnan varð bikarmeistari
í meistaraflokki karla eða 17 ár en
Stjarnan varð meistari 1987 og 1989.
Það má búast við hörkuleik þess-
ara liða á morgun en Stjarnan hefur
tjaldað miklu til fyrir þennan vetur
í handbolta karla og leikmenn eins
og Patrekur Jóhannesson, Kalad-
adze og Roland Valur Eradze komu
til liðsins fyrir leiktíðina.
Haukaliðið tyllti sér á topp DHL-
deildarinnar um síðustu helgi en
Páll Ólafsson þjálfari varð að ganga
í gegnum töluverðar breytingar á
mannskap frá síðustu leiktíð. Þetta
virðist allt vera að slípast hjá honum
og hans mönnum og því er það ljóst
að tveir topphandboltaleikir fara
fram í Laugardalshöll á morgun og
hinn frægi handboltadúkur verður
á höllinni alla helgina.
Úrslitaleik Hauka og Stjörnunnar
dæma Stefán Arnaldsson og Gunnar
Viðarsson.
Á sunnudeginum verður leikið
til úrslita í bikarkeppni HSÍ og
SS í yngri flokkum. Leikirnir eru
eftirfarandi:
Kl.12.00 - FH-Selfoss, 4. flokkur karla.
KI.13.30 - Fram-Grótta, 4. flokkur kvenna.
Kl.15.00 - FH-Valur, 3. flokkur karla.
KI.17.00 - Fram-HK, unglingaflokkur
kvenna.
KI.19.00 - IR-Víkingur/Fjölnir, 2. flokkur
karla.
Enski boltinn um helgina
Henry og Sven-Göran
til Real Madrid
Um helgina verður leikið í ensku úr-
valsdeildinni í knattspyrnu en ein
fimm lið hafa átt erfiða viku vegna
þátttöku þeirra í Evrópumótunum.
Þetta eru Chelsea, Arsenal og Li-
verpool sem voru í meistaradeild-
inni en þar var það aðeins Arsenal
sem hafði sigur úr sínum leik. í Evr-
ópukeppni félagsliða voru svo Bolton
og Middlesbrough við þátttöku.
Á morgun eru fimm leikir.
Klukkan 15.00 hefjast fjórir þeirra.
Birmingham tekur á móti botnliði
Sunderland, Blackburn fær Arsenal
í heimsókn á Ewood Park, Charlton
og Aston Villa leika á The Valley og
Chelsea mætir Portsmouth á Stam-
ford Bridge. Klukkan 17.15 á morgun
mætast svo Newcastle og Everton.
Athyglsiverðir leikir þarna á ferð
og ljóst að liðsmenn Arsene Wenger
eru með sjálfstraustið í toppi eftir
glæstan útisigur á Real Madrid í
meistaradeildinni í vikunni. Það
er ekki hægt að segja það sama um
Chelsea og Liverpool sem töpuðu
sínum leikjum þar sem mikið gekk
á. Asier Del Horno var rekinn útaf
hjá Chelsea í 1-2 tapleiknum gegn
Barcelona og Jose Mourinho hellti
úr reiðiskálum sínum eftir leikinn.
Rafa Benitez hjá Liverpool varð fyrir
áfalli í 0-1 tapleiknum gegn Benfica
þar sem Mohamed Sissoko meiddist
á auga og allsendis er óvíst með fram-
tíð hans í fótboltanum vegna þeirra
meiðsla. Liverpool mætir Manc-
hester City á sunnudag klukkan 12.15
á Anfield en aðrir leikir á sunnudag
eru viðureignir Bolton og Fulham
á Reebok leikvanginum og W.B.A.
tekur á móti Middlesbrough.
Úrslitaleikur ensku
deildarbikarkeppninnar
Á þessum leikjalista sést að lið eins
og West Ham, Manchester Unit-
ed.Wigan og Tottenham vantar inn í
þessa mynd en á sunnudag fer fram
úrslitaleikur ensku deildarbikar-
keppninnar í knattspyrnu þar sem
Manchester United og Wigan mæt-
ast á Millenium-leikvanginum glæsi-
lega í Cardiff í Wales. Sunnudagur-
inn verður án efa sá allra stærsti i
sögu Wigan en Dave Evans eigandi
liðsins hefur hrósað leikmönnum
og framkvæmdastjóranum, Paul
Jewell, í hástert að undanförnu og
látið hafa eftir sér að það sé engin
pressa á þeim fyrir úrslitaleikinn.
Þrátt fyrir þessi orð Evans verða
leikmenn Wigan án efa þrungnir
spennu og liklegt verður að teljast
að hið reynslumikla lið Manchester
United fari með sigur af hólmi úr
leik sunnudagsins. Við hér á Blað-
inu tippum á sigur Rauðu djöflanna,
3-i-
Breskir og spænskir fjölmiðlar
skýrðu frá því í gær að stórlið Real
Madrid hygðist krækja í snillinginn
Thierry Henry sem leikur með Ar-
senal og Sven-Göran Eriksson sem
er þjálfari enska landsliðsins.
Times segir frá því að Florent-
ino Perez forseti Real Madrid hafi
löngum verið mikill aðdáandi
Henry og frammistaða hans í vik-
unni með Arsenal gegn Real Madrid
hafi endanlega sannfært hann um
að fá Henry til Real Madrid í sumar.
Henry skoraði stórglæsilegt mark í
leiknum og var hreint út sagt stór-
kostlegur. Hann hefur ekki enn
skrifað undir framlengingu á samn-
ingi sínum hjá Arsenaí og það hefur
verið haft eftir Henry að það liggi
ekkert á að skrifa undir.
Breskir fjölmiðlar hafa sagt í því
sambandi að Henry ætli sér ekki
að skrifa undir hjá Arsenal nema
að liðið komist í meistaradeildina
á næstu leiktíð og eins og staða liðs-
ins í ensku úrvalsdeildinni er í dag
verður ekki svo.
I gær var svo greint frá því í
breskum fjölmiðlum að Perez hafi
verið í viðræðum við Sven-Göran
Eriksson þjálfara enska landsliðsins
undanfarna daga og að Svíinn sé
með fjögurra ára samning á borð-
inu tilbúinn til undirritunar sem
gæfi Sven-Göran um 450 milljónir
íslenskra króna í árslaun. Búist
er við að þjálfaramál Real Madrid
fyrir næstu leiktíð skýrist á næstu
tveimur til þremur vikum.
Florentino Perez lét ekkert hafa
eftir sér varðandi Sven-Göran Eriks-
son en sagði um Thierry Henry
að áhangendur Real Madrid yrðu
miklu meira en ánægðir að fá þann
snjalla leikmann til Madrid.