Fjarðarpósturinn - 20.04.1988, Blaðsíða 4
IsJflRÐM
pttslwnn
Ritstjóri og ábm.: Fríöa Proppé
Auglýsingastjóri: Gunnar Sveinbjörnsson
Framkvæmdastjóri: Sigurður Sverrisson
Ljósmyndir: Fjaröarpósturinn og Róbert Ágústsson
Setning, umbrot, filmuvinna og prentun: Borgarprent
Útlit: Fjarðarpósturinn
Útgefandi: Árangur hf. - almannatengsl og útgáfustarfsemi. Skrif-
stofa Fjarðarpóstsins er að Reykjavíkurvegi 72 og er opin alla virka
daga frá kl. 10-17. Símar 651745 og 651945 (símsvari eftir lokun skrif-
stofu).
Nýmæli í fjölmiðlun
Fjarðarpósturinn og Útvarp Hafnarfjörður hafa
ákveðið að efna til reglulegra borgarafunda um
málefni sem varða Hafnfirðinga. Er það liður í þeirri
stefnu nýja Fjarðarpóstsins að vera tengiliður milli
almennings, þjónustufyrirtækja og bæjaryfirvalda.
Tengsl bæjaryfirvalda og almennings, sem og lög-
gjafarvalds og almennings, virðist ætíð vera mest
skömmu fyrir þann tíma sem leita þarf endurnýjun
umboða til áframhaldandi stjórnarsetu. Þess í milli,
og reyndar einnig á þeim tíma, gegna fjölmiðlar
stærstu hlutverki hvað varðar almenn skoðanaskipti
og tengsl fyrrgreindra aðila.
Fjarðarpósturinn hefur áþreifanlega orðið var við
það í undirtektum bæjarbúa, að mikil þörf var fyrir
bæjarmálablað eins og Fjarðarpóstinn. Margt af því
sem við höfum fjallað um hefði ella legið í láginni og
ekki hefur staðið á viðbrögðum og hvatningum til
áframhaldandi öflugrar varðstöðu um hagsmuni
bæjarbúa.
Með samvinnu tveggja fjölmiðla eins og Fjarðar-
póstsins og Útvarps Hafnarfjörður teljum við enn
meiri möguleika á því að gegna því hlutverki að
þjóna sem tengiliður. Með því að útvarpa borgara-
fundum um einstök málefni beint og gefa öllum
bæjarbúum tækifæri á að koma spurningum um
málefnin hverju sinni á framfæri náum við til þeirra,
sem af einhverjum ástæðum komast ekki á fundina.
Þá verður fundunum gerð skil í næsta Fjarðarpósti
eftir hvern fund.
Ekki þarf að útlista fyrir bæjarbúum valið á fundar-
efni fyrsta borgarafundarins, svo margt hefur verið
sagt og ritað um þjónustu Landleiða og almennings-
aksturs í bænum. Viðundirbúningfundarinshefurog
margt komið fram, sem Fjarðarpósturinn telur að fullt
erindi eigi til þeirra sem þetta mál varðar.
Á fundinn munu mæta: Forstjóri Landleiða, Ágúst
Hafberg, en hann mun væntanlega geta svarað fjöl-
mörgum spurningum og útskýrt margt það sem
bæjarbúar hafa krafist svara við. Bæjarráð hefur val-
ið Magnús Jón Árnason formann bæjarráðs sem full-
trúa sinn. Hann er sem kunnugt er fulltrúi Alþýðu-
bandalagsins í bæjarstjórn, en sá flokkur setti bætta
almenningsvagnaþjónustu mjög á oddinn fyrir síð-
ustu bæjarstjórnarkosningar. Hann kann væntan-
lega svör við hvernig á þeim málum hefur verið tekið
af bæjaryfirvöldum. Þá hefur Fjarðarpósturinn rætt
við nokkra skelegga fulltrúa neytenda, þ.e. þá sem
nota þjónustu Landleiða reglulega, en ekki liggurenn
fyrir hver fulltrúi þeirra verður á sjálfum fundinum.
Fjarðarpósturinn vonast til, að þessi nýbreytni í
fjölmiðlun í bænum mælist vel fyrir hjá bæjarbúum
og að undirtektir gefi tilefni til að framhald geti orðið á
borgarafundum um hin ýmsu bæjarmálefni.
4
Haukamir meistarar
- sigrnöu Njarövíkinga í stórkostlegum úrslitaleik, 92-91
Haukar tryggðu sér íslandsmcistaratitilinn í körfuknattleik í gær-
kvöldi, þegar þeir lögðu fráfarandi meistara úr Njarðvík, í einhverjum
mest spennandi kappleik sem háður hefur verið. Troðfullt hús áhorf-
enda varð vitni að stórkostlegum leik, þar sem úrslitin réðust ekki fyrr
en í síðasta körfuskotinu. Um leið unnu Haukar Islandsmeistaratitil-
inn í mcistaraflokki karla í fyrsta og örugglegga ekki síðasta skipti.
