Bændablaðið - 04.11.2008, Blaðsíða 4

4 Bændablaðið | þriðjudagur 4. nóvember 2008
Sláturtíð er formlega lokið hjá
SAH afurðum ehf. en að þessu
sinni var slátrað 92.381 fjár og
var meðal fallþungi 15,88 kíló
sem er 640 grömmum meira en
í fyrra. Sigurður Jóhannesson,
framkvæmdastjóri segir á vef
Feykis að sláturtíðin hafi gengið
vel og slátursala hafi aldrei verið
meiri en þetta haustið.
Erlendir farandverkamenn sem
verið hafa í sláturtíð fara að huga
að heimferð. Sigurður segir að þrátt
fyrir að samið hafi verið um milli-
færslu á launum þessa fólks hafi
ekki allir treyst því að það gengi
eftir og farið daglega með farseð-
ilinn sinn í banka og millifært þær
50 þúsund krónur sem má á dag
yfir í evrur. – Síðan hefur fólk haft
áhyggjur af því hvert gengið verði
við næstu útborgun, enda gengi
sveiflast mjög mikið til og frá, og
því ákveðinn óróleiki í fólkinu,
segir Sigurður sem óttast að ástand-
ið verði til þess að ekki snúi allir
aftur að ári en SAH afurðir hafa
rekið sláturtíðina mikið til á sömu
fjölskyldum í áraraðir.
Hvað framhaldið varðar segir
Sigurður að engar uppsagnir séu
fyrirhugaðar. „Fólk þarf áfram að
borða og við munum gera okkar
til þess að allir hafi nóg að borða.
Sala á ódýrara kjöti hefur gengið
vel þetta haustið, ekki síst hrossa-
kjöti en dýrara kjötið gengur hægar
í sölu. Allt potast þetta þó,“ segir
Sigurður.
Prjónablaðið Ýr er nú nýkom-
ið út blaðið er jafnframt það 40
í röðinni frá upphafi og um leið
eru 20 ár síðan að fyrsta blaðið
kom út.
Ýr er selt í áskrift á www.tinna.
is og til garnverslana með Tinnu
prjónagarn en frá upphafi hafa verið
seld um 150.000 eintök og upp úr
blöðunum hefur verið prjónað um
600.000 flíkur. Í prjónaklúbbnum
Tinnu sem tilheyrir prjónablaðinu
eru yfir 7000 félagar sem fá upp-
skriftir, fréttir á netfang sitt. Fólk
getur skráð sig á www.tinna.is.
S.dór
Tónlistarskóli Eyfjarðar 20 ára
Vinnustaðatónleikarnir haldnir í fjósi
Tónlistarskóli Eyjafjarðar er 20 ára um þessar mundir og af því
tilefni verður mikið um dýrðir nú í vikunni. Fjögur sveitarfélög
standa að skólanum, Eyjafjarðarsveit, Hörgárbyggð, Arnarnes-
hreppur og Grýtubakkahreppur og er kennt í öllum sveitarfélög-
um. Mikil og góð aðsókn hefur alla tíð verið að skólanum, þann-
ig eru um 12% íbúa í Eyjafjarðarsveit nemendur við skólann og
hlutfallið í hinum hreppunum er frá 6-9%. Um 180 nemendur
stunda nú nám við Tónlistarskóla Eyjafjarðar.
„Við vorum að velta fyrir okkur vinnustaðatónleikum og þá kom
upp sú hugmynd að efna til tónleika í fjósi, því skólinn er starfræktur
í miklu sveitasamfélagi og helsti vinnustaðurinn er fjósið á hverjum
bæ. Með þessu viljum við sýna að við erum sveitaskóli,“ segir Eiríkur
Stephensen skólastjóri, en á fimmtudag, 6. nóvember, verður efnt til
tónleika í fjósinu í Litla-Dunhaga í Hörgárbyggð. „Við komum okkur
fyrir í fóðurganginum og nemendur munu leika í svona um það bil
hálftíma,“ segir Eiríkur. Nemendum í yngstu deildum Þelamerkurskóla
er sérstaklega boðið á tónleikana, kýrnar í fjósinu verða á meðal áheyr-
enda og þá er öllum heimilt að koma og hlýða á, „við stilltum tímanum
upp þannig að sem flestir bændur væru lausir við, en tónleikarnir hefj-
ast kl. 12:15 í hádeginu,“ segir Eiríkur. Hann kveðst ekki hafa hug-
mynd um hvernig kýrnar taka tiltækinu en vonar að þeim eins og öðr-
um líki vel.
