Fréttablaðið - 24.08.2012, Blaðsíða 24

6 • LÍFIÐ 24. ÁGÚST 2012
EIVÖR PÁLSDÓTTIR
ALDUR: 29 ára
HJÚSKAPARSTAÐA: Gift
UPPHAFSSÍÐAN: www.Eivor.com
ÁHUGAMÁL: Tónlist, myndlist, mat-
argerð, vinir og fjölskylda og góðar
bækur.
Giftist tónskáldi
Nýverið giftist þú ástinni þinni.
Hver er sá heppni og hvernig var
brúðkaupið?
Maðurinn minn er bestur í heimi
og heitir Tróndur Bogason. Hann
er tónskáld og yndisleg persóna.
Við giftum okkur í sumar heima í
Færeyjum og héldum risa veislu.
Giftingin fór fram í Götukirkju og
var henni fylgt eftir með móttöku
á heimili móður minnar, en síðan
haldið til Þórshafnar þar sem aðal-
veislan var haldin.
Brúðkaupið var þriggja daga
veisla
Þar hafði mamma skreytt þrjú
hundruð manna veislusal með
eigin skreytingum og þar buðum
við upp á ítalskt hlaðborð og auð-
vitað færeyskan dans fram undir
morgun. Hefð er fyrir því að kalla
al la gestina aftur í brúðarhús
næsta dag. Það gerði tengda-
móðir mín í sínu húsi. Þar var
boðið upp á dæmigert færeyskt
hlaðborð með söng og dansi fram
á morgun. Það má segja að þetta
hafi verið þriggja daga veisla, því
á föstudeginum fyrir giftinguna var
öllum aðkomnum gestum boðið í
siglingu fram á kvöld með veislu-
föngum.
Eivör hannaði kjólinn
Kjólinn hannaði ég ásamt íslenskri
stúlku sem heitir Rakel Sólrós og
færeyskri saumakonu, Frígerð
Lökjá, sem saumaði hann. Það
voru ýmsar óvæntar uppákomur
með tónlist og fallegum ræðum í
veislunni og við erum enn þá að
upplifa tilfinningarnar frá þessum
degi.
Viltu deila með okkur hvernig
Tróndur bað um hönd þína?
Það var ekki stórt „setup“ eins
og maður sér í bíómyndum. Það
var í rólegheitum heima hjá okkur
við morgunverðarborðið. Ég held
reyndar að mér hafi svelgst á
ommelettunni þegar hann spurði
mig hvort ég vildi giftast sér. Það
kom mér algjörlega á óvart.
Hvað var það sem heillaði þig við
hann?
Maðurinn minn er mjög yfir-
vegaður og rólegur. Hann talar
ekki hátt, né öskrar og er ekki á
fleygiferð út um allt eins og ég.
Hann er sérlega góður í að jafn-
vægisstilla mig og svo er hann líka
alveg magnaður tónlistar maður.
Hans máti að líta á heiminn og lífið
heillar mig og ég verð ástfangin af
honum aftur og aftur.
Barneignir – langar þig að verða
mamma?
Tróndur á sex ára gamla dóttur
þannig að ég er stjúpmóðir. Það er
góð byrjun og æfing í að ala upp
barn. Ég hef ekki ákveðið hvenær
og hvort ég vil eignast barn. Því
verður lífið að stjórna.
En ef við ræðum aðeins um tengsl
þín við Ísland?
Þegar ég flutti til Íslands sautján
ára gömul, varð ég strax ást fangin
af fólkinu, menningunni og nátt-
úrunni. Mér fannst ég á einhvern
hátt vera komin heim til mín. Ís-
land er mjög líkt Færeyjum, með
heldur meira plássi til að hreyfa sig
í og vera út af fyrir sig. Mér finnst
Íslendingar opið og yndislegt fólk
og ég á marga vini þar.
Ég sakna þess enn þá að búa
ekki í Reykjavík og á þann draum,
að búa þar einhvern tíma aftur.
