Bændablaðið - 04.11.2008, Blaðsíða 23

23 Bændablaðið | þriðjudagur 4. nóvember 2008
Meistaramót Íslands í rúningi fór
fram að Skörðum í Miðdölum
laugardaginn 25. október. Var
keppnin liður í Haustfagnaði
Dalamanna sem haldinn var með
glæsibrag þessa helgi.
Keppni fór þannig fram að
keppendur rúðu þrjár kindur á sem
skemmstum tíma. Tími á rúningn-
um vó 40% af heildarmati en gæði
rúnings 60%. Fyrir hverjar 10 sek-
úndur sem rúningurinn tók var gefið
eitt refsistig auk þess sem breskur
dómari keppninnar (frá breska ull-
arsambandinu British woolboard)
mat gæði rúnings og gaf refsistig ef
einhverjir gallar voru á rúningnum.
Samanlagður árangur þessara þátta
var metinn til heildarárangurs og
því var sá sigurvegari sem fékk fæst
refsistig.
Röðin snérist við í úrslitaeinvíginu
Í fyrstu umferð mættust tveir og tveir
í einu, en keppendur voru 10 tals-
ins. Eftir tvær umferðir var Trausti
Hjálmarsson, frá Langsstöðum
í Flóahreppi, efstur með 92 stig
en Julio Cesar Gutierrez, frá
Hávarsstöðum í Svínadal, í öðru með
98 stig. Þeir kepptu svo til úrslita og
þar snérist röð þeirra við, Julio fékk
43 stig, þar af 14 refsistig vegna
gæða, en Trausti fékk 48 stig, þar af
24 refsistig vegna gæða. Trausti átti
aftur á móti besta tíma keppninnar 3
mínútur og 20 sek.
Röð fimm efstu manna var eft-
irfarandi: Í fyrsta sæti var Julio
Cesar Gutierrez, frá Hávarsstöðum
í Svínadal, í öðru sæti var Trausti
Hjálmarsson, frá Langsstöðum
í Flóahreppi, í þriðja sæti var
Gísli Þórðarson, frá Mýrdal í
Kolbeinsstaðahreppi, og jafn-
ir í fjórða og fimmta sæti voru
þeir Helgi Haukur Hauksson, frá
Sandlæk í Gnúpverjahreppi, og
Arnór Ragnarsson, frá Hofsstöðum
í Gufufirði.
-smh
Meistaramót Íslands í rúningi:
Julio Cesar Gutierrez bestur
Aftari röð frá vinstri til hægri: Eiríkur Helgason, Stykkishólmi, Ásbjörn K.
Pálsson, Haukatungu-Syðri 2, Jón Bjarni Þorvarðarson, Bergi, Guðbjartur
Gunnarsson, Hjarðarfelli. Fremri röð: Guðlaug Sigurðardóttir, Hraunhálsi
Herdís Leifsdóttir, Mávahlíð, og Anna Dóra Markúsdóttir, Bergi, með verð-
launaskjöldinn fyrir besta lambhrútinn á Snæfellsnesi.
Þrettánda heimsmeistarakeppn-
in í rúningi og ullarmeðhöndlun
var haldin dagama 2.-5. október
í Bjerkreim í Noregi og var þetta
í fyrsta sinn sem heimsmeistara-
keppnin var haldin annars stað-
ar en í enskumælandi landi. Um
100 þátttakendur frá 28 þjóðum
kepptu í vélrúningi, rúningi með
skærum og ullarmeðhöndlun.
Paul Awery frá Nýja Sjálandi
vann einstaklingskeppnina í vélrún-
ingnum en hann var aðeins 15 mín-
útur og 6 sekúndur með 15 kindur.
Zweliwile Hans frá Suður Afríku
vann einstaklingskeppnina þar sem
notuð voru skæri en hann rúði 10
kindur á 21 mínútu og 20 sekúndum.
Sheree Alabaster frá Nýja Sjálandi
vann einstaklingskeppnina í ullar-
meðhöndlun.
