Bændablaðið - 04.11.2008, Blaðsíða 10
10 Bændablaðið | þriðjudagur 4. nóvember 2008
Segja má að líf þeirra Snorra
Guðmundssonar tölvunarfræð-
ings og Ingu Geirsdóttur dagmóð-
ur hafi tekið stakkaskiptum fyrir
fimm árum þegar þau ákváðu að
flytjast búferlum til Skotlands
vegna atvinnu Snorra. Ekki leið á
löngu þar til þau fóru að leiðsinna
Íslendingum á ferðalögum um
Skotland og upp frá því stofnuðu
þau eigið fyrirtæki, Skotgöngu,
þar sem þau sérhæfa sig í göngu-
ferðum um skosku hálöndin. Í
sumar gengu hvorki meira né
minna en 200 Íslendingar með
þeim Snorra og Ingu sem hafa
snúið sér alfarið að fyrirtæki sínu.
Hvernig kom það til að þið fluttuð
upphaflega til Skotlands?
– Ég er menntaður tölvunarfræð-
ingur og starfaði í 18 ár hjá tölvufyr-
irtækinu EJS á Íslandi. Árið 2002
bauðst mér starf hjá dótturfyrirtæki
EJS í Skotlandi og við ákváðum að
slá til, segir Snorri og Inga bætir við:
Úr varð að við fluttum til Skotlands
í ársbyrjun 2003 með yngsta son
okkar, Bjarka, en þau eldri, Daði og
Margrét, voru eftir heima á Íslandi
þar sem þau voru í námi.
Hvenær byrjuðuð þið með ferðir
um skosku hálöndin?
– Fljótlega eftir að við komum
út fórum við að fá vini og ætt-
ingja í heimsókn sem uppgötvuðu
hvað það er þægilegt og fljótlegt að
ferðast til Skotlands. Í framhaldinu
fórum við að skipuleggja fyrir þau
ýmsar ferðir um stórkostlega nátt-
úru Skotlands. Fyrsta gönguferðin
um hálöndin var farin árið 2004 og
ár frá ári jókst fjöldinn sem vildi
koma með í ferðirnar en þetta var
okkar áhugamál á þessum tíma,
útskýrir Inga brosandi.
Árið 2007 var svo komið að við
þurftum að taka ákvörðun um það
hvort við færum að auglýsa okkur
og hella okkur út í þetta af fullum
krafti. Við ákváðum að gera það og
á þessu ári stofnuðum við fyrirtækið
Scot Walks Ltd, (Skotganga), utan
um rekstur þessara gönguferða.
Ferðirnar eru eingöngu auglýstar á
Íslandi og því fyrst og fremst stíl-
að inn á íslenska markaðinn að svo
stöddu, segir Snorri.
Hvað er í boði hjá ykkur fyrir
gönguglaða Íslendinga?
– Stór hluti fólks sem við fáum
til okkar er úr sveitum og af lands-
byggðinni á Íslandi og virðist
Skotland vera í miklu uppáhaldi
hjá þeim, enda Skotar góðir heim
að sækja með sitt undurfagra land
sem er ekki ólíkt Íslandi með háum
fjöllum, djúpum dölum og vötn-
um. Ferðirnar hjá okkur eru 7-9
daga langar þar sem gengið er í 4-7
daga. Að meðaltali eru gengnir 20
kílómetrar á dag. Gist er á nýjum
gististað á hverjum degi og farang-
ur er ferjaður á milli gististaða og
því þarf aðeins að ganga með létt-
an bakpoka með því sem nota þarf
yfir daginn, útskýrir Snorri og Inga
segir jafnframt:
– Vinsælasta gönguleið okkar
er West Highland Way sem er 153
kílómetra gönguleið frá Glasgow til
Fort William. Hægt er að velja um
að ganga fyrri hlutann (83 kílómetra)
á fjórum dögum, seinni hlutann (70
kílómetra) á fjórum dögum einnig og
loks að ganga alla leiðina í einni ferð,
en þá er leiðin gengin á sjö dögum.
Á þessu ári voru tíu gönguferðir
um skosku hálöndin í boði á okkar
vegum og tæplega 200 Íslendingar
gengu með okkur í sumar. Þannig að
óhætt er að segja að vel hafi gengið
hjá Skotgöngu þetta árið.
Hvernig er upplifun fólks á ferð-
unum?
– Hún er ýmiss konar og má þar
helst nefna stórkostlega náttúrufeg-
urð skosku hálandanna og gestrisni
og húmor Skotanna sem fellur vel
í kramið hjá Íslendingum. Það er
jafnan skemmtileg stemning sem
myndast í þessum ferðum, enda
yfirleitt 10–20 manns í hverjum
hópi. Oft þekkist fólk ekkert við
upphaf ferðar en eru orðnir góðir
vinir að henni lokinni. Við höfum
séð það að í mörgum tilvikum er
svona gönguferð upphaf að nýjum
lífsstíl hjá fólki sem hreyfir sig
reglulega mánuðina fyrir göngu-
ferðina til að vera sem best und-
irbúið og heldur áfram góðu verki
þegar heim er komið, segir Inga.
Einnig má nefna það að þar sem
frídagar eru í ferðinni á undan og
eftir göngunni, þá notar fólk tæki-
færi til að versla í Glasgow eða að
skoða sig um til dæmis með því
að skella sér yfir til Edinborgar.