Í hjarta mínu mun ég alltaf líta á
Ísland sem mitt annað heimili.
Tengir sig sterkt við Ísland
Áttu uppáhaldsstað á Íslandi?
Langholtsvegur 139 heima hjá
Ólöfu og Jónsa er yndislegur
staður. Það er heimilið mitt á Ís-
landi og þar finn ég einhverja
sérstaka ró. Svo eru margir sér-
staklega fallegir staðir og þar má
nefna Mývatn sem er einn af uppá-
haldsstöðunum. Ég á eftir að fara
í jeppaferð um allt Ísland og í það
verð ég fljótlega að taka mér tíma.
Ný plata komin út
Nú varstu að gefa út plötuna
Room. Hvað er fram undan hjá
þér í tónlistinni? Ég var að ljúka
við hljómdisk, sem ég hef verið
að vinna að í sirka tvö ár samfellt
og það er góð tilfinning að geta
loksins sleppt af honum takinu. Nú
standa fyrir dyrum ferðalög og út-
gáfutónleikar, á Íslandi, í Fær eyjum,
Danmörku, Noregi og Sviss þar
til í byrjun desember. Það verður
gaman og spennandi að spila og
syngja nýju lögin „live“ og allt öðru-
vísi en að vinna í stúdíói.
Hvernig er að vera þekkt söng-
kona í Færeyjum? Það er allt í
lagi. Færeyingar eru flestir með
báða fætur á jörðinni og láta fólk í
friði. Ég lendi ekki oft í neikvæðri
gagnrýni en það kemur þó fyrir að
ég tek nærri mér eitthvað sem sagt
er og hef reynt að styrkja skrápinn
minn til að láta slíkt ekki brjóta mig
niður. Ég reyni líka að nýta mér allt
sem skrifað er uppbyggilegt og
geri mér grein fyrir að það fylgir
augljóslega frægðinni að vera á
milli tannanna á fólki.
Enginn ákveðinn stílisti
Nú ertu einstök að innan og
utan, hver hjálpar þér með útlit
og áherslur eða ertu með stílista?
Ég er ekki með neinn ákveðinn
stílista en ég á gott fólk í kring
um mig sem ég leita til með ráð-
leggingar varðandi útlit, fatnað og
stíl yfirleitt. Ég hef haft gaman af
kjólum og fataskrauti alveg síðan
ég var lítil stelpa og mikinn áhuga
á að pæla í því, hvaða stemn-
ingu maður setur í ljósmyndir og
svo framvegis. Til dæmis er mjög
mikil vægt að útlitið á plötuumslagi
tóni við tónlistina sem ég hef valið
á hljómdisk sem er á leið í útgáfu.
Uppáhaldstilvitnun þín ?
Imagination is more important
than knowledge eða á íslensku:
Hugmyndaflug er mikilvægara en
þekking – Einstein.
Hvar sérðu þig eftir tíu ár?
Ég á erfitt með að svara þess-
ari spurningu. Maður getur ekki
stjórnað eða ráðið framtíðinni
mikið en ósk mín er sú að ég læri
af lífinu og reynslunni og þrosk-
ast sem manneskja og listamað-
ur í senn.
Eitthvað að lokum?
Vonandi koma sem flestir að
hlusta á tónleikana okkar í Reykja-
vík en tónleikarnir verða í Hörpu
eftir viku, föstudaginn 31. ágúst.
HÉLT RISA BRÚÐKAUPSVEISLU Í FÆRE
Færeyska söngkonan Eivör Pálsdóttir hefur í nægu að snúast þessa dagana. Hún giftist ástinni sinni í sumar, gaf út plötu í vikunni og undirbýr tónleika
viku. Söngkonan gaf sér tíma til að ræða bónorðið, brúðkaupið og fleira forvitnilegt með sínum yndislega færeyska hreim.
„Maðurinn minn er bestur í heimi og heitir Tróndur Bogason. Hann er tónskáld og yndisleg persóna. Tróndur á 6 ára gamla dóttur þann
æfing í að ala upp barn," sagði Eivör.