Fréttablaðið - 12.10.2012, Page 43

FÖSTUDAGUR 12. október 2012 27
Fræðingum ber ekki saman um hvernig
beri að lýsa skáldskap Kínverjans Mo Yan,
sem hlaut í gær bókmenntaverðlaun Nóbels.
Sumir hafa lýst honum sem svari Kína við
Franz Kafka eða Joseph Heller en á vef-
síðu breska dagblaðsins Guardian í gær var
honum líkt við Kólumbíumanninn Gabriel
Garcia Marquez og bandaríska höfundinn
Thomas Pynchon.
Mo Yan er tiltölulega óþekkt nafn á
Vesturlöndum en hefur engu að síður verið
ofarlega á listum veðbanka yfir þá sem eru
líklegastir til að hreppa Nóbelsverðlaunin.
Hann er fæddur í Kína árið 1955. Að sögn
tímaritsins Time er hann í hópi þeirra höf-
unda hvers verk hafa verið einna oftast
bönnuð í Kína en samt sem áður náð að
vekja athygli. Mo Yan er reyndar höfundar-
nafn og merkir „ekki tala“, en réttu nafni
heitir hann Guan Moye. Mo Yan hefur skrif-
að tugi skáldsagna og smásagnakvera frá
því að fyrsta bók hans kom út árið 1981. Þá
nýjustu kveðst hann hafa skrifað á aðeins
43 dögum. Nokkrar bóka hans hafa verið
þýddar á ensku. Þekktust er líklega Red
Sorghum sem samnefnd kvikmynd var gerð
eftir árið 1987.
Í umsögn dómnefndar kom fram að hann
hljóti Nóbelsverðlaunin fyrir „ofskynjunar-
kennt raunsæi sem bræði saman þjóðsögur,
fortíð og samtíð“. Eftir því sem næst verður
komist hafa verk hans ekki verið þýdd á
íslensku, en enskar þýðingar á verkum hans
má finna á bókasöfnum.
Mo Yan hlaut bókmenntaverðlaun Nóbels
MO YAN Kínverski höfundurinn var sigurstranglegur í ár að mati veðbanka. Dómnefndin veitti
honum verðlaunin fyrir „ofskynjunarkennt raunsæi sem bræðir saman þjóðsögur, fortíð og samtíð“.
NORDICPHOTOS/GETTY
HVAÐ? HVENÆR? HVAR?
Föstudagur 12. október
➜ Fundir
12.00 Opinn fundur verður í Iðnó,
Vonarstræti 3, á vegum félagsins Ísland-
Palestína. Fundurinn er í tilefni þess að
Rachel Corrie hlaut friðarverðlaun Len-
non og Ono í vikunni. Gestir verða Craig
og Cindy Corrie, foreldrar hennar.
➜ Leikrit
20.00 Leikfélagið Hugleikur sýnir
leiksýninguna Læknisleikir - Tsékhov í
hugleikrænni atferlismeðferð að höfuð-
stöðvum sínum að Eyjarslóð 9. Allir
með doktorspróf fá ókeypis inn gegn
framvísun sannfærandi vottorða en fyrir
aðra er miðaverð kr. 1.000.
➜ Málþing
13.00 Málfundur verður haldinn í
Háskólanum í Reykjavík undir yfirskrift-
inni Áhættan tamin. Fjallar fundurinn
um áhættugreiningu og áhættustýringu
og er hann öllum opinn.
➜ Tónlist
21.00 Hljómsveitin Foreign Monkeys
mætir á Ellefuna og tryllir lýðinn. DJ
mætir í búrið að tónleikum loknum og
aðgangur er ókeypis að vanda.
21.00 Ómar Diðriksson heldur útgáfu-
tónleika ásamt hljómsveit sinni á Café
Rosenberg.
22.30 Hið rómaða sveitaballsband
Blek og byttur spilar á Bleiku sveitaballi
í Iðnó. Ballið er til styrktar Göngum
saman og rennur aðgangseyrir, kr.
2.500, óskiptur til grunnrannsókna á
brjóstakrabbameini.
23.00 Hljómsveitin Kraftlyfting
skemmtir á Ob-La-Dí-Ob-La-Da, Frakka-
stíg 8. Aðgangseyrir er kr. 1.000.
➜ Fyrirlestrar
13.00 Hekla Dögg Jónsdóttir mynd-
listarmaður og prófessor við Listahá-
skólann fjallar um eigin verk í hádegis-
fyrirlestri Opna Listaháskólans í hús-
næði myndlistardeildar, Laugarnesvegi
91, stofu 024.
20.00 Birgir Bjarnason heldur fyrir-
lestur undir yfirskriftinni Vísindi og raun-
veruleikinn í húsi Lífspekifélagsins að
Ingólfsstræti 22. Fyrirlesturinn fjallar um
nýjustu kenningar Stephen Hawkings.
Upplýsingar um viðburði sendist á
hvar@frettabladid.is