Í vikunni munu nemendur og kennarar verða á faraldsfæti og leika í
grunn- og leikskólum, á Kristnesspítala, og þá hefur söngdeild skólans
þegar heimsótt dvalarheimili aldraðra og sjúkradeildir. Tónleikavikunni
lýkur með stórum tónleikum í Laugaborg í Eyjafjarðarsveit kl. 14, en
þar koma fram nemendur, kennarar og fyrrum nemendur skólans.
Skýrt var frá því í Bændablaðinu
14. maí sl. að verið væri að prófa
á Landbúnaðarháskólanum á
Hvanneyri nýja tegund af áburð-
ar dreifara fyrir húsdýraáburð.
Haukur Þórðarson, verkefnisstjóri
búræktarsviðs á Hvanneyri, stjórn-
aði prófununum og sagði hann þá
að hér væri um mjög áhugavert og
spennandi tæki að ræða. Þar sem
prófanir voru rétt að hefjast sagði
Haukur að of snemmt væri að fella
dóm um tækið en að sér litist afar
vel á það.
Nú er komið haust og því tíma-
bært að spyrja Hauk um útkomuna
á prófununum frá því í vor. Hann
segir hana býsna góða en tekur
fram að þetta hér sé bara um athug-
un að ræða og því ekki um vísinda-
legar niðurstöður.
Greinilegur munur
,,Við bárum á ákveðið svæði með
hefðbundinni aðferð og svo á annað
með nýja tækinu og um leið að
minnkuðum við áburðarmagnið á
tilbúnum áburði. Heyefnagreiningar
styðja það að óhætt muni að minnka
tilbúna áburðinn verulega ef þessi
áburðardreifari er notaður. Ég end-
urtek hins vegar að þetta er fyrsta
athugun og erfitt að fullyrða um
niðurstöðurnar. Húsdýraáburður er
seinni að virka og utanaðkomandi
áhrif geta verið ýmiskonar,“ segir
Haukur.
Hann segir að uppskera á þeim
túnum sem borið var á með nýja
áburðardreifaranum hafi verið meiri
en þar sem húsdýraáburður var bor-
inn á með gamla laginu. Hins vegar
segir Haukur að þeir hafi ekki getað
séð við efnagreiningar að það væri
gæðamunur á grasinu sem nokkru
næmi en magnið var umtalsvert
meira.
Getur sinnt 30-40 bæjum
Þessi áburðardreifari er stórt og
dýrt tæki sem kostaði í vor um tutt-
ugu milljónir króna. Haukur segir
tækið að sjálfsögðu allt of dýrt fyrir
eitt bú en ef um hóp bænda væri að
ræða, búnaðarfélög eða verktaka þá
gengi dæmið ágætlega upp. Tækið
er gríðarlega afkasta mikið og
getur hæglega annað allt að 30 til
40 bæjum. Hann segist hafa verið
með tækið á Skeiðunum í vor og
var ekki nema einn og hálfan dag á
hverjum bæ.
Aftast á tækinu eru hjól sem
fella áburðinn niður í svörðinn
þannig að húsdýraáburðurinn liggur
ekki ofan á jörðinni eins og ef um
venjulega áburðardreifingu væri að
ræða. Með þessu móti verður um
fullkomna nýtingu á köfnunarefni
og fleiri efnum að ræða. Að auki er
mjög lítil lykt á túninu öndvert við
það þegar húsdýraáburður er bor-
inn á völl.
Haukur segir að það sem nú
vanti sé fjármagn til þess að hægt
sé að ljúka þessum prófunum.
Búrekstrardeild Landbúnaðarhá -
skólans á Hvanneyri hefur gert
tilraunirnar í samstarfi við inn-
flytjanda tækisins, Jötun Vélar á
Selfossi.
,,Ef einhver vill fjármagna frek-
ari rannsóknir á áburðardreifaran-
um þá erum við alveg tilbúnir til
þess að stýra þeim enda höfum við
mikla trú á tækinu,“ segir Haukur
Þórðarson. S.dór
Nýr áburðardreifari fyrir húsdýraáburð
Fyrstu prófanir sýna
framúrskarandi árangur
Sigurður Sigurðarson, dýralækn-
ir hjá Matvælastofnun á Selfossi,
hefur látið af störfum sem dýra-
læknir eftir farsælt starf í gegn-
um árin.
„Ég hóf störf á Keldum sem
dýralæknanemi í fríum 1963 og
kom þangað í fullt starf 1968.
