Fréttablaðið - 26.09.2012, Qupperneq 26

KYNNING − AUGLÝSINGSvanurinn, fyrir umhverfið & heilsuna MIÐVIKUDAGUR 26. SEPTEMBER 20126
Vala Gísladóttir, kennari við Kelduskóla, hefur verið meðvituð um umhverfis-
vernd frá unga aldri. „Ég var mjög
lítil þegar ég lagði á það áherslu
við foreldra mína að kaupa endur-
unninn eldhúspappír og annað í
þeim dúr og hef flokkað heimilis-
sorp frá því ég fór að búa. Mér
finnst það bara lágmarksviðleitni
sem borgar- og jarðarbúi,“ segir
Vala.
Með herbergi undir flokkunina
Vala segir ekki mikið mál að
flokka. „Það eru grenndargámar
úti um alla borg og þegar ég áttaði
mig á því að þar væri ekki einung-
is hægt að losa pappír heldur líka
plast fannst mér út í hött að henda
því í almenna sorpið og er farin að
flokka það líka. Þetta tekur reynd-
ar svolítið pláss en ég bý svo vel að
vera með lítið herbergi við hlið
eldhússins sem ég er eiginlega
búin að leggja undir flokkunina.
Það var áður skrifstofuherbergi
en hver þarf svoleiðis,“ segir hún
og kímir. „Það ætti þó alveg að
duga að koma sér upp hentugum
boxum og kössum undir þetta og
skrifast þetta með herbergið eigin-
lega á skipulagsleysi í mér,“ viður-
kennir Vala.
Í herberginu flokkar hún papp-
ír, plast, f löskur, dósir og gler-
krukkur. „Krukkurnar þarf reynd-
ar að fara með á Sorpu en ég get
ekki hugsað mér að henda þeim
í ruslið og sjá á eftir þeim ofan í
jörðina.“
Umhverfisvæn innkaup og sam-
göngur
Umhverfisverndarsjónarmiðin
koma líka fram í innkaupum Völu.
„Ég reyni til dæmis að kaupa ekki
grænmeti sem er í miklum plast-
umbúðum og vel umhverfisvæn
þvotta- og hreinsiefni. Ég fer þó
ekki bæjarenda á milli eftir slíku
heldur kaupi það í næstu matvöru-
búð,“ segir Vala sem er líka með-
vituð um útblástur bíla og reyn-
ir yfirleitt að sækja sér þjónustu í
næsta nágrenni. „Þá líður mér best
þegar ég kemst til og frá vinnu sem
mest á eigin orku og reyni yfir-
leitt að hjóla eða taka strætó. Mér
finnst voðalegt bruðl að láta heil-
an einkabíl bera mig eina á milli
staða.“
Vinnustaðurinn umhverfisvænn
Vala er víða minnt á umhverfis-
vernd í leik og starfi og segir það
eflaust hjálpa til. „Kelduskóli er
grænfánaskóli. Þar er lögð mikil
áhersla á hreyfingu og útivist.
Við flokkum og erum meðvituð
um umhverfi okkar. Þá tökum við
þátt í Göngum í skólann og Hjól-
að í vinnuna svo dæmi séu nefnd.“
Vala er sömuleiðis nemandi í
hagnýtri siðfræði við Háskóla Ís-
lands og situr kúrs sem nefnist
siðfræði náttúrunnar. „Þar erum
við meðal annars að fjalla um
það að maðurinn er ekki konung-
ur alheimsins heldur hluti af nátt-
úrunni og eigum við að lifa í sátt
og samlyndi við hana. Við getum
ekki endalaust sett okkur í fyrsta
sæti.“
Umhverfisvitundin úr uppeldinu
En hvaðan kemur þessi mikla um-
hverfisvitund? „Ég held að það sé
uppeldið,“ segir Vala eftir nokkra
umhugsun. „Ég er alin upp við
mikla hófsemi. Þá eru foreldrar
mínir mikið ferða- og göngufólk
og hafa alltaf verið í jákvæðum
tengslum við náttúruna.
Ég reyni að láta þetta ganga
áfram til sona minna og held ég að
það hafi tekist ágætlega. Það myndi
að minnsta kosti aldrei hvarfla að
þeim að henda plastflösku í ruslið.“
Moltugerð næst á dagskrá
En ætlar þú lengra með f lokk-
unina? „Já, mig langar að setja
upp moltu til að flokka lífræna úr-
ganginn. Það er lítið mál fyrir fólk
sem er með stóran garð en ég hef
ekki enn þá fundið hvernig ég á að
leysa það hjá mér. Þetta hefur því
aðeins setið á hakanum og ég er
með pínu samviskubit yfir því. Ég
reyni því bara að borða alla matar-
afganga,“ segir Vala í gríni. „Borða
bananahýði, eplakjarna og mixa
kartöfluhýðið út í salatið.“
Lágmarksviðleitni
að flokka sorp
Vala Gísladóttir flokkar allt heimilissorp og leggur heilt herbergi á heimilinu
undir það. Umhverfisverndarsjónarmið koma líka fram í innkaupum hennar
og samgöngumáta og litar hennar daglega líf að miklu leyti.
Vala hefur alltaf verið meðvituð um umhverfið. Hún leggur stund á hagnýta siðfræði
meðfram vinnu og situr meðal annars kúrs sem ber yfirskriftina siðfræði náttúrunnar.
Þú færð Blaðberann þinn í Skaftahlíð 24
alla virka daga frá kl. 9-17.
...góðar fréttir fyrir umhverfiðBlaðberinn...
Blaðberinn
bíður þín