Fréttablaðið - 21.08.2012, Qupperneq 38

21. ágúst 2012 ÞRIÐJUDAGUR34
BESTI BITINN Í BÆNUM
„Ég held að ég verði að velja
Nonnabita, ef ég er niðri í bæ
fer ég oftast þangað. Ég hef
reyndar aldrei keypt mér bát
þar heldur fæ ég mér alltaf
tvöfaldan borgara.“
Tommi Þ. Guðmundsson, parkour-iðk-
andi með meiru.
Chris Morrison, sem starfaði lengi sem umboðsmað-
ur bresku hljómsveitanna Blur og Gorillaz, verður
meðal fyrirlesara á fræðslukvöldi ÚTÓN, Útflutn-
ingsskrifstofu íslenskrar tónlistar, í Norræna hús-
inu 10. september. Þar verður umboðsmennska
umfjöllunarefnið.
Heather Kolker, umboðsmaður Of Monsters and
Men, verður einnig meðal fyrirlesara. Hún starfar
jafnframt sem bókari fyrir hljómsveitir á borð við
MGMT og Edward Sharpe & The Magnetic Zeros.
„Hún ætlar að segja söguna af sér og hvernig
þetta kom til með Of Monsters and Men,“ segir
Tómas Young hjá ÚTÓN um Kolker. Hann er afar
ánægður með þátttöku þeirra beggja. „Við vorum
mjög ánægð með að allt gekk upp. Hún verður á
landinu á þessum tíma og hann verður á leiðinni til
New York þannig að við gripum hann á leiðinni.“
Morrison fór á síðustu Iceland Airwaves-hátíð og á
Aldrei fór ég suður og þekkir því vel til íslenskrar
tónlistar.
Á fræðslukvöldinu verða einnig haldnar hring-
borðsumræður með Morrison, Kolker og þeim
Grími Atlasyni, umboðsmanni Retro Stefson, og
Maríu Rut Reynisdóttur, umboðsmanni Hjálma og
Ásgeirs Trausta. - fb
Umboðsmaður Blur á leiðinni
MEÐ ALBARN Chris Morrison ásamt Damon Albarn, söngvara
Blur. NORDICPHOTOS/GETTY
„Ég hef ekki fengist við neitt af
þessari stærðargráðu áður,“ segir
Dagur Kári Pétursson um dönsku
stórmyndina Tordenskjold sem
hann kemur til með að leikstýra.
Tökur hefjast á næsta ári og
hljóðar kostnaðaráætlun upp á
tæpar 900 milljónir króna. „Það er
töluvert hærri kostnaðaráætlun en
ég hef unnið með hingað til,“ segir
Dagur Kári, sem síðast sendi frá
sér The Good Heart.
Nimbus Film í Danmörku fram-
leiðir myndina í samstarfi við fleiri
norræna aðila. Þetta sama fyrir-
tæki framleiddi SuperClásico sem
var tilnefnd til Óskarsverðlauna
fyrr á árinu. Handritshöfundur
Tordenskjold er Norðmaðurinn
Erlend Loe sem er einnig þekktur
rithöfundur.
Tordenskjold fjallar um tvær
vikur í lífi hinnar sögufrægu
persónu Tordenskjold. Líf hans
var sveipað ævintýraljóma í upp-
hafi 18. aldar og gerir enn í Nor-
egi, Danmörku og víðar. Sem sjó-
liðsforingi í konunglega danska
og norska sjóhernum vann hann
frækna sigra og var áhrifamikill
á heimshöfunum á miklum átaka-
tímum. Þótt afrek hans þyki mörg
afar merkileg, hefur lífshlaup hans
og karakter ekki síður haldið nafni
hans á lofti. Hann lifði hratt, fagn-
aði glæstum sigrum, en lét svo lífið
á dularfullan hátt í einvígi aðeins
29 ára að aldri.
„Þetta verður skemmtileg til-
breyting því ég hef hingað til
skrifað sjálfur mín handrit og allt-
af verið frekar andvígur „períóda-
myndum“. Mér hefur fundist að
það ætti ekki að gera myndir sem
gerast á tíma sem kvikmyndatöku-
vélin var ekki enn fundin upp,“
segir Dagur Kári. „En ég hef fylgst
með Erlend Loe, lesið bækurnar
hans og er mjög hrifinn af honum
sem höfundi. Ég var spenntur að
sjá hvaða vinkil hann hafði á þetta.
