Fréttablaðið - 26.09.2012, Side 46

26. september 2012 MIÐVIKUDAGUR26
BÓKIN
„Ég er að lesa nýjustu bók Jo
Nesbø, Pansar Hjärta. Sú bók er
ekki komin út á íslensku enn þá
en ég er að lesa hana á sænsku.
Ég reyni að lesa alltaf á sænsku
til að halda mér við en ég bjó í
Svíþjóð í tíu ár.“
Sigríður Heimisdóttir vöruhönnuður.
Framleiðslufyrirtækið Zik Zak
kemur að gerð franskrar stutt-
myndar sem taka á upp í október.
Myndin er á íslensku og gerist að
hluta til í íslenskum nútíma og að
hluta til á víkingaöld og skartar
einvörðungu íslenskum leikurum
í aðalhlutverki.
Franska leikstýran Magali Mag-
istry leikstýrir myndinni og semur
handrit hennar. Myndin verður
meðal annars tekin upp á Krýsu-
víkursvæðinu og í Reykjavík. Með
aðalhlutverk myndarinnar fara
Sveinn Ólafur Gunnarsson, Damon
Younger og Margrét Bjarnadóttir
og með önnur smærri hlutverk
fara Þröstur Leó Gunnarsson,
Ólafur Egilsson og Guðjón Þor-
steinn Pálmarsson. Um söguþráð
myndarinnar segir Magistry þetta:
„Myndin segir frá víkingnum
Magnúsi sem er á höttunum eftir
illmenninu Bjarna sem hefur rænt
barni og konu Magnúsar. Magn-
ús og Bjarni berjast og í miðjum
bardaganum heyrist lófaklapp og
þá áttar áhorfandinn sig á því að
verið er að setja söguna á svið og
þá færist sagan til nútímans þar
sem Magnús er óvirkur alkóhólisti
og eiginkonan hefur skilið við hann
og tekið saman við Bjarna.“
Magistry á íslenska vini og hefur
heimsótt landið nokkrum sinn-
um. Hún kveðst einnig hafa mjög
gaman af íslenskri kvikmyndagerð
og segir þetta tvennt hafa orðið til
þess að hún ákvað að semja kvik-
myndahandrit sem gerist á Íslandi.
„Ég og tökumaðurinn minn erum
einu útlendingarnir sem komum að
gerð myndarinnar, allir aðrir eru
íslenskir sem er mjög skemmti-
legt.“
Franski kvikmyndasjóðurinn
hefur veitt stuttmyndinni fjár-
magn og hefur sjónvarpsstöðin
Arte tryggt sér sýningarréttinn á
myndinni sem verður sýnd bæði í
Þýskalandi og Frakklandi. - sm
Gerir víkingamynd á Íslandi
TEKUR UPP Á ÍSLANDI Magali Magistry
leikstýrir franskri stuttmynd sem tekin
verður upp hér á landi í október.
Íslenskir leikarar fara með öll hlutverkin.
FRÉTTABLAÐIÐ/VALLI
„Þetta gerist miklu hraðar núna,“ segir Guðmundur
Pálsson þegar borin er saman miðasalan á jólatón-
leika Baggalúts í fyrra og í ár.
Uppselt er á þrenna tónleika grallaranna í
Háskólabíói fyrir jólin, auk þess sem miðasala geng-
ur mjög vel á tónleika númer fjögur og á tónleika í
Hofi á Akureyri. „Þetta er mjög skemmtilegt. Það
kemur alltaf á óvart þegar einhver nennir að hlusta
á mann.“
Tónleikar Baggalúts hafa fest sig í sessi í jóla-
tónleikaflórunni undanfarin ár. Síðasta ár spilaði
hljómsveitin einnig á fernum tónleikum í Háskóla-
bíói en svo virðist sem fólk sé æstara í að tryggja
sér miða fyrir þessi jól.
Um 3.600 manns verða því gestir á tónleikum
Baggalúts í Háskólabíói. Með tónleikunum á Hofi
verða áhorfendurnir á fimmta þúsund. Spurður
hvort þeir félagar græði ekki vel á herlegheitunum
segir Guðmundur: „Við erum með stóra hljómsveit
og þetta er stórt hús. Þarna eru stór hljóðkerfi og
það eru margir sem koma að þessu sem fá borgað.
En auðvitað fáum við sjálfir sæmilega borgað fyrir
þetta.“
Jólatónleikar Björgvins Halldórssonar og Frost-
rósa hafa hingað til borið af í vinsældum fyrir jólin.
