Bændablaðið - 13.01.2009, Síða 19

19 Bændablaðið | þriðjudagur 13. janúar 2009
Umsókn um orlofs-
styrk/orlofsdvöl
Hér að neðan er að finna umsóknareyðublað um orlofsstyrk eða orlofsdvöl að Hólum sumarið 2009. Gert
er ráð fyrir að, auk úthlutunar orlofsvikna að Hólum, verði í ár úthlutað u.þ.b. 70 orlofsstyrkjum til bænda.
Upphæð hvers orlofsstyrks verður kr. 38.500 miðað við sjö sólarhringa samfellda orlofsdvöl, innanlands sem
utan en kr. 5.500 á sólarhring við styttri dvöl.
Vinsamlegast raðaðu í forgangsröð hvort þú óskir frekar úthlutunar orlofsstyrks eða orlofsdvalar að Hólum
með því að merkja 1 og 2 í viðkomandi reiti (bara 1 ef einungis annað hvort kemur til greina). Frestur til að
skila inn umsóknum rennur út 15. mars 2009. (Athugið að þeir sem fengu úthlutað orlofsstyrk á sl. ári og
nýttu ekki til fulls þurfa að sækja um að nýju).
Orlofsstyrk
árið __________
Að Hólum
árið _________________
Nafn umsækjanda Kennitala
Heimilisfang Símanúmer
Undirskrift og dagsetning
Póstnúmer og staður
Hefur þú fengið úthlutað orlofsdvöl eða orlofsstyrk
hjá Bændasamtökunum áður? Ef já, hvar og hvenær
fékkstu síðast úthlutað?
Hvernig búskap stundar þú?
Orlofsstyrk
Undirrituð/Undirritaður sækir hér með um:
Orlofsdvöl að Hólum Tímabilið
Já Nei
Já Nei
Sendist til
Bændasamtaka Íslands, Bændahöllinni v/Hagatorg,
107 Reykjavík, merkt:
Orlofsdvöl sumarið 2009 fyrir 15. mars nk.
Sumarið 2009
Fréttir úr búrekstri
LbhÍ
Mjaltaþjónninn tekinn við
Yfirtaka mjaltaþjónsins á mjalta-
vinnu fjósamanna í fjósinu á
Hvanneyri hefur gengið vel og fáir
annmarkar komið upp. Eins og oft
vill verða tafðist verkið við breyt-
ingar á fjósinu en nú er þetta allt í
góðum farvegi og kýrnar láta vel af
breytingunum, sem og starfsmenn-
irnir. Fyrsta verklega mjaltakennsl-
an í nýju aðstöðunni verður nú á
næstu vikum, en uppsetning og
hönnun aðstöðunnar er gerð sér-
staklega með það í huga að unnt sé
að kenna bæði notkun hefðbund-
innar og sjálfvirkrar mjaltatækni.
Margar ær sæddar á Hesti
Í desember voru 114 ær sæddar á
Hesti, þar af voru 90 þeirra í til-
raun með notkun á frystu sæði. Í
stuttu máli sagt hefði árangur með
frosið sæði mátt vera betri, en end-
anlegt uppgjör er í vinnslu. Annars
hefur gengið vel á fengitímanum.
Alls eru í húsunum 497 ær og 153
gimbrar og hafa 19 lambhrútar
verið notaðir, þar af 12 í afkvæma-
rannsókn. Sem fyrr eru eldri hrútar
ekki fyrirferðamiklir á búinu, en
þó eru tveir hrútar notaðir sem eru
eldri og auk þess er einn veturgam-
all aðkomuhrútur í afkvæmarann-
sókn.
Biðlisti á Miðfossum
Á jörðinni Miðfossum hefur
Ármann Ármannsson byggt upp af
miklum dugnaði frábæra aðstöðu
fyrir hestamenn með 79 plássum
fyrir hross, reiðhöll, reiðvöll og
fleiru. Landbúnaðarháskólinn tók
yfir rekstur á jörðinni sl. haust og
rekur þar nú Hestamiðstöð LbhÍ.
Óhætt er að segja að þetta verkefni
skólans fái fljúgandi start, en í dag
er bið eftir lausum stíum og svo
mikil aðsókn í námskeið sem hald-
in eru í reiðhöllinni að hver helgi
er bókuð fram á vor.
Ertu með góða hugmynd?
LbhÍ er alltaf að leita eftir góðum
hugmyndum til þess að prófa á
búum sínum. Ef þú lumar á snjallri
lausn sem þú hefur áhuga á að láta
prófa, hafðu þá samband við okkur.
