Bændablaðið - 02.02.2012, Page 36

36 Bændablaðið | fimmtudagur 2. febrúar 2012
Íslensk hönnun
Prjónablaðið Lopi & band hefur
verið reist við en það hefur legið
í dvala í heil 14 ár. Það eru þær
Ásdís Birgisdóttir og Margrét
Linda Gunnlaugsdóttir, sem
báðar eru menntaðar úr textíl-
deild Myndlista- og handíðaskóla
Íslands, sem eiga veg og vanda af
endurreisn blaðsins. Annað tölublað
Lopa & bands kom út á dögunum
og eru það ungbörnin sem fá þar
að njóta sín.
„Prjónablaðið Lopi & band lagðist
af árið 1997, en hefur verið endur-
vakið í okkar eigu 14 árum síðar. Á
þeim tíma sem blaðið lagðist af naut
prjón minni vinsælda, en nú fögnum
við sannarlega breyttum tímum. Fyrir
rúmu ári ákváðum við að láta slag
standa og kom fyrsta tölublaðið út í
byrjun ágúst. Annað tölublað, ung-
barnablað fyrir börn frá 0-2ja ára,
kom út um miðjan desember,“ útskýrir
Ásdís.
Aukin fjölbreytni uppskrifta
Báðar hafa þær numið við textíldeild
Myndlista- og handíðaskóla Íslands
en að auki er Margrét Linda þjóð-
fræðingur að mennt og hefur unnið við
hönnun. Ásdís hefur starfað við stjórn-
unarstörf hjá Heimilisiðnaðarfélagi
Íslands og Textílsetri Íslands samhliða
hönnunarstörfum.
„Tilgangurinn með því að endur-
vekja Lopa & band er að bjóða upp
á aukna fjölbreytni í íslensku upp-
skriftaflórunni og að kynna þjóð-
lega hönnun sem tekur mið af tísku-
straumum bæði hér innanlands og í
hátískuheiminum. En hvað er þjóð-
legt? Okkar svar við þeirri spurningu
er að með því að nota íslenska ull,
hanna flíkur sem henta okkar veðráttu,
leita innblásturs í fatnaði fyrri alda og
að útfæra svipmót okkar fögru nátt-
úru í flíkur erum við að gera eitthvað
sem kalla má þjóðlegt,“ segir Ásdís
og bætir við:
„Við stefnum á að gefa út 2-3 blöð
á ári eða eins og við náum að anna.
Við hönnum sjálfar flestar flíkurnar
í blaðinu en stefnum að því að geta
verið í samstarfi við aðra prjóna-
hönnuði í framtíðinni. Við leggjum
mikla áherslu á að vinna úr íslensku
hráefni, en að sjálfsögðu notum við
aðrar garntegundir, enda mikið fram-
leitt af vönduðu garni úr náttúrulegum
efnum.
Uppskriftin sem hér birtist er úr
nýjasta hefti Lopa & bands, ung-
barnablaðinu. Eins og margir vita
á þjóðin okkar met í fjölmörgum
málum. Þegar gerð var könnun í öllum
Evrópulöndum varðandi barnafjölda
á hverja konu kom í ljós að við hér í
okkar litla landi eigum flest börnin.
Sem sagt Evrópumet í barneignum.
Annað sem gerir okkur frábrugðnar
öðrum mæðrum, ekki aðeins í Evrópu
heldur í öllum heiminum, er að við
látum ungana okkar sofa úti í vagni
í hvaða veðri sem er. Ekki virðist
börnunum verða meint af útiverunni
svo framarlega sem við klæðum þau í
hlýjan fatnað. Marglitt og fóðrað ullar-
teppi hentar því vel bæði innan- og
utandyra.“
Barnateppi úr Léttlopa
STÆRÐ:
80 x 100 cm
EFNI:
Léttlopi frá Ístex, 50 g dokkur.
NR. LITUR:
0051 hvítur
200 g
0086 ljósljósmórauður 100 g
1406 vorgræn samkemba 50 g
1413 lilla samkemba 50 g
1416 mýri 50 g
1417 kal 50 g
Hringprjónn nr. 5, 60 eða 80 cm.
Fóður 85 cm grágrænt, teygjanlegt vis-
kósefni.
Föndra, Kópavogi.
PRJÓNFESTA:
18 L og 24 umf. gera 10x10 cm í sléttu
prjóni.
AÐFERÐ:
Teppið er prjónað í hring eftir munsturteikn-
ingu, og svo munsturteikningu á hvolfi svo
að munstrið speglast um miðjuna á tepp-
inu. Saumað með þéttu spori í saumavél og
klippt upp. Fóður er varpað niður í höndum.
Fitjið upp 142 L með hvítu. Tengið í hring og
prj stroff *2 L br, 2 L sl*, endurtakið * - *,
prj 2 L br.
Prj 8 umf.
Prj 2 umf sl en prj fyrst 2 L og síðustu 2 L
br fyrir uppklippingu, prj þær br framvegis.
Prj eftir munsturteikningu, 138 L, (142 L
með br L).
Prj 97 umf.
Hvolfið við munsturteikningunni og prj
umf 96-1.
Prj 2 umf sl einlitar hvítar.
Prj stroff eins og í upphafi, 8 umf. Fellið
laust af.
Saumið með þéttu beinu spori í saumavél,
tvisvar í hvora br L fyrir miðju. Klippið upp
á milli saumanna.
Prj upp með hvítu 164 L í hvorri hlið. Prj
stroff þannig: JaðarL, prj 5 L sl, *2 L br, 2 L
sl*, endurtakið * - *, 2 L br, 6 L sl. Prj 8
umf og fellið laust af.
