Fréttablaðið - 24.08.2012, Blaðsíða 14

14 24. ágúst 2012 FÖSTUDAGUR
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Atli Fannar Bjarkason (dægurmál) atlifannar@frettabladid.is
HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is MENNING: Bergsteinn Sigurðsson bergsteinn@frettabladid.is FÓLK OG SÉRBLÖÐ: Elín Albertsdóttir elin@365.is og Vera Einarsdóttir vera@365.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
greinar@frettabladid.is
FRÁ DEGI TIL DAGS
HALLDÓR
Þegar við flettum blaði dagsins blasir við að mannlífið er komið í haustgír-
inn. Það er einhver fersk tilfinning sem
fylgir haustinu, tilfinning fyrir því að
nýjar áskoranir séu þess virði að taka þær
og að komandi vetur geti gefið margt gott
af sér ef rétt er á spöðunum haldið.
Það er flókið að lifa því það þarf að
halda jafnvægi á svo mörgum sviðum í
einu; heilsa, fjármál, nám, vinna, sam-
bönd, fjölskyldulíf, áhugamál …
Og þegar börnin okkar vaxa úr grasi er
það von okkar að þau verði enn leiknari
en við og færari um að vera farsælt fólk í
flóknum heimi. Þess vegna viljum við að
þau eignist fjölbreytta reynslu í uppvext-
inum. Við höldum að þeim að iðka skóla-
námið, hvetjum þau til að stunda íþróttir
og helst tónlist og viljum að þau séu
félagslega virk.
Barna- og æskulýðsstarf kirkjunnar
er félagslegur vettvangur þar sem börn
og unglingar fá tækifæri til að þroska
persónuleika sinn. Þar fer fram þjálfun í
að velja og hafna fyrir sjálfan sig, greina
aðstæður og koma auga á lausnir.
Helgisagnirnar í Biblíunni útskýra með
sígildum hætti hvernig fólk getur orðið
farsælt, bænin er traust aðferð til að eiga
innra líf og vera sjálfum sér sam kvæmur
og félagsskapur undir merkjum Jesú frá
Nasaret er æfing í því að tilheyra hópi
þar sem ekki er stillt upp í goggunarraðir
heldur hugað að öðrum og meira skapandi
samskiptaleiðum.
Því hvet ég alla uppalendur til þess að
huga að því hvað sóknarkirkjan hefur að
bjóða börnum og unglingum og styðja þau í
því að finna þar eitthvað sem vekur áhuga
þeirra. Kirkjan er og vill vera traustur
samherji í uppeldi barna og unglinga.
Sóknarkirkjan á samleið
með uppalendum
Trúmál
Bjarni Karlsson
sóknarprestur í
Laugarneskirkju
Og þegar börnin okkar
vaxa úr grasi er það von
okkar að þau verði enn leiknari
en við og færari um að vera
farsælt fólk í flóknum heimi.
M
ikið hefur verið rætt og fjallað um málefni útlend-
inga, og þá sérstaklega hælisleitenda, undanfarið.
Þessi mál komast í almenna umræðu hér á landi
nokkuð seinna en í nágrannalöndunum, þar sem
þau hafa verið pólitískt bitbein í mörg ár.
Í viðtali við Fréttablaðið í maí sagði Kristín Völundardóttir,
forstjóri Útlendingastofnunar, að sér þætti umræðan hér á landi
vera frumstæð og sleggjudóma-
kennd. „Það hefur aldrei farið
fram nein raunveruleg umræða
um hælisleitendur og hvernig á
að taka á móti þeim. Ekki heldur
um hvernig við eigum að haga
okkur gagnvart erlendum ríkis-
borgurum almennt,“ sagði hún
meðal annars. Hún benti jafn-
framt á að stjórnmálaflokkar hér á landi hefðu ekki mótað sér
stefnu í þessum málum. Því hefur verið spáð að breyting verði
á þessu á næstunni og að í alþingiskosningum næsta árs verði
útlendingamál framar á dagskránni en áður. Ólíklegt verður þó
að teljast að nokkur stóru flokkanna taki upp harða stefnu gegn
útlendingum.
