Fréttablaðið - 03.04.2012, Blaðsíða 50

3. apríl 2012 ÞRIÐJUDAGUR46
Mind Xtra
fyrir konur eins og þig
Leggings 1990 kr.
Bómullar-blúndubolir 1990 kr.
Full búð
af nýjum vörum og frábærum
tilboðum
OPNUNARTILBOÐ
KÖRFUBOLTI Haukar verða án
tveggja lykilmanna í úrslita-
rimmunni gegn Njarðvík í Ice-
land Express-deild kvenna.
Fyrirliðinn Guðrún Ósk Ámunda-
dóttir er með slitið krossband en
fyrir aðeins fáeinum dögum kom
í ljós að Íris Sverrisdóttir er einn-
ig með slitið krossband en báðar
meiddust þær í sama leiknum;
leik númer tvö í undanúrslita-
rimmunni gegn deildarmeistur-
um Keflavíkur. Haukar unnu þó
rimmuna 3-0 en þær Guðrún Ósk
og Íris misstu vitanlega báðar af
þriðja leiknum.
Báðar eru byrjunarliðsmenn
í Haukum og því er þetta mikið
áfall fyrir Hafnfirðinga. Úrslita-
rimman hefst í Njarðvík á mið-
vikudagskvöldið. - esá
Tveir lykilmenn í Haukum:
Slitu krossband
í sama leiknum
FYRIRLIÐINN Guðrún Ósk er hér með
boltann í umræddum leik gegn Keflavík.
FRÉTTABLAÐIÐ/STEFÁN
HANDBOLTI Þetta verða vonandi
skemmtilegir og eftirminnilegir
páskar fyrir strákana okkar í
handboltalandsliðinu því liðið er
á leiðinni til Króatíu til að berjast
fyrir farseðli inn á Ólympíuleik-
ana í London.
Guðmundur Guðmundsson
landsliðsþjálfari hitti blaðamenn
í gær þar sem hann talaði um að
einn af andstæðingum liðsins auk
Síle, Japans og Króatíu sé sú stað-
reynd að menn séu alltaf að tala
um að þetta sé svo þægilegur og
léttur riðill. Íslenska þjóðin fær
tækifæri til að kveðja landsliðið
í kvöld þegar liðið tekur á móti
Norðmönnum í Laugardalshöll-
inni.
Stórmál að komast inn á ÓL
„Það þarf ekki að fjölyrða um það
hversu mikilvægt verkefni þetta
er fyrir okkur og handboltann á
Íslandi. Það er stórmál að komast
inn á Ólympíuleika og það hafa
margar þjóðir verið að keppa um
að komast í forkeppnina og það
komast færri að en vilja,“ segir
Guðmundur.
Íslenskir handboltamenn fögn-
uðu sérstaklega sigri Dana á EM
í Serbíu í janúar því með því datt
íslenska landsliðið inn í umrædd-
an riðil og slapp við það að glíma
við tvær sterkar Evrópuþjóðir um
tvö laus sæti á ÓL.
„Við gerum okkur allir grein
fyrir því og þurfum að vera mjög
einbeittir. Það er engin ástæða til
annars en að fara í þetta á fullu.
Það eru allt hættulegir andstæð-
ingar sem bíða okkar í þessum
riðli og við þurfum að gera vel til
þess að komast inn á Ólympíuleik-
ana,“ segir Guðmundur.
Umræðan um léttan riðil
„Kannski er einn af andstæðing-
unum sá að menn eru alltaf að
tala um að þetta sé svo þægilegur
og léttur riðill. Eitt af því hættu-
lega í stöðunni er að við förum
að trúa því sjálfir og menn missa
einbeitingu út á eitthvað slíkt. Það
getur verið hættulegt að heyra
það kannski 30 til 40 sinnum því
þá fara menn kannski að trúa því.
Þess vegna þurfum við að passa
okkur á því að þetta eru allt þjóð-
ir sem við þurfum að taka mjög
alvarlega, “ segir Guðmundur sem
fær nú Ólaf Stefánsson og Snorra
Stein Guðjónsson aftur inn í liðið
en þeir misstu báðir af EM.
„Það hafa ákveðin meiðsli hrjáð
nokkra leikmenn liðsins en mér
sýnist að þetta sé allt á réttri leið
fyrir utan það að Alexander er
meiddur. Sumir eru að koma úr
meiðslum og hafa jafnað sig. Við
erum mjög ánægðir með það. Við
eigum því að geta stillt nánast
upp okkar sterkasta liði í þessum
leikjum,“ segir Guðmundur.