Íslendingar eiga fullt erindi
Enginn keppandi var frá Íslandi en
þeir voru þó a.m.k. tveir á meðal
fjölmargra áhorfenda. Það voru þeir
Guðmundur Hallgrímsson verk-
efnisstjóri hjá Búnaðarsamtökum
Vesturlands og umboðsaðili
Heiniger á Íslandi og Borgar
Páll Bragason ráðunautur hjá
Bændasamtökum Íslands. „Það
var heilmikil stemmning á keppn-
inni og hvatningin mikil sem þátt-
takendurnir fengu. Hraðinn skiptir
vissulega miklu máli en þó alls
ekki öllu. Dómarar fylgjast með
rúningnum og gefa refsistig þegar
eitthvað fer úrskeiðis, t.d. þegar
tvíklippt er í ullarreyfið, eitthvað er
skilið eftir eða klippt er í kindina.
Það er því ekki fyrr en dómarar eru
búnir að yfirfara ærnar eftir rún-
inginn sem úrslitin eru endanlega
ráðin,“ segir Borgar.
Guðmundur og Borgar voru
einnig á Meistaramóti Íslands í
rúningi í Dölum sem haldin var 24.
október og var það mat þeirra að
Íslendingar eigi fullt erindi á næstu
heimsmeistarakeppni sem haldin
verður í Wales árið 2010.
Heimsmeistarakeppnin í rúningi
Keppni með skærum. mynd | bpb
Haustið 2006 var haldin samsýning
á bestu lambhrútum vestan varn-
argirðingar á Snæfellsnesi. Var sú
sýning haldin að frumkvæði fjár-
ræktarfélagsins í Helgafellssveit
en var mest á höndum Eiríks
Helgasonar í Stykkishólmi og
Guðlaugar og Jóhannesar á
Hraunhálsi. Þótti sýningin heppn-
ast svo vel að sagan var endurtek-
in haustið 2007.
Á þessu hausti var enn ákveð-
ið að halda þessu áfram en um leið
að stækka sýninguna og gera hana
að héraðssýningu fyrir Snæfellsnes
með því að koma á samskonar
sýningu austan varnargirðingar.
Laugardaginn 18. október fór svo
sýningin fram. Vestan girðingar var
hún að Gaul í Staðarsveit en austan
girðingar í Mýrdal í Hnappadal. Á
sýningunni vestan girðingar voru
sýndir 54 lambhrútar en austan girð-
ingar 13 eða samtals 67. Vafalítið á
þátttaka í þessu sýningarhaldi eftir
að stóraukast austan girðingar á
næstu árum nú þegar þeir eru komn-
ir á bragðið.
Sýningargripunum er skipt í þrjá
flokka; mislita hrúta, kollótta hrúta
og hyrnda hrúta. Flokkarnir voru
nokkuð misstórir, eða 11 kollótt-
ir hrútar, 14 mislitir og 42 hyrndir.
Verðlaun voru veitt fyrir þrjá efstu
lambhrútana í hverjum flokki. Í
heild var þetta glæsilegasti hrúta-
hópur sem hefur mætt til þessarar
sýninga nokkru sinni. Einkum vakti
athygli hve gríðarlega mikil breidd
var í flokki hyrndu hrútanna en þar
var mest smekksatriði hvernig skipa
skyldi efstu 10-15 lambhrútunum að
undanskildum efsta hrútnum, það
jafnglæsilegir voru þessir gripir. Þá
var hinn tiltölulega stóri hópur mis-
litra hrúta gríðarlega öflugur og má
fullyrða að tæpast hafi áður mátt sjá
jafnstóran og glæsilegan hóp lamba
af þessum litarhætti.
Verðlaunahrútarnir
Mislitir hrútar. Í fyrsta sæti var lamb
191 frá Mávahlíð, sem var undan
heimahrút þar sem Herkúles heitir.
Þetta er feikilega glæsilegur ein-
staklingur, gríðarvænn, með þykka
vöðva, svartarnhosóttur að lit. Í öðru
sæti var lamb 40 á Hraunhálsi. Þessi
lamhrútur er sonur Úlfs 07-446, en
móðurfaðir hans Draupnir 98-437.
Þessi lambhrútur sem er svartbotn-
óttur að lit hefur gríðarlega þykkan
og vel lagaðan bakvöðva og er mjög
vel gerður. Þriðja sæti skipar lamb
2675 í Mávahlíð en það er undan
Læk 02-031 sem um árabil hefur
verið einn öflugasti kynbótahrút-
ur á Snæfellsnesi og er m.a. faðir
Herkúlesar sem að framan er nefnd-
ur sem faðir efsta lambsins í flokkn-
um. Þessi lambhrútur sem er fallega
svartflekkóttur að lit er ákaflega vel
gert lamb að öllu leyti.
