blaðið - 28.03.2007, Qupperneq 20

20 • FERMINGAR 2007
MIÐVIKUDAGUR 28. MARS 2007 blaöiö
Heitur matur vinsæll í veislum
Sífellt stærri
fermingarveislur
Forskot í náminu:
Gjafabréf frá
Hraðlestrarskólanum
Það verður sífellt algengara að
leita til veisluþjónustu þegar ferm-
ing stendur fyrir dyrum, enda kjósa
margir foreldrar að njóta veislunnar
í stað þess að vera á fullu í eldhúsinu.
Flestar veislur eru orðnar mjög fjöl-
mennar og það er því margra manna
verk að sjá um veitingar. Árný Dav-
íðsdóttir, sölufulltrúi hjá Veislunni,
segir að veislurnar hafi stækkað
mikið undanfarin ár og 70-100
manna veislur eru ekki óalgengar.
,Það er vinsælast að vera með heitan
mat í hlaðborði. Einn vinsælasti mat-
seðillinn okkar er graflax með dill-
sósu, reyklaxa-mósaík með sítrónu-
sósu, roastbeef með djúpsteiktum
lauk, mexíkóskir kjúklingaleggir
með salsa og alls konar meðlæti í
forrétt. í aðalrétt er reykt grísasteik
með sinnepssósu, sykurbrúnaðar
kartöflur og meðlæti. Þessi matseð-
iU er sérstaklega tekinn í veislur sem
eru seinnipartinn.“
Kaffihlaðborð um miðjan dag
Árný segir að aftur á móti velji
fólk frekar kaffihlaðborð séþaðmeð
veislu um miðjan dag. „Á því hlað-
borði eru tertur, brauðtertur, kaffisn-
ittur og heitir brauðréttir. Reyndar
velja flestir heitan mat með desert á
eftir, kransakökur, ístertur og kökur
sem eru eins og fermingarbók í lag-
inu eru mjög vinsælar. „Brunch“ er
líka vinsælt sem er matur í léttari
kantinum og hann er helst notaður
í veislur fyrripart dags. Þá er boðið
upp á heitan pottrétt, kalkúnasalat,
svínasteik, paté ásamt pastasalati,
kjúklingaleggjum og fleiru,“ segir
Árný og bætir við að kjúklingaleggir
séu mjög vinsælir, sérstaklega hjá
börnunum. „Það virðist vera svo-
lítið misjafnt eftir helgum hvað er
vinsælast en á heildina litið er heitur
matur og kaffiboðin áh'ka vinsæl."
Matseðill fyrir alla aldurshópa
Spurð hvort einhver eftirspurn
sé eftir öðruvísi veislumat eins og
sushi-hlaðborði eða mexíkönsku
hlaðborði segir hún: „Það er al-
gengt að mikið sé lagt upp úr því
hvað fermingarbarnið vill sjálft og
fyrst og fremst er verið að hugsa
um börnin. Veislan hefur verið
með veisluþjónustu í mörg ár og
við erum búin að þróa matseðilinn
þannig að hann henti fyrir alla ald-
urshópa og við viljum sérstaklega að
unglingarnir séu glaðir því þetta er
þeirra dagur. Það er til dæmis mikið
um að unglingarnir sjálfir séu með
ákveðnar hugmyndir um hvernig
kakan eigi að líta út og koma jafnvel
sjálf með styttuna,“ segir Árný. „Við
vorum með fermingarkynningu um
daginn þar sem við buðum öllum
fermingarbörnum á Stór-Reykjavík-
ursvæðinu. Þar var hægt að sjá öll
hlaðborðin og unglingarnir fengu
tækifæri til að sjá úrvahð og spyrja
spurninga. Þetta var mjög vel sótt,
enda hafa unglingar mjög ákveðnar
skoðanir á veitingunum í veislunni.“
Oft vandast valið þegar kemur
að fermingargjöfunum. Margir
vilja síður gefa eitthvert gagns-
laust glingur en kjósa frekar að
gefa fermingarbarninu gjöf sem
heldur áfram að gefa um ókomin
ár. Bækur hafa í gegnum árin
verið gífurlega vinsælar ferming-
argjafir en til þess að geta gert
fermingarbókunum góð skil þá
er eins gott að fermingarbarnið
hafi góð tök á lestrinum. í sífellt
harðnandi heimi verður námið
sífellt mikilvægara, unglingar
þurfa að tileinka sér eins mikinn
fróðleik og mögulegt er á sem
skemmstum tíma.