Íslenska landsliðið hefur
undan farin ár endað lokaundir-
búning sinn fyrir mikilvæg verk-
efni með því að spila leik í Laug-
ardalshöllinni og oftast fyrir
framan fulla höll. Það fer ekkert
á milli mála að strákarnir vonast
eftir stemningu og stuði í Höll-
inni í kvöld.
„Þetta er gríðarlega mikilvæg-
ur leikur fyrir okkur, bæði til að
sjá hvar við stöndum og fá góðan
æfingaleik á móti mjög góðu liði.
Allir leikirnir á móti Noregi síð-
ustu ár hafa verið mjög jafnir
og skemmtilegir leikir. Ég biðla
til handboltaáhugamanna og
þeirra sem hafa gaman af því að
horfa á landsliðið í stórkeppni, að
styðja við bakið á okkur með því
að koma á leikinn. Það er gríðar-
lega mikilvægt fyrir okkur að fá
fólk í Höllina til þess að skapa
þessa réttu stemningu,“ segir
Guðmundur og troðfull höll er
stór liður í að stilla menn af fyrir
komandi átök í Króatíu.
Þakklátir fyrir stuðninginn
„Það er gríðarlega mikill munur
á því að spila fyrir fullu húsi eða
fyrir hálftómu húsi. Það má líkja
þessu við leikara sem er að leika
í leikriti, hvort hann er að leika
fyrir fullu húsi eða hálftómu
húsi. Ég held að það sé svipað. Við
tökum með okkur ákveðna stemn-
ingu og ákveðinn samhug sem
við höfum oft fundið hjá íslensku
þjóðinni gagnvart okkur. Við erum
þakklátir fyrir það þegar við finn-
um fyrir þessum stuðningi sem
hefur verið einstakur í gegnum tíð-
ina. Það væri frábært fyrir okkur
að finna fyrir þessu núna og fá það
í veganesti með okkur út til Króa-
tíu.“ ooj@frettabladid.is
Samhug og stemningu í veganesti
Íslenska karlalandsliðið mætir Norðmönnum klukkan 19.30 í Laugardalshöllinni í kvöld. Fram undan er
forkeppni Ólympíuleikanna og þetta er eini æfingaleikurinn í snörpum undirbúningi strákanna okkar.
Það er gríðarlega mikið í húfi í Króatíu um páskana, nefnilega sæti á Ólympíuleikana í London í sumar.
TILFINNINGARÚSSIBANI Guðmundur Guðmundsson, landsliðsþjálfari gengur í
gegnum ýmislegt á hliðarlínunni. FRÉTTABLAÐIÐ/VILHELM
HANDBOLTI Alexander Petersson
gefur ekki kost á sér í forkeppni
Ólympíuleikanna vegna meiðsla
á öxl en hann hefur engu
að síður verið að spila með
Füchse Berlin. Guðmundur
Guðmundsson, landsliðsþjálfari,
var spurður út í mál Alexanders á
blaðamannafundi í gær.
Það má segja að þrír aðilar
séu að togast þarna á. Alexander
að klára sitt síðasta tímabil með
Füchse Berlin, hann fer til Rhein
Neckar Löwen í sumar og þá eru
Ólympíuleikarnir fram undan tak-
ist íslenska landsliðinu að komast
til London. Það besta fyrir íslenska
landsliðið væri að Alexander færi
strax í aðgerð en málið er ekki ein-
falt.
„Það hefur engin ákvörðun
verið tekin um aðgerð enda ráðum
við því ekki. Hann verð-
ur að ákveða það sjálf-
ur hvort hann vill slíka
aðgerð eða ekki. Það
er ekkert í kortunum
eins og staðan er í dag
að hann sé á leiðinni í
aðgerð,“ sagði Guð-
mundur í gær.
„Það sýnist sitt
hverjum hvað á
að gera og hve-
nær eigi að gera
það. Það hafa allir aðilar sem að
því máli koma á einn eða annan
hátt sína skoðun á því. Ég efast
um að Berlín vilji hleypa honum
í aðgerð núna og svo framvegis.
Það togast ýmislegt á í þessu
máli. Við hlustum bara á þá
lækna sem hafa skoðað mynd-
ir af þessu og þeir meta
þetta á sinn hátt á
Íslandi en síðan
eru aðrir læknar
í Þýskalandi
sem hafa aðra
skoðun. Ég
veit ekki
einu sinni
hvernig
þetta
endar.“
„Ef okkur tekst að komast inn
á Ólympíuleikana þá er hann að
sjálfsögðu gríðarlega mikilvæg-
ur leikmaður í okkar liði. Það er
enginn vafi á því að landsliðið
vill njóta krafta hans,“ sagði Guð-
mundur en til þess að hann nái
Ólympíuleikunum þá þarf hann að
fara tímanlega í aðgerð.
