Fréttablaðið - 07.11.2012, Blaðsíða 10

7. nóvember 2012 MIÐVIKUDAGUR10
Katrín Júlíusdóttir og Árni
Páll Árnason berjast um
fyrsta sætið á lista Sam-
fylkingarinnar í Kraganum
og öðrum þræði um for-
mannsstólinn. Um 750
skráðu sig í flokkinn eða
sem stuðningsmenn fyrir
prófkjörið. Allir þingmenn
flokksins gefa kost á sér.
Staða Samfylkingarinnar hefur
verið sterk í Suðvesturkjördæmi
á síðustu fjórum árum. Hún er
stærsti flokkur kjördæmisins, fékk
fjóra þingmenn kjörna við síðustu
alþingiskosningar, 32,2 prósent
atkvæða, og oddviti listans, Árni
Páll Árnason, er fyrsti þingmaður
kjördæmisins. Þá átti kjördæmið
tvo af fimm ráðherrum flokksins
fram að síðustu áramótum.
Ekki er á vísan að róa með að
Kraginn haldi þessari sterku stöðu
sinni á næsta kjörtímabili. Kynja-
sjónarmið spiluðu inn í þegar Katr-
ín var gerð að ráðherra. Konur
sækjast nú eftir efsta sæti í öllum
kjördæmum, utan Norðausturs.
Komist Samfylkingin í ríkis-
stjórn er því engan veginn öruggt,
raunar frekar ólíklegt, að tveir
ráðherrar flokksins komi úr Krag-
anum.
Formannsslagur
Árni Páll hefur lýst yfir fram-
boði sínu til formanns flokksins,
en kjör hans fer fram upp úr ára-
mótum. Hann hefur sagt að úrslit
prófkjörsins núna skilji ekki á
milli feigs og ófeigs hvað það varð-
ar; hann sækist eftir formennsku
hvort sem hann hefur sigur nú
eður ei.
Engum blöðum er þó um það
að fletta að sá frambjóðandi sem
ber sigur úr býtum í prófkjörinu
stendur sterkar að vígi í formanns-
kjörinu. Heimildarmenn Frétta-
blaðsins herma að beri Katrín
sigur úr býtum í prófkjörinu sé
öruggt að hún gefi kost á sér til
formanns.
Vissulega sækir formaður fylgi
sitt út fyrir eigið kjördæmi, en
það veikir óneitanlega stöðu hans
að vera ekki oddviti. Samkvæmt
hefðinni mætast oddvitar kjör-
dæmanna í umræðum í kosninga-
baráttu. Það gætu því fylgt því
ýmisleg vandkvæði að vera með
formanninn í öðru sæti.
Ljóst er að Árni Páll hefur undir-
búið framboð sitt af kostgæfni.
Hann hefur sótt fundi í kjördæm-
isfélögum og skrifað ýtarlega um
pólitík í Frétta blaðið og víðar.
Katrín hefur verið í fæðingar-
orlofi og er nú fjármálaráðherra
og hefur því knappari tíma til að
sinna eigin pólitískum frama.
Þingmenn gefa kost á sér
Auk Árna Páls og Katrínar eru
Magnús Orri Schram og Lúðvík
Geirsson þingmenn í kjör dæminu.
Magnús skipaði fjórða sæti lista
flokksins við síðustu kosningar og
náði því kjöri til þings. Nú sæk-
ist hann eftir 2.-3. sæti. Hann var
kjörinn formaður þingflokksins
á meðan Oddný G. Harðardóttir
gegndi embætti ráðherra.
Magnús gaf nýverið út bókina
Við stöndum á tímamótum, en
þar setur hann fram pólitíska sýn
sína. Hún hefur mælst vel fyrir og
mun ekki skemma fyrir honum í
slagnum.
Lúðvík skipaði fimmta sæti
listans síðast og kom inn á þing
þegar Þórunn Sveinbjarnardóttir,
sem skipaði þriðja sætið, hætti í
stjórnmálum í september 2011. Lúð-
vík, sem er fyrrverandi bæjarstjóri
í Hafnarfirði, sækist eftir 2. sæti.