Fullum trúnaði heitið.
Opinn dagur 4. apríl
Fyrir nokkru var ákveðið að hafa
opinn dag á fjárbúi skólans að
Hesti laugardaginn 4. apríl nk.
eða daginn eftir árshátíð sauðfjár-
bænda. Svona opið hús var síðast
haldið fyrir tveimur árum og tókst
þá einstaklega vel, með þátttöku
fjölmargra aðila og mörg hundr-
uð gesta. Nánar verður greint frá
þessu síðar.
GPS við áburðardreifingu?
Skömmu fyrir jól var sett upp GPS
tæki í eina dráttarvélina okkar, með
það að markmiði að kynna notkun
slíkra nákvæmnistækja við landbún-
aðarstörf. Segja má að tækið hafi
komið einstaklega vel út og hefur
skólinn nú fengið tækið lánað fram
á vor, svo unnt sé að nota það við
verklega kennslu búfræðinema. Á
námskeiðum skólans, sem eru fyr-
irhuguð nú seinnipart vetrar, verða
m.a. kynningar á ýmsum nýjungum
til þess að spara tilbúinn áburð m.a.
á GPS tækni við dreifingu.
Prófun á undirburði fyrir hross
Til stendur að gera samanburðar-
tilraun á mismunandi undirburði
fyrir hross í febrúar og mars nk.
Verkefnið er rekið af átaksverkefn-
inu Hross í hollri vist, en nemendur
í hrossarækt aðstoða við verkefn-
ið með því að prófa mismunandi
gerðir af undirburði, mæla notkun
og gefa einkunn. Fylgst verður
með rakastigi í stíunum, ásamt því
að meta hreinleika hrossanna. Þetta
verkefni verður unnið í samstarfi
við söluaðila á undirburði.
Búrekstrarsviði LbhÍ
Snorri Sigurðsson
85 ára afmæli fagnað
með útgáfu á hljómdiski
Nú rétt fyrir jólin kom út hljómdiskurinn
Höllin mín. Á diskinum eru 14 lög, öll samin
af Jóhannesi Runólfssyni á Reykjarhóli í
Fljótum. Jóhannes syngur sjálfur fyrsta lagið
sem er samnefnt diskinum. Skagfirðingarnir
Ari Jóhann Sigurðsson og Pétur Pétursson
syngja þrjú lög hvor og Jónas Þór Jónasson
á Akureyri syngur sjö lög. Rögnvaldur
Valbergsson á Sauðárkróki hefur útsett flest
lögin og annast undirleik í þeim en Daníel
Þorsteinsson á Akureyri hefur útsett þrjú
laganna og sér um undirleik í þeim.
Jóhannes varð 85 ára í nóvember sl. og disk-
urinn er gefinn út af því tilefni. Það eru nokkrir
vinir hans sem hafa aðstoðað hann við útgáf-
una. Þar ber helst að nefna Jónas Jóhannsson á
Akureyri og tvo Skagfirðinga, þá Ingimar Ingi-
marsson á Ytra-Skörðugili og Símon Gestsson
á Barði.
Jóhannes er borinn og barnfæddur Skagfirð-
ingur. Hann ólst fyrstu átta árin upp á bænum
Dýrfinnustöðum í Akrahreppi og er einn hinna
mörgu Dýrfinnustaðasystkina. Næstu 10 ár var
hann á bænum Brimnesi í Viðvíkursveit. Fljótlega
eftir tvítugt fór Jóhannes til Reykjavíkur og lærði
m.a. vélvirkjun. Eftir að hafa stundað atvinnu í
Reykjavík um árabil sneri hann aftur til átthag-
anna árið 1970. Þá fór hann fljótlega „að dingla
á orgelið“ eins og hann komst sjálfur að orði í
samtali við tíðindamann blaðsins. Árið 1974 flutti
svo Jóhannes að Reykjarhóli á Bökkum þar sem
hann hefur búið síðan. Eftir að hann hætti dag-
legu amstri við fjárbúskap fyrir nokkrum árum
og sneri sér alfarið að hrossarækt hefur hann haft
meiri tíma til að helga sig listagyðjunni því auk
tónsmíða er hann góður hagyrðingur þó hann
flíki því lítt. Þess má geta að Jóhannes sér sjálfur
um dreifingu og sölu á diskinum ásamt aðstoð-
armönnum sínum sem fyrr var getið. ÖÞ
Jóhannes Runólfsson á Reykjarhóli með hljóm-
diskinn sinn.