Fréttablaðið - 26.09.2012, Page 28
KYNNING − AUGLÝSINGSvanurinn, fyrir umhverfið & heilsuna MIÐVIKUDAGUR 26. SEPTEMBER 20128
VEIST ÞÚ HVAÐ
SVANSMERKIÐ ER
OG HVAÐA ÞÝÐ
INGU ÞAÐ HEFUR?
Hákon Jónsson.
„Nei.“
Erla Sóldís.
„Já, það er umhverfismerki.“
Bára Mjöll Franksdóttir.
„Er það ekki svona umhverfismerki,
þetta græna, sem segir til um hvort
umbúðir séu vistvænar.“
Kjartan Þórisson.
„Nei.“
Ernir Eyjólfsson.
„Já, það er umhverfisstaðall. Þannig
fyrirtæki þurfa að fylgja ákveðnum
reglugerðum.“
Umhverfismerkið Svanurinn var stofnað árið 1989 af neytenda-
nefnd Norrænu ráðherranefndarinnar en frá árinu 2006 hefur
umhverfisnefndin haft málið á sinni könnu. Finnar, Íslendingar,
Norðmenn og Svíar hafa tekið þátt í samstarfinu um Svansmerkið
frá byrjun en Danir hófu notkun þess árið 1998. Framlag Norrænu
ráðherranefndarinnar til Norrænu umhverfismerkinganefndarinn-
ar (NMN) árið 2011 var um fjórar milljónir danskra króna.
NMN mótar sameiginlega stefnu um hvaða vöruflokka megi
merkja með Svaninum og hvaða skilyrði varan þurfi að uppfylla.
Norrænir sérfræðingahópar gera tillögur að skilyrðum og um-
hverfismerkjaráðin í hverju landi fyrir sig fjalla um leyfisumsóknir
og gefa út leyfi. Í Danmörku og á Íslandi bera umhverfisráðuneytin
ábyrgð á umhverfismerkingum en í hinum þremur norrænu
ríkjunum fellur Svansmerkið undir neytendamál. Fram-
tíðarsýn norrænna umhverfisráðherra er að Svanurinn
verði þekktur sem eitt skilvirkasta valfrjálsa verkfæri á
umhverfissviði árið 2015. Staða Svansins er sterk vegna mikils
trúverðugleika. Fyrir fyrirtæki er Svanurinn eftirsóknarverður
og traustur máti til að nýta sér umhverfismál til að styrkja
samkeppnishæfni sína og hann er sjálfsagður valkostur fyrir
neytendur sem gera strangar kröfur til umhverfisþátta og gæða.
Neytendum er ljóst að viðmið Svansins fela í sér strangar kröfur í
loftslagsmálum ásamt skrásetningu á erlendum Svansmerktum
vörum. Kröfur Svansins eru strangar og Svansmerkið er
þannig trygging fyrir því að um sé að ræða vandaða vöru eða
þjónustu.
MIKIÐ TRAUST TIL SVANSINS Á NORÐURLÖNDUM