Fréttablaðið - 03.04.2012, Page 2

3. apríl 2012 ÞRIÐJUDAGUR2
SPURNING DAGSINS
MENNING Ljósmyndasamkeppni Fréttablaðsins lýkur
á hádegi í dag en þemað er „Páskastemning“. Besta
myndin mun prýða forsíðu Fréttablaðsins á laugar-
daginn kemur.
Verðlaun fyrir fyrsta sætið er heimaljósastúdíó
frá Nýherja. Í því eru tveir 150W ljósastandar, regn-
hlíf og DVD-kennsludiskur. Verðlaun fyrir annað og
þriðja sætið eru ferðir í Borgarleikhúsið fyrir tvo.
Hver þátttakandi skal senda inn eina mynd, sendi
hann fleiri gildir fyrsta myndin. Hún skal hafa
verið tekin nú í vetur.
Óheimilt er að senda inn eða eigna sér ljósmyndir
sem eru teknar af öðrum en sendanda.
Áskilinn er réttur til að hafna hvaða mynd sem er
og til að breyta fyrirsögn og myndatexta í birtingu,
jafnframt er áskilinn réttur til birtingar myndar
á forsíðu blaðsins. Innsendar myndir eru eign höf-
unda, en Fréttablaðinu og Vísi.is er heimilt að birta
þær í tengslum við keppnina og í kjölfar hennar svo
fremi sem höfundarnafn sé tiltekið.
Samkeppnin hófst sem fyrr segir á miðvikudag-
inn en stendur til klukkan tólf á hádegi í dag.
Tekið er við myndum á netfanginu ljosmyndasam-
keppni@frettabladid.is og skulu þær vera í nægi-
legri upplausn til að birta í blaðinu. Myndinni þarf
að fylgja nafn höfundar og upplýsingar um heimilis-
fang, netfang og símanúmer. - kh
Frestur til að senda myndir í ljósmyndasamkeppni Fréttablaðsins rennur út í dag:
Heimaljósastúdíó fyrir fyrsta sætið
SIGURMYND Þessi fallega mynd prýddi forsíðu Fréttablaðsins
en hún var valin besta myndin í ljósmyndasamkeppni blaðsins
í desember 2010.
SVÍÞJÓÐ Kona á fertugsaldri var í
gær dæmd í undirrétti í Malmö
til að greiða 100 dagsektir á 50
sænskar krónur fyrir að hafa
þvingað þriggja ára son sinn
til þess að reykja sígarettu og
drekka nokkra sopa af bjór.
Á hreyfimyndum, sem teknar
voru á farsíma sem lögreglan
komst yfir við rannsókn annarra
mála, sást konan hvetja snáðann
til þess að bæði reykja og drekka.
Móðirin er nú á meðferðarheimili
en litla drengnum og systkinum
hans var komið í fóstur. - ibs
Sænsk móðir greiði dagsektir:
Lét þriggja ára
drekka bjór og
reykja sígarettu
Ertu „enn á leiðinni“ í jóga?
Vantar þig orku, einbeitingu,
gleði og ró?
KUNDALINI JÓGA
Orkugefandi - Markvisst - Umbreytandi
Skráning og nánari upplýsingar:
www.jogasetrid.is
JÓGASETRIÐ - Borgartúni 20, 4. hæð
BYRJENDANÁMSKEIÐ
10. apríl
Krakkajóga hefst 15. apríl
Björn, var þetta fyrirsjáanlegt?
„Nei, en lausnin er í sjónmáli.“
Biðlistar eftir aðgerð á augasteinum hafa
lengst töluvert á undanförnum árum.
Björn Zoëga er forstjóri Landspítalans.
MENNTUN Veikleikar háskólastigs-
ins á Íslandi felast í of mörgum og
fámennum háskólum og mögulegt
er að fækka þeim úr sjö í fjóra án
mikillar röskunar.
Þetta er meðal þess sem kemur
fram í drögum að skýrslu sem
Vísinda- og tækniráð hefur sett á
heimasíðu sína. Skýrslan fjallar
um einföldun á vísinda- og nýsköp-
unarkerfinu í heild, sem unnið
hefur verið að undanfarið ár. Vís-
inda- og tækniráð starfar undir
stjórn forsætisráðherra og mótar
opinbera stefnu í vísindum og
tækni á Íslandi.