Gjafabréf á námskeið hjá Hrað-
lestrarskólanum er kjörin gjöf
fyrir þá sem vilja gefa ferming-
arbarninu gott forskot á náms-
ferlinum. Jón Vigfús, hjá Hrað-
lestrarskólanum, segir að þetta
sé þriðja árið sem skólinn býður
upp á þessi gjafabréf og það verði
sífellt vinsælla að fólk gefi ferm-
ingarbörnum gjafabréf frá skól-
anum í fermingargjöf. Helsti
kostur námskeiðanna er sá að
þeim fylgir æviábyrgð. „Það er
æviábyrgð á námskeiðunum
sem tryggir að þó að krakkarnir
komi inn ung þá geta þau komið
inn aftur eftir tvö, fjögur eða tíu
ár. Allir þeir sem sitja námskeið
hjá okkur eiga kost á því að koma
aftur hvenær sem er og rifja upp,
eins oft og þau vilja og algjörlega
ókeypis."
Það segir sig sjálft að með því
að auka lestrarhraða ná ungling-
arnir að komast yfir mun meira
efni á mun skemmri tíma. Jón
Vigfús segir að við ferminguna
standi krakkarnir á vissum tíma-
mótum og því er gott að veita
þeim alla þá aðstoð sem mögu-
legt er að veita. „Skólakrakkar
eru að stíga sín fyrstu skref eftir
fermingu, grunnskólinn er að
klárast og síðan hefst mennta-
skólinn. Þannig er einmitt byrj-
unarskrefið í því að takast á
við framtíðina.“ Hann segir að
með því að sitja námskeið hjá
Hraðlestrarskólanum nái ung-
lingarnir að minnsta kosti að
tvöfalda lestrarhraða sinn, og í
sumura tilfellum allt að fimm-
falda hann, en nái um leið að
auka við lestrarskilninginn.
Jón segir að markmið hans og
Hraðlestrarskólans sé að stuðla
að því að ungt fólk sem og full-
orðnir eigi enn auðveldara með
að afla sér meiri þekkingar. „Mitt
markmið er að hér úti í samfélag-
inu verði fullt af ungu fólki sem
nær árangri í náminu og getur
komið inn til okkar hvenær sem
er til að auka árangurinn enn
frekar eða bara til að skerpa á
kunnáttunni.“ Áheimasíðu Hrað-
lestrarskólans, www.h.is, er hægt
að finna umsagnir margra ung-
menna sem setið hafa námskeið
skólans og láta vel af náminu.
Þar er meðal annars að finna þau
skilaboð sem ungur nemi skól-
ans, Elín Björk Jónsdóttir, sendi
skólanum eftir að hafa setið á
námskeiði. „Ég náði margfalt
betri tökum á lestrinum. Loksins
sé ég fram á það að geta klárað
lesbækur fyrir próf og lesið yfir
glósur.“ Með svona meðmælum
er líklegt að gjafabréf frá Hrað-
lestrarskólanum muni hitta beint
í mark hjá fermingarbarninu.
Fermingar á
laugardögum
Frá örófi alda hafa fermingar iðu-
lega verið haldnar á sunnudögum.
Á siðustu árum hafa einstakar
kirkjur þó brugðið á það ráð að
ferma á laugardögum. Bryndís
Malla Elídóttir, héraðsprestur í
Linda- og Breiðholtssókn segir:
„Laugardagsfermingar eru upp-
haflega komnar til vegna þess
hve margir sunnudagar í röð voru
undirlagðir af fermingum þannig
að annað helgihald varð að víkja á
meðan. Almenna reglan er sú að
það er fermt á sunnudögum þar
sem ferming er safnaðarathöfn.”
Aðstæður í Lindasókn eru þó
undarlegar í ár, þar sem söfnuður-
inn hefur ekki yfir kirkju að ráða.
„Fyrsta skóflustunga hefur verið
tekin að byggingu kirkju hér í hverf-
inu og í bjartsýni reiknum við með
því að messa í henni um jólin 2008.”
Eins og staðan er í dag fara messur
í Lindasókn fram í Salaskóla og
fermingar í Hjallakirkju, en mikil
uppbygging er í hverfi kirkjusóknar-
innar. Þrátt fyrir kirkjuleysi er rekið
öflugt starf í Lindasókn og ferming-
arbörn í ár eru um hundrað talsins.”