FRÁGANGUR:
Gangið frá endum. Þvoið varlega og leggið
til þerris í rétt mál. Sníðið til fóðrið og
varpið niður á bakhliðina.
© Hönnun: Margrét Linda Gunnlaugsdóttir.
/ehg
Áhersla á íslenskt og þjóðlegt
Þær Ásdís Birgisdóttir og Margrét Linda Gunnlaugsdóttir gefa nú út prjónatí-
maritið Lopa & band eftir 14 ára hlé.
Nýjasta blaðið er helgað ungbörnum og fylgir hér með uppskrift að þessu
fallega ungbarnateppi.
96
95
94
93
92
91
90
89
88
87
86
85
84
83
82
81
80
79
78
77
76
75
74
73
72
71
70
69
68
67
66
65
64
63
62
61
60
59
58
57
56
55
54
53
52
51
50
49
48
47
46
45
44
43
42
41
40
39
38
37
36
35
34
33
32
31
30
29
28
27
26
25
24
23
22
21
20
19
18
17
16
15
14
13
12
11
10
9
8
7 0051
6 0086
5 1406
14134
3 1417
2 1416
1
Þórdís Jónsdóttir saumaði fyrstu púðana sem komu fyrir almenningssjónir
Sækir innblástur
í gömlu íslensku
kvenbúningana
Akureyringurinn Þórdís Jóns-
dóttir hefur vakið mikla athygli
fyrir púða sem hún saumar frá
grunni og saumar út í þá blóma-
munstur með ullargarni. Þórdís
hefur alla tíð haft gaman að hver-
skyns handavinnu og segir nú
útsauminn hafa tekið öll völd, en
púðana saumar hún alla heima hjá
sér í höndum.
Upphaf:
„Byrjunin hjá mér í púðasaumnum
hófst þegar veitingastaðurinn Friðrik
V á Akureyri var opnaður árið 2007.
Þá var ég beðin um að sauma nokkra
púða sem hafðir voru þar í sófum og
á stólum og vöktu þeir mikla athygli.
Munstur sem ég vann eftir í þá púða
var eftir gömlum og slitnum púða
sem föðuramma mín hafði saumað
en ég veit því miður ekki hvaðan
það munstur er komið í upphafi,
kannski að það hafi verið selt í hann-
yrðabúðum. Allavega heyri ég frá
mörgum sem sjá þetta munstur að
fólk man eftir svipuðum púðum á
heimilum í gamla daga.“
Hráefni:
„Ég legg mig fram um að nota vönd-
uð efni í púðana mína , mest nota ég
ull og svo hör líka en mér finnst mest
um vert að efnið beri sig vel, því
að hvað er gaman af að hafa púða í
sófanum sem alls ekki þolir að vera
notaður og verður bara að einhverri
hrúgu. Ég sauma út í púðana með
ullargarni en nota aðeins annað garn
með og þá fæ ég meiri fjölbreytileika
og dýpt í útsauminn. Stundum set ég
silki og perlur með til skrauts.“
Innblástur:
„Innblástur í útsauminn fæ ég vítt
og breitt úr umhverfinu. Mér finnst
gaman að vinna út frá gömlu munstr-
unum sem eru í íslensku kvenbún-
ingunum. Oft á tíðum tek ég mér
lit af garni og svo bara byrja ég að
sauma og úr verða blóm, en yfirleitt
teikna ég einhverjar grunnlínur af
munstri og sauma þar til úr verður
fagurt blóm. En ég hef alltaf sagt
að ég er ekki góð að teikna, þannig
að mér finnst betra að láta nálina
gera það.“
Framundan:
Ég hef þrisvar sinnum tekið þátt í
stórri handverkssýningu sem haldin
er í Ráðhúsi Reykjavíkur og er á
vegum Handverks og hönnunar, en
þar hef ég kynnt og selt mína vöru.
Það hefur verið mjög mikils virði
fyrir mig að fá tækifæri til að taka
þátt í þessum sýningum. En svo
sauma ég líka mikið eftir pöntunum
og þá hefur fólk samband við mig
og við finnum út hvaða óskir hver
og einn hefur um til dæmis munstur,
liti og efni í púðana. Ég hef nú ekki
farið í útrás með mína vöru, hef fengið
fyrirspurnir um hvort ég hafi áhuga á
því en meðan ég hef nóg að gera hér
heima þá held ég mig bara við Íslandið
góða. En ég veit samt til að útlend-
ingar hafi verið að kaupa púðana mína
og auðvitað er gaman að því.
Í sumar opnum við systur mínar
tvær sýningu í Menningarhúsinu Hofi
á Akureyri. Þar verð ég með útsaum-
inn minn, María sem er myndlistar-
kona og búsett á Ítalíu verður með
málverk og Margrét leirlistarkona hér
á Akureyri mun sýna leirverk.
Ég hef alla tíð haft gaman að allri
handavinnu en núna hefur útsau-
murinn alveg tekið völdin. En svo
þegar ég er búin að vera að sauma
mikið er gott að grípa í heklunálina
eða prjónana. Ég er ekki með vinnus-
tofu úti í bæ heldur vinn ég hér heima
ekki skemmir fyrir að vinna við það
Sjá einnig Facebook-síðu
Þórdísar: Handbróderaðir púðar -
Þórdís Jónsdóttir, og heimasíðuna
www.thordisjonsdottir.com
/ehg
Púðana saumar Þórdís frá grunni og
notar ullargarn til að sauma blóma-
munstur í þá.