blaðið - 13.09.2007, Blaðsíða 21

blaóió
FIMMTUDAGUR 13. SEPTEMBER 2007
21
LÍFSSTÍLLH El LSA
heilsa@bladid.net
Þeir þættir sem liggja til grundvallar
matinu eru hitaeiningar, fita, sykur,
salt og mettuð fita.
Fundur um ábyrgð atvinnulífsins á auknu heilbrigði
Leggja áherslu á hollustu
íslenskar matvælaversl-
anir ætla að leggja meiri
áherslu á hollar vörur og
heilsueflingu starfsfólks
líkt og matvöruverslanir í
Evrópu hafa gert.
Eftir Einar Örn Jónsson
einar.jonsson@bladid.net
Evrópusamtök verslunarinnar
sendu frá sér sameiginlega yfirlýs-
ingu í mars á þessu ári þar sem fram
kemur að þau hyggist taka á hollustu-
málum með áhyrgum hætti. 1 því
felst meðal annars að verslanirnar
kappkosta að bjóða upp á hollari
vörur en áður og merkja í öllu falli
hollustuvörurnar með áberandi
hætti. Jafnframt lýstu samtökin yfir
vilja til að efla heilsu starfsmanna
sinna með ýmsum hætti.
Verslanir sameinast um holiustu
Nú hyggjast fulltrúar helstu mat-
vöruverslana hér á landi feta í fót-
spor starfsbræðra sinna í öðrum
löndum Evrópu og skrifa undir
sams konar yfirlýsingu. Þeir sem að-
ild eiga að yfirlýsingunni eru Hagar,
Kaupás, Samkaup, Fjarðarkaup og
Heilsuhúsið. Skrifað verður undir
yfirlýsinguna á morgunverðarfundi
Samtaka verslunar og þjónustu sem
fram fer á Nordica Hóteli í dag en yf-
irskrift fundarins er einmitt Aukið
heilbrigði - ábyrgð atvinnulífsins.
„Verslunin lýsir því yfir að hún
ætli með sama hætti og þar er gert
að merkja sérstaklega hollustu-
vörur og leggja áherslu á innkaup á
hollustuvörum auk þess að styrkja
og styðja hreyfingu og holla lífs-
hætti,“ segir Sigurður Jónsson, fram-
kvæmdastjóri Samtaka verslunar
og þjónustu.
„Þetta eru viss tímamót enda ekki
á hverjum degi sem þessir keppi-
nautar fást til að gera svona nokkuð,“
bætir hann við.
„Ég skal fúslega viðurkenna að við
erum svolítið að herma eftir því sem
kollegar olckar ytra eru að gera en
þeir hafa verið ánægðir með þetta
og telja sig hafa náð árangri þannig
að við viljum endilega koma þessu
hingað inn,“ segir hann.
Hollar vörur sérmerktar
Sigurður bendir á að í Evrópu
séu verslunarfyrirtæki búin að
koma sér saman um viðmiðunar-
reglur um ráðlagðan dagskammt
(guidelines for daily amounts)
ýmissa efna og merkingar þeirra
miðast við þær reglur. Þeir þættir
sem liggja til grundvallar matinu
eru hitaeiningar, fita, sykur, salt
og mettuð fita. „Ef maður fer inn
á síður fyrirtækja eins og Sains-
bury’s, Tesco eða Marks & Spencer
sér maður að þau eru öll komin
með hollustumerkingar á þær
vörur sem þau láta sérmerkja fyrir
sig,“ segir Sigurður og bendir jafn-
framt á að merkin séu ekki með
sama sniði á milli verslana. „Þau
byggjast samt öll á sömu hugmynda-
fræði. Merkin eru í mismunandi
litum þannig að maður geti séð í
sjónhendingu hvort varan er holl
eða ekki. Því grænna sem merkið
er, þeim mun hollari er varan. Því
rauðara sem það er, þeim mun
óhollari er hún,“ segir Sigurður.
Vinnuaðstaðan skiptir máli
Sigurður segir að miklu meiri
áhersla sé einnig lögð á aðstæður
og heilbrigði starfsfólks fyrirtækja
nú til dags en áður. Það á jafnt við
um starfsfólk í verslunargeiranum
sem öðrum sviðum atvinnulífsins.
,Fólk veltir meira fyrir sér réttri
hæð á stólum og skrifborðum. Það
er töluvert um rafdrifin skrifborð
sem hægt er að hækka og lækka
þannig að þeir sem eru bakveikir
geti til dæmis staðið við vinnu sína.