Þrátt fyrir allt hefur þónokkuð áunnist í málefnum hælisleit-
enda hér á landi síðustu árin. Breytingar voru gerðar á lögum árið
2010 sem bættu stöðu hælisleitenda og flóttamanna. Skýrsla sem
nefnd um málefni útlendinga utan Evrópska efnahagssvæðisins
gerði, og var gefin var út í júní síðastliðnum, leggur til enn frekari
úrbætur. Ögmundur Jónasson innanríkisráðherra hefur boðað að
frumvarp að nýjum heildarlögum um útlendinga verði lagt fram í
þinginu í haust. Frumvarpið mun byggja á tillögum nefndarinnar.
Ef af verður má segja að lagaramminn komist í gott horf.
Það sem vantar hins vegar upp á er framkvæmdin. Útlendinga-
stofnun, sem er ætlað sífellt stærra hlutverk, er ekki risastórt
bákn eins og margir virðast halda. Þar vinna um tuttugu manns
í heildina sem eiga að afgreiða allar umsóknir um dvalarleyfi og
hæli sem hingað berast. Dvalarleyfisumsóknir eru í kringum 3500
og um áttatíu hælisleitendur bíða úrlausna sinna mála. Fjórir lög-
fræðingar starfa hjá stofnuninni, en að sögn forstjórans þyrftu
þeir að vera tvöfalt fleiri. Hver lögfræðingur sem aðeins sinnir
hælisleitendum getur aðeins afgreitt tvö mál á mánuði og bið-
tíminn nálgast því tvö ár.
Biðin kostar ríkið háar upphæðir og hefur ömurleg áhrif á þá
sem þurfa að bíða. Vel má vera að ekki sé hægt að taka við öllum
sem hér vilja vera, en mannúðin felst þá í því að fólk þurfi ekki
að sitja aðgerðalaust upp á von og óvon svo árum skipti. Taka má
undir orð Kristínar Völundardóttur frá því í vor, við eigum að geta
gert vel hér á landi af því að þetta er svo lítill fjöldi sem um ræðir.
Vilji virðist vera fyrir því í innanríkisráðuneytinu að bæta úr
þessu og spennandi verður því að sjá hvernig tekið verður á mál-
efnum Útlendingastofnunar í væntanlegum fjárlögum.
Framlög til Útlendingastofnunar á fjárlögum.
Við eigum
að geta gert vel
Þórunn Elísabet
Bogadóttir
thorunn@frettabladid.is
SKOÐUN
Sérkennileg rök
Lilja Mósesdóttir hefur tilkynnt
að hún hyggist hætta sem for-
maður Samstöðu, en hún var helsti
hvatamaður að stofnun þess flokks.
Með því hyggst hún taka ábyrgð á
„fylgishruni“ flokksins, en þar vísar
hún til þess að í skoðanakönnunum
hefur fylgi flokksins minnkað.
Einhver mundi segja að með
þessu væri verið að auka
veg skoðanakannana all
svakalega, en athyglis-
verðari eru þau rök Lilju
að nýr flokkur eigi
erfitt uppdráttar í fjöl-
miðlum. Er ráðið við
því að eini þingmaðurinn sem tengist
flokknum stígi til hliðar? Er ekki frekar
ráð að nýta þá vigt sem þingmenn
þó enn hafa?
Rökstuðning takk
Ef Lilja ætlar að láta taka sig alvarlega
þarf hún hins vegar að færa rök fyrir
þeirri skoðun sinni að fjölmiðlar séu
henni lokaðri en öðrum. Lilja hefur
einmitt verið nokkuð
áberandi í fjölmiðlum.
Í febrúar 2011 hafði
hún komið næst
oftast allra í Silfur
Egils frá hruni, svo
dæmi sé tekið.
Einkavæðing
upplifunarinnar
Útbreitt og á stundum hvimleitt
hlaupaæði virðist hafa gripið
þjóðina. Mikið hefur verið lagt upp
úr því að fjölskyldan geti sameinast í
Reykjavíkurmaraþoni, þeir sem ekki
hlaupa geta hvatt aðstandendur sína.
Íþróttabandalag Reykjavíkur hefur
hins vegar ákveðið að einkavæða
þessa upplifun og fært
einum aðila einkarétt
á því að birta og selja
myndir úr maraþoninu.
Lítill íþróttaandi þar á
ferð.
kolbeinn@frettabladid.is