Bændablaðið - 04.11.2008, Blaðsíða 14
Kæru bændur, búalið og annað áhugafólk!
Við leyfum okkur að vekja athygli
ykkar á nýju bókunum að vestan.
Okkar er ánægjan að auglýsa þær hér í
Bændablaðinu.
Bækurnar að vestan fjalla fyrst og fremst
um Vestfirði og Vestfirðinga, en eins
og allir vita eru Vestfirðingar svolítið
sérstakir. Ætli bækurnar um þá séu ekki
einnig dálítið sérstæðar?
Bækurnar að
vestan 2008
Húsið
Ljósbrot frá Ísafirði
Eftir Hörpu Jónsdóttur
Sagan af Húsinu fjallar um Hrannargötu 1 á Ísafirði og segir
fyrst og fremst frá fólkinu í kringum það, bænum og nánasta
umhverfi. Höfundur bregður upp hlýlegum en jafnframt
skarpskyggnum myndum af bæjarbrag á Ísafirði og samfélagi
séð með augum þess sem tilheyrir því – en þó ekki.
Fjöldi ljósmynda setur svip á verkið.
Þetta er þriðja bókin í bókaflokknum Litlu bækurnar.
99 vestfirskar þjóðsögur
Gamanmál að vestan, 3. hefti
Finnbogi Hermannsson tók saman.
Ef sagan er góð, er hún sönn,var einhverntíma sagt.
Svo mun vera almennt um vestfirsku nútíma
þjóðsögurnar. Einhver fótur er fyrir þeim öllum og
oft rúmlega það. Svo kemur til þess orðatiltækis, að
rétt sé að hafa það sem skemmtilegra reynist. Enda
er ekki um neina sagnfræði að ræða, í hæsta lagi
neftóbakssagnfræði, sem er nýyrði í málinu.
Strandamenn
í blíðu og stríðu
100 gamansögur af Strandamönnum
Kristjón Kormákur Guðjónsson tók saman.
Flestar þær gamansögur af Strandamönnum sem
hér eru settar á bók, eiga ætt sína að rekja til
Árneshrepps. Í ferðabók Eggerts og Bjarna segja
þeir um Hornstrendinga sem á jafn vel við um
Strandamenn:
„Við reyndum þetta fólk eigi að öðru en
góðmennsku og ráðvendni. Að vísu kunna
fúlmenni að hittast hér, en það stafar af
því að hér taka menn oft á móti þjófum,
landshornamönnum og illvirkjum af
einhverskonar misskilinni góðvild. Láta þeir
þá vinna fyrir fæði sínu og hjálpa þeim að komast í
erlend skip.“
Orð þeirra standa óhögguð í dag. Kjarninn í þeim er
sá að Strandamenn fara ekki í manngreinarálit.
Lítil kvæðabók
Eftir Njál Sighvatsson
Finnbogi Hermannsson bjó til prentunar.
Njáll Sighvatsson var skáld Auðkúluhrepps í Arnarfirði.
Njáll var náttúrubarn og skynjaði umhverfi sitt í öðrum
víddum en almennt gerðist. Hann var vel lesinn í
íslenskum bókmenntum og handgenginn Snorra.
Auðvitað var hann líka barn síns veruleika og kemur
fram í einlægni hans og fölskvalausu trúnaðartrausti
á almættið. Brauðstritið var þó ofar hverri kröfu og
Njáll Sighvatsson jafnan fátækur maður samanber
hendingarnar:
Jeg á ekki neitt til neins
núna eins og stendur
spýtnalaus og allt er eins
aðeins tómar hendur.
Þetta er önnur bókin í bókaflokknum Litlu bækurnar.
Verð 900 kr. Verð 1.900 kr.
Verð 1.900 kr.
99 vestfirskar þjóðsögurGamanmál að vestan
3
Finnbogi Hermannsson tók saman
FIN
N
BO
G
I H
ER
M
AN
N
SSO
N
99 V
E
ST
F
IR
SK
A
R
Þ
JÓ
Ð
SÖ
G
U
R
3
Finnbogi Hermannsson
bjó til prentunar
Lítil kvæðabók
Vestfi rska forlagið
Njáll Sighvatsson
Melódíur minninganna
Jón Kr. Ólafsson söngvari á Bíldudal
segir frá lífshlaupi sínu
Hafliði Magnússon tók saman.
Jón Kr. Ólafsson söngvari á Bíldudal er
landskunnur merkisberi alþýðunnar á
listasviðinu. Hann er einnig þekktur fyrir
hnyttileg orðatiltæki og fer ekki alltaf eftir
uppskriftum. Hann fékk tónlistargáfu og
listhneigð í vöggugjöf og hefur ávaxtað það
pund vel.
Fyrir strák í litlu sjávarþorpi vestur á fjörðum
sem var að vaxa úr grasi um miðbik 20. aldar
þótti eðlilegast að fara á sjóinn eða verka fisk í
landi. Hann tók síðari kostinn, hélt sig heima
í þorpinu sínu nærri móður sinni og ól síðan
önn fyrir öldruðum stjúpföður þegar starfskraftar hans voru á
þrotum. Jón Kr. hefur verið trúr heimahögunum alla tíð og lagt drjúga hönd á margt sem
komið hefur samfélaginu til góða. Og hver man ekki eftir hljómsveitinni Facon sem gerði
nafn Bíldudals nærri því ódauðlegt?
Verð 3.980 kr
Verð 800 kr.