Kollóttir hrútar. Hér skipaði efsta
sætið lamb 16 á Hjarðarfelli, en
faðir þess er Örvar 04-983 en móð-
urfaðir Dalur 97-838. Þessi hrútur
er mjög bollangur, ákaflega vöðva-
þykkur og vel gerður og hreinhvítur.
Í öðru sæti var lamb 52 á Hraunhálsi
en þar er faðir Yggur 07-433 (undan
Frakkssyni 03-974 sem stóð efstur í
þessum flokki á sýningunni á síðasta
ári) og móðurfaðir Spakur 03-976.
Þessi hrútur er ákaflega þéttvaxinn
og vel gerður og föngulegur á velli.
Þriðja sæti skipaði síðan lamb 153
hjá Eiríki Helgasyni í Stykkishólmi.
Þessi hrútur er undan Skrauta 07-505
(móflekkóttur hrútur frá Hjarðarfelli
sem vakti athygli á sýningunni á
síðasta ári) og á móðurföður Dropa
05-507. Hrúturinn er mjög jafnvax-
inn, vöðvaþykkur og samanrekinn
holdaköggull.
Hyrndir hrútar. Efsta sætið skip-
aði lamb 99 á Bergi í Grundarfirði.
Faðir þessa hrúts er Dropi 06-998,
en móðurfaðir Móri 98-651. Þetta
er ákaflega bollangur hrútur með
bakvöðva með því þykkasta sem
mælist og gríðarlega mikil læra-
hold og mjög fágaður og glæsileg-
ur að allri gerð auk þess sem hann
er hreinhvítur að lit. Í öðru sæti var
lamb 186 í Haukatungu syðri, en
faðir þess er Bogi 07-544 (undan
Kveiki 05-965 og var fádæma glæsi-
legur lambahópur undan honum
í afkvæmarannsókn í haust) og
móðurfaðir er Tyson 99-506, sem
um árabil var aðal kynbótahrútur í
Haukatungu. Þetta er einstaklega
fágáð og glæsilegt lamb að allri gerð
með mikla vöðvasöfnun. Þriðji í röð
var lamb 651 á Hjarðarfelli sem er
undan Kubbi 07-741 (undan Ljúfi
05-968) en móðurfaðir þess er Bylur
05-727 (nú kominn á sæðingastöð
með nafnið Ylur). Þetta er mjög
þroskamikill, vel gerður hrútur með
þykka vöðva.
Þegar nánar er hugað að uppruna
hrútanna sem mættu til sýningar
má benda á að af kollóttu hrútunum
voru fjórir synir Örvars 04-983. Hjá
hyrndu hrútunum voru hins vegar
27 synir fimm stöðvahrúta. Flestir
voru synir Papa 04-964 eða níu
samtals, Raftur 05-966 átti sjö syni,
Dropi 06-998 átti fimm syni og þeir
Kroppur 05-993 og Bifur 04-994
áttu þrjá syni hvor.
Búnaðarsamtök Vesturlands
ákváðu að í haust, um leið og komið
er á slíkri héraðssýningu, yrði hinn
glæsilegi farandgripur frá héraðs-
sýningum fyrri ára settur að nýju í
umferð. Þetta er útskorinn skjöldur,
listaverk eftir Ríkharð Jónsson og
var fyrst veittur á héraðssýningu á
Snæfellsnesi fyrir meira en hálfri
öld (1954) en síðasta héraðssýning á
Snæfellsnesi áður en sú sem hér er
greint frá var haustið 1996. Þau hjón
á Bergi í Grundarfirði fengu skjöld-
inn til varðveislu næsta árið fyrir
lamhrút númer 99 sem dæmdur var
besti einstaklingur á héraðssýning-
unni haustið 2008.
Sýninguna sótti fjöldi fólks.
Snæfellskir fjárbændur mega vera
stoltir af ræktunarárangri sínum.
Sýningar eins og þessar eru mjög
vel fallnar til að fá yfirlit um stöðu
ræktunarinnar og sjá það sem best
er á hverjum tíma um leið og menn
koma saman og gleðjast yfir árang-
ursríku starfi.