Þetta eru því 45 ár frá upphafi og
40 ár í fullu starfi. Frá dregst tími
í framhaldsnámi og við rannsóknir
erlendis. Ég er ekki kvíðinn fyrir
aðgerðaleysi þó ég sé hættur, ég á
mörg áhugamál sem ég gæti farið
að sinna betur en ég hefi haft tæki-
færi til. Ég gæti líka hugsað mér að
fara að vinna við eitthvað annað,
þar sem ég er furðu hraustur og
bjartsýnn, held ég,“ sagði Sigurður
þegar haft var samband við hann og
hann spurður út í starfslokin. MHH
Sigurður Sigurðarson dýralæknir,
sem hefur nú látið af störfum og
ætlar m.a. að fara að sinna áhuga-
málum sínum, sem eru af fjölbreytt-
um toga.
Sigurður Sigurðarson hættur sem dýralæknir
Matís mun þann 5. nóvember
opna Matvælasmiðju á Höfn
í Hornafirði. Smiðjan er sér-
staklega sett upp til að styðja við
frumkvöðla og fyrirtæki, sem
vilja hefja virðisaukandi smá-
framleiðslu matvæla úr íslensku
hráefni. Í Matvælasmiðjunni er
allur helsti búnaður sem þarf
til að hefja smáframleiðslu mat-
væla.
Með stofnun Matvælasmiðjunnar
er markvisst reynt að efla nýsköpun
í matvælaframleiðslu á landsvísu
segir í fréttatilkynningu frá Matís.
Matvælasmiðjan mun veita frum-
kvöðlum og fyrirtækjum aðgang
að tækjum og þekkingu til að fara
í gegnum vöruþróun og hefja fram-
leiðslu á skilvirkari hátt en áður
hefur verið hægt hérlendis.
Einar K. Guðfinnsson, sjávarút-
vegs- og landbúnaðarráðherra, mun
verða viðstaddur formlega opnun
Matvælasmiðjunnar miðvikudaginn
5. nóvember. Boðið verður upp á
léttar veitingar úr Ríki Vatnajökuls
en opnunarathöfnin hefst kl. 13:00.
Matvælasmiðjan verður til húsa að
Álaleiru 1 á Höfn.
Matvælasmiðju ætlað að efla
nýsköpun í matvælaframleiðslu
Gagnaveita Skagafjarðar hefur
sent Fjarskiptasjóði bréf þar
sem Gagnaveitan lýsir því yfir
í ljósi fyrirkomulags á útboði
Fjarskiptasjóðs og breytinga á
kröfum sjóðsins varðandi farnet-
þjónustu að félagið er ekki lengur
skuldbundið af því að veita þjón-
ustu á áður afmörkuðu svæði.
Gagnaveitan afmarkaði sér
svæði í Skagafirði á sínum tíma
og hugðist fyrirtækið byggja upp
háhraðanet á markaðslegum for-
sendum og sækja til þess styrk til
Fjarskiptasjóðs. Ákvörðun stjórnar
Fjarskiptasjóðs um að bjóða allt
landið út í heild sinni, útilokaði
fyrirtækið frá því. Í ljósi upphaf-
legra skilmála útboðsins þar sem
svokölluð háhraðafarnetsþjónusta
mátti vera valkvæð til viðbótar
við staðbundna háhraðanetþjón-
ustu, ákvað Gagnaveitan að ráðast
í kaup á traustum og öflugum bún-
aði þar sem allar líkur voru á því
að það fyrirtæki sem fengi styrk úr
sjóðnum myndi einnig byggja upp
sínar lausnir með örbylgjusend-
ingum. Það kom því fyrirtækinu
nokkuð á óvart að farnetsþjónustan
skyldi verða leyfð sem aðallausn,
en ekki aðeins sem lausn til viðbót-
ar við staðbundnar lausnir. Þá lágu
engar kröfur fyrir um stofnkostnað
og mánaðargjald. Aðeins var gerð
krafa um að þessari uppbyggingu
þyrfti að vera lokið 1. júlí 2008
og hins vegar um hraða samband-
anna. Þegar útboðsgögn litu dags-
ins ljós var hins vegar búið að setja
inn kröfur um þátttöku notenda í
stofnkostnaði og um mánaðargjald
tenginga. Hvort tveggja setti áætl-
anir Gagnaveitunnar í uppnám og
er það niðurstaða fyrirtækisins að
það geti ekki boðið upp á þjónustu
á samkeppnishæfu verði miðað við
þessar forsendur.
Gagnaveita Skagafjarðar
segir sig frá dreifbýlinu
Góðir vinir
Prjónablaðið Ýr á afmæli
Það fer vel á með þeim vinunum Huppu og Dreka á Grjótá í Fljótshlíð á þessari ágætu mynd sem Ásta Þorbjörns-
dóttir tók í sumar.
Sláturtíð lokið á Blönduósi
Erlenda farandverkafólkið milifærði daglega