Ferðirnar eru fyrst og fremst aug-
lýstar á vefsíðu okkar www.skot-
ganga.co.uk en auk þess höfum
við auglýst eitthvað í blöðum og
tímaritum. Afspurnin er þó besta
auglýsingin og fólk hefur nær und-
antekningarlaust verið afskaplega
ánægt með gönguferðirnar og gest-
ir okkar hafa verið duglegir við að
breiða út fagnaðarerindið, segir
Snorri og hlær.
En er eitthvað nýtt á döfinni hjá
ykkur í sambandi við gönguferð-
irnar?
– Á þessu ári fórum við í sam-
starf við Úrval Útsýn og bjóðum nú
upp á vikuferðir í rútu um skosku
hálöndin. Framhald verður á því
á næsta ári og verða þrjár ferð-
ir í boði. Þá höfum við á vegum
fyrirtækisins nýlega boðið upp á
skipulagðar golfferðir í Skotlandi.
Einnig hefur verið boðið upp á
styttri skoðunarferðir í nágrenni
Glasgow og Edinborgar og um
sveitir landsins fyrir íslenska hópa.
Þá hefur færst í aukana ýmiss konar
sérhæfð aðstoð við hópa, til dæmis
kennarahópa í náms- og kynn-
isferðum, og hópa í árshátíðar- og
skemmtiferðum, útskýrir Snorri.
– Á næsta ári verður boðið upp á
meiri fjölbreytni í gönguferðum með
nýjum gönguleiðum um til dæmis
Great Glen Way og Hadrian´s Wall.
Great Glen Way er 123 kílómetra
löng gönguleið frá Fort William
til Inverness. Gengið er fram hjá
hæsta fjalli Bretlandseyja (Ben
Nevis), fylgt stærsta jarðfræðilega
misgengi Bretlands og meðfram
frægasta vatni Bretlands (Loch
Ness). Gangan endar í Inverness
sem er nyrsta borg Skotlands og
höfuðborg Hálandanna. Mikið af
göngunni er meðfram siglingaleið-
inni Caledonian Canal en smíði
hennar þykir eitt mesta verk-
fræðilega afrek Viktoríutímans í
Skotlandi. Leiðin Hadrian’s Wall
er 95 kílómetra gönguleið skammt
sunnan landamæra Skotlands og
Englands frá Carlisle til Newcastle
meðfram veggnum sem rómverski
keisarinn Hadrian lét reisa árið 122.
Þarna eru fallegar sveitir og það er
kjörið að kynna sér merkilega sögu
Rómverja á svæðinu, segir Inga
sem ásamt manni sínum hafa byggt
upp farsæla og vinsæla ferðaþjón-
ustu í Skotlandi. ehg
Hjónin Inga Geirsdóttir og Snorri Guðmundsson hafa skipulagt ferðir fyrir
Íslendinga um skosku hálöndin um nokkurt skeið við góðan orðstír.
Við vatnið Loch Lomond er mikil náttúrufegurð en það er stærsta vatn Bretlandseyja.
Íslenskir göngugarpar í námunda við sæluhús við Loch Lomond.
Leiðbeina íslenskum göngu-
görpum um skosku hálöndin
Rosemarie Þorleifsdóttir, formaður SSK og Halla Aðalsteinsdóttur, sem
gerð var að heiðursfélaga á afmælissamkomunni.
Samband sunnlenskra kvenna 80 ára
Samband sunnlenskra kvenna (SSK) fagnaði 80 ára afmæli sínu
með hátíðarkvöldverði á Hótel Selfossi nýlega.Yfir 200 gestir
komu þar saman og skemmtu sér vel.
Sambandið gerði Höllu Aðalsteinsdóttur, Kolsholti, að heiðurs-
félaga en hún hefur um áratugaskeið verið virk í starfi sambandsins,
var formaður í sex ár og hefur setið í ýmsum nefndum fyrir sam-
bandið. Auk þess sat Halla í stjórn Kvenfélagasambands Íslands um
tíma. Skessurnar Hrefna og Gilitrutt, sín úr hvorri sýslu, heimsóttu
samkomuna að undirlagi kvenfélags Selfoss, Bjarni Harðarson mælti
fyrir minni kvenna, eða kellinga eins og hann orðaði það, Henrietta
Ósk Gunnarsdóttir söng við undirleik Hilmars Arnar Agnarssonar og
félagar úr kvenfélagi Hrunamanna og makar þeirra sýndu Vefaradans,
svo eitthvað sé nefnt af hátíðardagskránni. MHH
300 tré fellu í Ásbyrgi
Búið er að hreinsa skóginn í
Ásbyrgi eftir mikið stormfall
sem varð í september síðast-
liðnum þegar leyfar af felli-
bylnum Ike gengu yfir landið.
Í Ásbyrgi er lítill lerkireitur
sem gróðursettur var á árunum
1951 til 1959 og er hann tæpur
einn hektari að flatarmáli.
Reiturinn varð fyrir miklum
skemmdum þegar um það bil
50 metra breið geil myndaðist
í gegnum reitinn í storminum
og flest trén rifnuðu upp með
rótum. Starfsfólk Skógræktar
ríkisins á Norðurlandi hefur á
undanförnum vikum unnið að
hreinsun í lerkireitnum og er
henni nú lokið. Viðurinn hefur
verið keyrður út úr reitnum og
talið er að alls hafi fallið um
300 tré í hvassviðrinu, eða um
það bil 70 m3. Viðurinn sem til
fellur verður nýttur í borðvið,
eldivið, staura og trjákurl.