-jvj
Héraðssýning lambhrúta
á Snæfellsnesi haustið 2008
Félag sauðfjárbænda í Dalasýslu
efndi nú fjórða árið í röð til glæsi-
legrar héraðssýningar á lamb-
hrútum í sýslunni laugardaginn
25. október.
Sýningin sem hér verður greint
frá í stuttu máli er eins og áður
á tveim stöðum vegna skipting-
ar sýslunnar í varnarhólf. Í suð-
urhólfi var sýningin að Skörðum
í Miðdölum þar sem 28 hrútar
mættu og í vesturhólfinu var sýn-
ingin í Sælingsdalstungu þar
sem mættir voru 50 lambhrút-
ar. Viðurkenningar voru veittar
fyrir fimm efstu gripina í hverj-
um flokki og voru það eftirtaldir
lambhrútar.
Í hópi mislitra hrúta.
nr. 6 í Bæ í Miðdölum undan 1.
Bifri 06-994, svartur að lit
nr. 2 í Lyngbrekku undan Bletti 2.
05-967, svarthosóttur að lit
nr. 67 á Spágilsstöðum undan 3.
Biskupi 07-799, svartbotnótt-
ur að lit
nr. 5 á Dunki undan Örvari 4.
04-983, móbíldóttur að lit
nr. 566 á Lambeyrum undan 5.
hrúti 06-101, svartur að lit.
Þetta voru allt prýðilega vel gerð
og snotur lömb. Ekki er vafamál að
í heild hafa gæði mislitu lambanna
batnað mest á allra síðustu árum
sem helgast öðru fremur af því að
síðustu tvö ár hafa mjög margir öfl-
ugir hrútar verið á sæðingastöðv-
unum sem eru að gefa mislit lömb.
Í hópi kollóttu hrútanna var
afrekslistinn þessi.
lamb nr. 148 á Lambeyrum, 1.
faðir hrútur 05-084
lamb nr. 8021 á Sauðafelli, 2.
faðir Svanur 05-984
lamb nr. 1541 á Lambeyrum, 3.
faðir hrútur 07-601
lamb nr. 954 á Lambeyrum, 4.
faðir hrútur 07-610
lamb nr. 62 á Dunki, faðir 5.
Örvar 04-983
Allt voru þetta væn og mjög vel
gerð lömb. Mesta athygli vekur
samt að allir rekja þeir ættir sínar
að Heydalsá á Ströndum og þar af
fjórir í fyrsta eða annan ættlið.
Topplistinn hjá hyrndu hrút-
unum var þessi.
lamb nr 831 á Höskuldsstöðum 1.
undan Rafti 05-966
lamb nr. 19 á Geirmundar-2.
stöðum undan Spotta 05-711
lamb nr. 56 í Stóra-Vatnshorni 3.
undan Þræði 06-996
lamb nr. 215 á Kjarláksvöllum 4.
undan hrúti 05-253
lamb nr. 56 á Skörðum undan 5.
Þræði 06-996.
Allt voru þetta mjög öflug og prýði-
lega vel gerð lömb með mjög góða
vöðvafyllingu.
Búnaðarsamtök Vesturlands
hafa nú dregið úr pússi sínum
gamlan farandgrip frá héraðssýn-
ingum hrúta á sjöunda og áttunda
áratugnum í Dalasýslu. Þetta er fag-
urlega útskorin bók þar sem færðar
eru upplýsingar um verðlaunahrút-
inn hverju sinni. Listaverkið var
unnið af Guðmundi Kristjánssyni
á Hörðubóli. Bókina varðveita til
næsta hausts Magnús og Erla á
Höskuldsstöðum vegna lambsins
831 sem var dæmt besti einstak-
lingurinn á sýningunni. Þetta lamb
er samanrekinn holdaköggull með
mjög þykkan bakvöðva og gríð-
arlega öflug lærahold.
-jvj
Héraðssýning á lambhrútum í Dalasýslu haustið 2008
Lamb nr. 831 frá Höskuldsstöðum.
Efst á lista hyrndu hrútanna.
F.v. sá fljótasti og í öðru sæti Trausti Hjálmarsson, Julio Cesar Gutierrez, sigurvegari, og Gísli Þórðarson í þriðja sæti.