Allir fjórir þingmenn flokks-
ins gefa því kost á sér til endur-
kjörs. Auk þeirra gefa fimm kost
á sér í prófkjörinu. Amal Tamimi
varaþingmaður í 2.-3. sæti, Anna
Sigríður Guðnadóttir í 2.-4., Geir
Guðbrandsson í 5., Margrét Gauja
Magnúsdóttir í 3.-4., Margrét Júlía
Rafnsdóttir í 3.-4. og Stefán Rafn
Sigurbjörnsson í 3.-5. sæti.
Blásið til bandalaga?
Það þykir ekki góð latína í dag að
mynda bandalög í prófkjörum. Á
tímum þar sem krafan um að allt
sé uppi á borðum er í hávegum
höfð, þykir ekki par fínt að fram-
bjóðendur hópi sig saman. Slíkt
gæti hins vegar verið skynsam-
legt, þó ekki fari sú skoðun hátt.
Heimildarmenn Fréttablaðsins
nefndu í því skyni helst að hags-
munir Katrínar og Lúðvíks færu
saman. Í herbúðum Árna Páls
óttast menn að þar hafi myndast
bandalag, en í herbúðum Katrínar
er fólk duglegt að neita því.
Bandalög geta verið tvíbent
vopn því bindi Katrín trúss sitt um
of við Lúðvík gæti það komið niður
á stuðningi við hana hjá stuðnings-
fólki Magnúsar Orra.
Opnasta flokksvalið
Forvalið í Kraganum stendur yfir í
tvo daga, hefst á miðnætti aðfara-
nótt föstudags og lýkur klukkan 17
á laugardag. Kosið verður rafrænt
og á kjörstað.
Allir flokksmenn geta tekið þátt
í prófkjörinu, en einnig þeir sem
skrá sig á stuðningslista. Frestur
til þess rann út á miðnætti síðasta
föstudag.
Flokksfélagar í kjördæminu
voru tæplega 5.000 talsins. Rúm-
lega 150 nýir félagar skráðu sig í
flokkinn og tæplega 600 á stuðn-
ingslista, en það var nægilegt til
að taka þátt í prófkjörinu.
FRÉTTASKÝRING: Prófkjör Samfylkingarinnar í Suðvesturkjördæmi
Generalprufa fyrir formannskjör
SIGRI FAGNAÐ Samfylkingin fékk fjóra þingmenn í Suðvesturkjördæmi í síðustu kosningum og er stærsti flokkurinn í kjördæminu.
Ánægja ríkti á kosningavöku flokksins árið 2009. FRÉTTBLAÐIÐ/ARNÞÓR
Mosfellsbær
Kóp.
Kóp.
Kópavogur
Garðabær
Hafnarfjörður
Hafnarfjörður
Álftanes
Seltjarnarnes
Kjósarhreppur
KORT/WIKIPEDIA
Prófkjör Samfylkingarinnar
í SV-kjördæmi
Á kjörskrá: Um 5.650
Nýir í flokknum: Um 150
Skráðu stuðning fyrir prófkjör: Um 600
FYLGI Í SÍÐUSTU KOSNINGUM:
ATKVÆÐI: 15.669
ÞINGMENN: 4
32,2%
Kolbeinn
Óttarsson Proppé
kolbeinn@frettabladid.is
Til viðbótar við ríkulegan staðalbúnað
í Volkswagen Passat Comfortline Plus
er nú fullkomið leiðsögukerfi með
Íslandskorti ásamt bakkmyndavél.
www.volkswagen.is
Ratvís og
víðsýnn
Volkswagen Passat EcoFuel
Passat Comfortline Plus
sjálfskiptur kostar aðeins
4.790.000 kr.
Við fjármögnum þín bílakaupmv. Passat Comfortline Plus sjálfskiptan og óverð-
tryggðan bílasamning frá Ergo til 84 mánaða og 25%
útborgun. Hlutfallsleg tala kostnaðar 10,48%.
59.640 kr.
á mánuði