Eftir að ég las handritið áttaði ég
mig á því að þetta væri mjög fersk
nálgun á þessari tegund kvik-
myndar og takmarkið er að gera
eitthvað nýtt við formið.“
Dagur Kári er þessa dagana að
undirbúa sína næstu mynd, hina
íslensku Rocketman. Tökur á henni
hefjast hér á landi í vetur. Baltas-
ar Kormákur og Agnes Johansen
framleiða myndina fyrir Sögn ehf./
Blueeyes Productions í samstarfi
við Nimbus Film í Danmörku.
„Rocketman er komin vel á veg. Ég
hlakka mikið til að fara í gang með
hana og að gera mynd á íslensku.
Ég hef ekki gert það síðan ég leik-
stýrði Nóa albinóa, þannig að það
er mikil tilhlökkun.“ Aðalpersóna
myndarinnar er rúmlega fertug-
ur maður sem býr enn hjá móður
sinni. Myndin lýsir því hvernig
hann tekur eitt lítið skref fram á
við á þroskabrautinni. Með aðal-
hlutverkið fer Gunnar Jónsson sem
margir kannast við úr Fóstbræðra-
þáttunum. freyr@frettabladid.is
DAGUR KÁRI PÉTURSSON: ÞETTA VERÐUR SKEMMTILEG TILBREYTING
Stórmyndin Tordenskjold
sú dýrasta frá Degi Kára
NÓG AÐ GERA Leikstjórinn Dagur Kári hefur í nógu að snúast um þessar mundir. FRÉTTABLAÐIÐ/ERNIR
Öll brúðhjón fá glæsilega svuntu
með nöfnum sínum
og brúðkaupsdegi ísaumuðum.
Íslensk
kennslubók í
matreiðslu fylgir.
MIKIÐ ÚRVAL
BRÚÐARGJAFA
FOR THE WAY IT´S MADE
Gildir um KitchenAid
hrærivélar.
„Þetta er klárlega vinsælasta síðan sinnar
tegundar en við erum með tæplega 20.000
notendur og þeim fer fjölgandi,“ segir Vign-
ir Már Lýðsson sem stendur á bak við síðuna
skiptibokamark adur.is ásamt Val Þráinssyni.
Á skiptibokamarkadur.is má finna yfir 10.000
titla af námsbókum til kaups og sölu fyrir fram-
halds- og háskólanema á hagstæðara verði en á
venjulegum skiptibókamörkuðum. „Það græða
allir hjá okkur því bæði fær fólk meira fyrir
bækurnar sem það selur og borgar minna fyrir
þær sem það kaupir þar sem það eru engin
umboðslaun eins og á venjulegum mörkuðum,“
segir Vignir en um 8.000 bækur seljast á síðunni
árlega og er meðalverðið í kringum 4.000 krón-
ur. Miðað við það er ársveltan hjá þeim um 32
milljónir króna. Vignir og Valur eru nú að vinna
í nýrri síðu fyrir bókaskiptin sem verður enn
stærri og veigameiri, jafnframt stefna þeir á að
búa til sams konar síðu í Hollandi þar sem Valur
hefur stundað meistaranám undanfarin ár.
Til eru fleiri álíka vefsíður á netinu þó engin
sé jafn stór og skiptibokamarkadur.is. Nýjust er
síðan skipti.is sem var sett á fót af þeim Krist-
jáni Inga Mikaelssyni og Ragnari Þór Valgeirs-
syni, nemendum í Verzló. „Við opnuðum síðuna
28. júlí og erum þegar með yfir 500 notendur og
840 bækur inni í kerfinu,“ segir Kristján Ingi.
Nemendur hafa brugðið á ýmis ráð til að komast
hjá umboðslaunum verslana við kaup og sölu á
bókum sínum og meðal annars hefur verið vin-
sælt að auglýsa bækur á sölusíðunni bland.is auk
þess sem Facebook hefur komið sterkt inn.
- trs
Netið vinsæll skiptibókamarkaður hjá nemum
ALLIR GRÆÐA Vignir segir alla græða á að eiga við-
skipti í gegnum skiptibokamarkadur.is þar sem engin
umboðslaun eða gjöld eru tekin fyrir sölu á bókum.
FRÉTTABLAÐIÐ/PJETUR