Svo eru fyrirtæki og stéttarfélög í
auknum mæli farin að greiða niður
heilsurækt fyrir sína starfsmenn. í
nýjum skrifstofubyggingum eins
og hér í Borgartúni þar sem ég er
núna er til dæmis sturtuaðstaða og
búningsklefar þannig að fólk geti
skipt um föt ef það stundar líkams-
rækt,“ segir Sigurður.
Hátíöar-
fyrirlestrar
Hátíðarsamkoma verður haldin í
Hátíðarsal Háskóla íslands í dag,
fimmtudaginn 13. september kl.
14, í tilefni af 10 ára afmæli Rann-
sóknastofnunar í hjúkrunarfræði
við Háskóla Íslands og Land-
spítala. Dr. Þóra Jenný Gunn-
arsdóttir fjallar um rannsóknir
á óhefðbundnum meðferðum
- tilfellarannsóknir. Árún K. Sig-
urðardóttir fjallar um sjálfsum-
önnun fólks með sykursýki, dr.
Helga Sif Friðjónsdóttir fjaílar
um ofneyslu áfengis meðal ung-
linga og forvarnir og dr. Elísabet
Hjörleifsdóttir fjallar um rann-
sókn á krabbameinssjúklingum.
Vinir í bata
Tólf sporin - andlegt ferðalag
er nafn á hópastarfi innan
kirkjunnar þar sem myndaðir
eru litlir hópar og þátttakendur
vinna sig skriflega í gegnum
Tólf sporin eftir samnefndri
vinnubók. Hóparnir hittast
vikulega yfir veturinn og starfa
undir leiðsögn þeirra sem þekkja
þessa vinnu af eigin raun sem
oftast eru leikmenn að starfi í
kirkjunni.
Þeir sem hafa tekið þátt í starfinu
hafa myndað með sér samtökin
Vinir í bata. Þau hafa opnað
heimasíðuna viniribata.is þar
sem fram koma upplýsingar um
nýja byrjunarfundi. Allir eru vel-
komnir á byrjunarfundina.
SÍBS býður upp á heilsufarsmælingar
Forvörn gegn sjúkdómum
Hópur á vegum SÍBS er nú á ferð
um landið til að bjóða fólki á lands-
byggðinni upp á heilsufarsmæl-
ingar. Ferðin hófst á Sauðárkróki í
gær og lýkur á Kirkjubæjarklaustri
þann 21. september og kemur hóp-
urinn við á alls 17 stöðum. Mæling-
arnar fara yfirleitt fram á heilsu-
gæslustöðvum nema á Akureyri
þar sem mælt verður á Glerártorgi.
Boðið verður upp á mælingar á
blóðþrýstingi, blóðfitu, súrefnis-
mettun og öndunarmælingar þar
sem það er mögulegt.
Helgi Hróðmarsson, fram-
kvæmdastjóri SÍBS, segir að slíkar
mælingar geti verið mikilvægar
sem forvörn gegn alvarlegum sjúk-
dómum til dæmis hjarta- og lungna-
sjúkdómum, háþrýstingi og of háu
kólesteróli.
„Við viljum líka Ieggja okkar lóð
á vogarskálarnar við að benda á
mikilvægi og nauðsyn forvarna og
við teljum að með því að fólk fái
vitneskju nógu snemma sé hægt
að gripa í taumana eins og dæmin
sanna,“ segir Helgi og bendir á að
niðurstöður slíkra mælinga hafi
orðið til þess að fólk hafi gengist
undir frekari rannsókn og því
hafi þær í raun bæði fræðslu- og
forvarnargildi.
Tilgangurinn með ferðinni er
einnig að vekja athygli á samtök-
unum og starfi þeirra. „Við erum
að kynna starfsemi SÍBS, hvað við
erum að gera og hvers vegna. Við
vonumst jafnframt til að hitta fólk
sem hefði jafnvel hug á að ganga í
eitthvert þeirra aðildarfélaga sem
mynda samtökin," segir hann.
Heilsufarsmælingarnar eru
fólki að kostnaðarlausu og verður
einkum reynt að ná til þeirra sem
ekki hafa gengist undir slíkar mæl-
ingar áður. Á heimasíðu SÍBS sibs.
is er hægt að sjá hvar og hvenær
mælingarnar fara fram.