„Þrenns konar rekstrarform,
opinberir háskólar, sjálfseignar-
stofnanir og hlutafélag, hindrar
samstarf milli háskóla,“ segir í
skýrslunni. Tvær tillögur eru lagð-
ar fram til breytinga á háskólun-
um.
Annars vegar er lagt til að skól-
unum verði fækkað í fjóra úr sjö.
Tveir yrðu opinberir háskólar og
tveir sjálfstæðir. Þannig myndu
Háskóli Íslands og Landbúnað-
arháskóli Íslands sameinast,
Háskólinn á Akureyri og Háskól-
inn á Hólum sömuleiðis. Þá myndu
Háskólinn í Reykjavík og Háskól-
inn á Bifröst verða sameinaðir, en
Listaháskóli Íslands yrði áfram
eins og er. Þessi skipan myndi
festa háskólastarf í sessi á lands-
byggðinni að mati skýrsluhöfunda,
auk þess sem leiðin er auðveld og
myndi valda lítilli röskun. Hins
vegar yrðu kraftar áfram töluvert
dreifðir og rekstrarformin áfram
ólík.
Hinn valkosturinn er að halda
fjölda háskóla óbreyttum en breyta
rekstrarformi þeirra svo þeir yrðu
allir reknir sem sjálfseignarstofn-
anir. Með því að fara þá leið yrði
ábyrgðin á verkaskiptingu og sam-
einingu sett á sjálfa háskólana.
„Líklegur ávinningur er að enn
frekari breytingar á verkaskipt-
ingu og enn skjótvirkari samein-
ingar næðust fram með þessari
ákvörðun,“ segir í skýrslunni.
Fjárveitingar til háskóla hér á
landi eru mun minni en í saman-
burðarlöndum, hvort heldur sem
litið er til ríkja innan Efnahags-
og framfarastofnunarinnar eða á
Norðurlöndunum. „Frá 2008 hafa
fjárveitingar til háskóla dreg-
ist saman að raungildi um ríf-
lega 13 prósent án þess að gripið
hafi verið til heildstæðra hag-
ræðingaraðgerða.“ Á sama tíma
hefur nemendafjöldinn aukist og
því er krafa á háskólana að auka
þjónustu fyrir minna fé. „Að öðru
óbreyttu ógnar þessi óheillaþróun
rannsóknastarfsemi innan háskól-
anna.“
thorunn@frettabladid.is
Háskólunum verði
fækkað úr sjö í fjóra
Fjárveitingar til háskóla eru mun minni hér en annars staðar. Veikleikar há-
skólastigsins felast í of mörgum og fámennum skólum. Hægt væri að fækka
skólunum án mikillar röskunar, eða breyta rekstrarformi til að auka samstarf.
HÁSKÓLINN Í REYKJAVÍK Hægt væri að sameina HR og Háskólann á Bifröst, sam-
kvæmt skýrslu Vísinda- og tækniráðs. FRÉTTABLAÐIÐ/ANTON
DÓMSMÁL Annar höfuðpauranna í
stórfelldu og flóknu fjársvikamáli
sem beindist að tveimur eignar-
haldsfélögum og Íbúðalánasjóði
játaði sök við þingfestingu þess í
gær. Hinn tók sér frest til að taka
afstöðu til ákærunnar.
Mennirnir fölsuðu ógrynni skjala
sumarið 2009 til að taka yfir stjórn
tveggja eignarhaldsfélaga, taka
tólf milljónir út af reikningi ann-
ars þeirra og selja fasteignir undan
þeim báðum. Þeir fölsuðu einnig
skjöl til að taka lán hjá Íbúðalána-
sjóði til að kaupa eignirnar tvær í
nafni fólks sem ekki tengdist mál-
inu. Lánunum, samtals 40 milljón-
um króna, stungu þeir undan.
Tveir vitorðsmenn þeirra, sem
tóku við peningunum inn á reikn-
inga sína og eru ákærðir fyrir hylm-
ingu, mættu ekki fyrir dóminn.
Ákæruvaldið gerir kröfu um að
Harley Davidson-mótorhjól verði
gert upptækt af einum sakborn-
inganna. Talið er að það hafi verið
keypt fyrir ávinning af brotinu.