Spurður hvort Baggalútur sé að taka fram úr þeim
hlær Guðmundur: „Nei, ég er ekki viss um að þetta
sé sami hópurinn. Mér skilst að það séu frábærir
tónleikar hjá þeim og mikil stemning. Það eru
margir sem komast í jólafíling þar en líka margir
sem komast í jólafíling hjá okkur. Við komumst að
minnsta kosti í jólafíling.“ - fb
Á fimmta þúsund sjá Baggalút
VINSÆLIR Grallararnir í Baggalúti sjá um að koma á fimmta
þúsund Íslendinga í jólaskap.
„Það er fullgróft að halda því fram
að Jón Gunnar eigi alla frasana
sem hrjóta af vörum Ólafs Ragn-
ars í Vaktaseríunum. Pétur Jóhann
hitti hann á einum fundi og fékk
ráðgjöf en stærstur hluti frasanna
varð bara til á handritsfundum,“
segir Ragnar Bragason, leikstjóri
og einn handritshöfunda Vaktaserí-
anna sívinsælu.
Ragnar setti stöðuuppfærslu á
Facebook-síðu sína á mánudag þar
sem hann kveðst orðinn þreytt-
ur á þeim misskilningi fjölmiðla
að markaðsmaðurinn Jón Gunn-
ar Geirdal eigi heiðurinn af öllum
frösum Næturvaktarinnar. Jón
Gunnar hefur víða verið nefndur
höfundur frasanna frá því þættirn-
ir hófu göngu sína árið 2007 og síð-
ast var minnst á það í frétt á Mbl.
is fyrir helgi. Nefnir Ragnar sem
dæmi einn þekktasta frasa serí-
anna, já sæll! sem er einkennandi
fyrir karakterinn Ólaf Ragnar (sem
leikinn er af Pétri Jóhanni Sigfús-
syni). „Þetta er Garðabæjarfrasi
sem ég fékk frá Þóri Snæ Sigur-
jónssyni [kvikmyndaframleiðanda
hjá Zik Zak] vini mínum. Hann og
hans vinahópur hafa notað þennan
frasa óspart síðustu fimmtán ár og
eiga hann skuldlaust,“ segir Ragnar.
Jón Gunnar er ósammála Ragn-
ari um uppruna „Já sæll“-frasans
og nefnir einmitt hann sem einn af
sínum. „Ég á alls ekkert alla fras-
ana í Vöktunum en ég á vissulega
nokkra góða eins og „eigum við
að ræða það eitthvað“, „já sæll!“,
„guggur“ og fleira,“ segir Jón
Gunnar. „Ég hef djókað með það
að ég eigi bara þessa fyndnustu
og skemmtilegustu frasa,“ bætir
hann við og hlær. Hann segir þá
Pétur Jóhann hafa þekkst í mörg
ár og vera góða vini. Þeir hafi því
hist á einum fundi og Jón Gunnar
komið með tillögur, enda þekktur
JÓN GUNNAR GEIRDAL: ÉG HEF ÞÓTT ORÐHEPPINN
Ósammála um tilurð fras-
ans „já sæll!“ í Vöktunum
fyrir frasanotkun í sínu daglega
lífi. „Fólk sem þekkir mig sér það
alveg að karakterinn er að hluta til
byggður á mér og því hvernig ég
tala,“ segir hann. Hann telur viður-
nefnið frasakóngur þó ekki endi-
lega tengjast Vaktaseríunum. „Ég
hef þótt orðheppinn og tel þetta
komið til vegna þess. Ég á í það
minnsta engan heiður af þessum
stórkostlegu seríum, enda kom ég
ekki nálægt neinni handritagerð,“
útskýrir hann. Jón Gunnar segir þó
um níutíu prósent þeirra frasa sem
hann bar á borð hafa ratað í handrit
þáttanna á einhverjum tíma. „Ef ég
væri í Ameríku og hefði átt einka-
rétt á þessum stærstu frösum væri
ég líklega hallandi mér aftur í sól-
stól með regnhlíf í glasinu mínu um
þessar mundir.“
tinnaros@frettabladid.is
„Custom made fyrir kjeellinn.”
„Eru sætaferðir úr Æsufellinu?”
„Hvað ertu að gefa þessu að éta,
malbik eða?”
„Þú ert bara þinker meðan ég
er dúer.”
„Farðu úr bænum.”
„Hvaða tegund af steik ert þú?”
FLEIRI FRASAR ÚR VAKTASERÍUNUM
JÁ SÆLL!
Ólafur Ragnar fór hamförum með
frösunum sínum í Vaktaseríunum
þremur. Jón Gunnar Geirdal hefur
iðulega verið nefndur maðurinn á
bak við þá og hlotið viðurnefnið
frasakóngurinn. Ragnar Bragason
leikstjóri segir flesta frasana hafa
orðið til á handritsfundum.