„Eftir því sem læknar
landsliðsins segja þá telja þeir
að það sé hægt að framkvæma á
honum tiltölulega einfalda aðgerð
sem kemur honum í lag á sex til
átta vikum. Hún á að koma í veg
fyrir að þetta fari enn verr. Það
er möguleiki á því að hann nái
Ólympíuleikunum ef menn fara
nógu snemma í það mál,“ sagði
Guðmundur. - óój
Þrír aðilar togast á um það hvað sé best að gera í meiðslum landsliðsmannsins Alexanders Petersson:
Einföld aðgerð á öxlinni myndi bjarga ÓL
ALEXANDER
PETERSSON Missir af
forkeppni Ólympíu-
leikanna í Króatíu.
FRÉTTABLAÐIÐ/VILHELM
FÓTBOLTI Liverpool hefur aðeins
fengið átta stig í síðustu tólf leikj-
um sínum en það er versti tólf
leikja sprettur liðsins síðan 1954.
Aðeins Wolves hefur fengið færri
stig en Liverpool frá áramótum.
„Ég held að við verðum ein-
faldlega að standa saman,“ sagði
Kenny Dalglish, stjóri Liverpool
sem tapaði fyrir Newcastle um
helgina, 2-0. „Leikmenn vilja ná
árangri og besta leiðin til þess er
að standa saman og hafa trú á því
sem þeir eru að gera. Það nýtur
þess enginn að tapa leikjum enda
værum við í verulegum vandræð-
um ef svo væri,“ bætti hann við.
Liverpool mætir næst Aston
Villa á heimavelli á laugardaginn
næsta. - esá
Liverpool tapar og tapar:
Versta gengi
liðsins í 58 ár
DALGLISH Hefur ekki náð því besta úr
leikmönnum Liverpool að undanförnu.
NORDIC PHOTOS/GETTY
FÓTBOLTI Tveir leikir fara fram
í fjórðungsúrslitum Meistara-
deildar Evrópu í kvöld. Um er að
ræða síðari viðureignir í rimmum
Barcelona og AC Milan annars
vegar og Bayern og Marseille hins
vegar. Bæjarar eru í góðri stöðu
eftir 2-0 sigur á útivelli í fyrri leik
liðanna en hin liðin skildu jöfn
í fyrri leiknum sem fór fram á
Ítalíu.
Augu flestra munu því beinast
að Barcelona í kvöld þar sem Evr-
ópumeistararnir freista þess að
komast í undanúrslit Meistara-
deildarinnar fimmta árið í röð.
Aðeins Real Madrid hefur náð því
afreki áður, frá 1956 til 1960.
Börsungar þykja vissulega
sigur stranglegri á sínum ógnar-
sterka heimavelli en þegar liðin
áttust þar við í riðlakeppninni í
byrjun september varð niðurstað-
an 2-2 jafntefli. Ef AC Milan skor-
ar í kvöld dugar liðinu jafntefli til
að slá Evrópumeistarana úr leik.
„Við kunnum bara að spila á einn
máta – það er að sækja til sigurs,“
sagði Carles Puyol, fyrirliði Barce-
lona á blaðamannafundi í dag. „Við
ætlum ekki að spila upp á marka-
laust jafntefli – aðeins sigur. AC
Milan er í hópi bestu félagsliða
Evrópu og þetta er leikur sem
allir knattspyrnumenn taka þátt í.
Við verðum að vera góðir á báðum
endum vallarins ef við ætlum
okkur að komast áfram.“
Zlatan Ibrahimovic er hættuleg-
asti leikmaður AC Milan en hann
lék með Barcelona á sínum tíma.
„Það verður ekki bara undir mér
komið að halda honum í skefjum
heldur þarf allt liðið að hafa gætur
á honum,“ sagði Puyol.
Jupp Heynckes, þjálfari Bayern,
ætlar ekki að slá slöku við í kvöld
þrátt fyrir góða stöðu í einvíginu
gegn Marseille. „Við ætlum að
reyna að vinna leikinn. Við erum
vissulega í góðri stöðu en það má
ekki gleyma því að Marseille vann
3-2 sigur á Dortmund í riðlakeppn-
inni eftir að hafa verið 2-0 undir í
leiknum,“ sagði Heynckes.
Leikirnir hefjast báðir klukkan
18.45 í kvöld. - esá
Stórlið í eldlínunni í fjórðungsúrslitum Meistaradeildar Evrópu í kvöld:
Kunnum bara að sækja til sigurs
FIMM STIGA FORYSTA Carles Puyol og
Zlatan Ibrahimovic eigast við í fyrri leik
Barcelona og AC Milan. NORDIC PHOTOS/GETTY