Engar bótakröfur eru gerðar í
ákærunni. Gunnhildur Gunnars-
dóttir, lögfræðingur hjá Íbúðalána-
sjóði, segist hafa átt von á því að
ákæruvaldið veitti sjóðnum kost á
að koma að bótakröfu vegna millj-
ónanna fjörutíu og kveðst munu
freista þess að koma henni að þótt
búið sé að þingfesta ákæru. - sh
Engin bótakrafa er gerð í ákærunni á hendur Íbúðalánasjóðssvikurum:
Annar höfuðpaurinn játaði sök
FLÓKIN SVIK Mennirnir fölsuðu ógrynni
skjala til að komast yfir féð.
FRÉTTABLAÐIÐ/VILHELM
SLYS Lík Magnúsar Þ. Daníels-
sonar, skipstjórans á Hallgrími
SI 77, er að öllum líkindum fund-
ið við Noreg en hann fórst með
skipinu þann
25. janúar síð-
astliðinn ásamt
tveimur öðrum
úr áhöfn skips-
ins, þeim Gísla
Garðarssyni
og Einari G.
Gunnarssyni.
Eiríkur Ingi
Jóhannsson
komst lífs af
við illan leik.
Fréttastofa Stöðvar 2 greindi
frá líkfundinum í gærkvöldi,
en lögreglu barst tilkynning á
fimmtudag um lík í sjónum fyrir
utan eyjuna Kvaloya.
Enn er beðið niðurstaðna úr
DNA-prófi en persónulegir munir
gefa sterklega til kynna að um lík
Magnúsar sé að ræða. - shá
Líkfundur í Noregi:
Lík skipstjórans
er talið fundið
MAGNÚS Þ.
DANÍELSSON
DÓMSMÁL Héraðsdómur Reykja-
víkur hefur dæmt tvo rúmenska
menn í eins árs fangelsi fyrir
að koma afritunarbúnaði fyrir
á hraðbönkum Arion banka við
Laugaveg og Landsbankans í
Austurstræti í Reykjavík og
afrita kortaupplýsingar notenda.
Brotin voru framin í lok febrú-
ar og byrjun mars á þessu ári.
Annar þeirra játaði sök en sagði
tilraunina hafa mistekist. Hinn
neitaði sök.
Í dómnum segir að brot af
þessu tagi séu alþekkt og tengist
jafnan skipulagðri, alþjóðlegri
glæpastarfsemi. Brot mannanna
séu mjög alvarleg og þaulskipu-
lögð. - sh
Tveir Rúmenar í árs fangelsi:
Dæmdir fyrir
að afrita kort
STÁLU UPPLÝSINGUM Mennirnir fluttu
afritunarbúnaðinn til landsins.
RÚSSLAND, AP Rússnesk farþega-
flugvél fórst stuttu eftir flugtak
frá borginni Tyumen í Síberíu.
Með vélinni fórst 31 af þeim 43
sem voru um borð. Tólf manns
fundust á lífi í flaki vélarinnar,
en allir illa slasaðir og voru strax
fluttir á sjúkrahús.
Talið var að bilun í tækjabún-
aði hefði valdið slysinu, en ekki
þykir útilokað að mistök flug-
manna eða flugumferðarstjóra
hafi átt hlut að máli. Vélin var á
leiðinni frá Tyumen til olíuborg-
arinnar Surgut. - gb
Tugir fórust í flugslysi:
Farþegaflugvél
fórst í Síberíu
UNGVERJALAND, AP Pal Schmidt,
forseti Ungverjalands, sagði af
sér í gær eftir að hafa orðið upp-
vís að ritstuldi.
Í síðustu viku svipti Semmel-
weis-háskólinn í Búdapest
Schmidt doktorsgráðu hans eftir
að rannsóknarnefnd komst að
þeirri niðurstöðu að hann hefði
stolið meginefni doktorsritgerð-
ar sinnar úr tveimur öðrum rit-
gerðum. Ritgerðin, sem skil-
aði honum doktorsgráðu árið
1992, fjallaði um Ólympíuleika
nútímans.
Sjálfur hefur hann ekki viður-
kennt ritstuld, en sagðist segja
af sér til að persónuleg málefni
sín valdi ekki harðvítugum deil-
um í landinu.
- gb
Forseti segir af sér:
Sakaður um
ritgerðarstuld
Þrenns konar rekstrar-
form, opinberir há-
skólar, sjálfseignarstofnanir og
hlutafélag, hindrar samstarf
milli háskóla.
ÚR SKÝRSLU VÍSINDA- OG TÆKNIRÁÐS