Jafnræði
Haukar byrjuðu leikinn af miklum
krafti og virtust fullir sjálfstrausts.
Njarðvíkingar virtust aftur á móti
óstyrkir í byrjun. En þrátt fyrir góða
byrjun Hauka náðu heimamenn að
brúa bilið og það sem eftir lifði leiksins
mátti vart á milli sjá hvoru megin sigur-
inn hafnaði. Njarðvíkingar voru
reyndar hálfpartinn farnir að fagna
sigri þegar Sturla Örlygsson skoraði
körfu og breytti stöðunni í 66-63, en
Pálmar Sigurðsson þjálfari Hauka var
svo sannarlega á öðru máli. Glæsilega
þriggja stiga karfa Pálmars á síðustu
sekúndunni jafnaði leikinn, 66-66, og
framlenging varð óumflýjanleg.
Framlengingar
Hafi áhorfendur orðið vitni að
skemmtilegum og spennandi körfu-
knattleik í venjulegum leiktíma eru fá
orð, ef þá nokkur, sem geta lýst því
sem á eftir bar. Sami barningurinn og
sama spennan hélt áfram. Njarðvík-
ingar náðu góðri stöðu og leiddu 79-77
þegar fáeinar sekúndur lifðu af fram-
lengingunni. En sem betur fer var bar-
áttuþrek Haukanna hvergi þrotið og
fvar Ásgrímsson sýndi mikið öryggi í
vítaskotum á síðustu mínútunni og
jafnaði leikinn, 79-79. f annarri fram-
lengingunni voru leikmenn beggja liða
famir að fjúka útaf. Henning Henn-
ingsson og fvar Webster hjá Haukum
fengu báðir fimm villur og sömuleiðis
Sturla Örlygsson og Helgi Rafnsson
hjá Njarðvíkingum. Stuðningsmenn
Hauka spurðu sjálfa sig hvort meist-
araheppnin ætlaði aldrei að yfirgefa
Njarðvíkinga þegar þjálfari þeirra,
Valur Ingimundarson, kom þeim yfir,
91-90, og ellefu sekúndur lifðu af þess-
ari annarri framlengingu. Haukar hófu
sókn og boltinn gekk hratt manna á
milli og endaði að lokum hjá Reyni
Kristjánssyni sem lyfti sér upp og sendi
knöttinn rakleiðis í körfu Njarðvík-
inga og tryggði Haukum um leið
fslandsmeistaratitilinn.
í upphafi voru margir vantrúaðir á
að Pálmari Sigurðssyni tækist að sam-
eina þjálfun samfara því að leika með
liðinu en annað hefur komið á daginn.
í gærkvöldi lék Pálmar eins og sá sem
valdið hefur og skoraði 43 stig og var
hreint óstöðvandi. Ekki má heldur
gleyma Hálfdáni Markússyni sem hef-
ur unnið frábært starf og á ekki minna
í þessum fslandsmeistartitli. ívar
Webster reyndist Haukum betur en
enginn á lokasprettinum. ívars verður
ekki síst minnst fyrir hreint ótrúlega
sterkan varnarleik í gærkvöldi þar sem
hann hirti yfir 20 fráköst. Þcir Henning
Henningsson og ívar Ásgrímsson voru
frábærir. Henning er með baráttugl-
öðustu leikmönnum landsins, gefst
aldrei upp og hvetur félaga sína áfram.
fvar sýndi af sér ótrúlega hörku og lék
með í úrslitunum þrátt fyrir að eiga við
meiðsli að stríða og það munaði um
minna. Ólafur Rafnsson og Ingimar
Jónsson sýndu það í þessum úrslita-
leikjum að þeir eru leikmenn sem ekki
bregðast þegar á reynir. Reynir Kris-
tjánsson letraði nafn sitt og Hauka á
spjöld sögunnar með síðustu körfunni
á Islandsmótinu í ár. Ekki má heldur
gleyma þeim tryggva Jónssyni, Sveini
Steinssyni og Skarphéðni Eiríkssyni,
allt eru þetta ungir leikmenn sem hafa
staðið sig með mikilli prýði og eiga
framtíðina fyrir sér.
Frá aðalfundi Sparisjóðsins, Matthías A. Mathiesen, formaður stjórnar, ávarpar fundinn.
Aóatfundur Sparisjóðs Hafnarfjarða n
Hagnaour 37 millj.
Aðalfundur Sparisjóðsins var haldinn þann 14. apríl sl. fyrir rekstr-
arárið 1987. Hagnaður af rekstri sjóðsins nam 37,1 millj. kr. eftir
álagningu tekjuskatts og eignarskatts, sem samtals námu 28,6 millj. kr.
Innlánsaukning var 38,6% frá upphafi til loka ársins, en meðaltals-
aukning innlána hjá bönkum og sparisjóðum nam 35,8%. Jókst því
hlutdeild Sparisjóðs Hafnarfjarðar
árinu.
Rekstrartekjur Sparisjóðsins
voru 506,7 millj kr. 1987, saman-
borið við 262,3 millj. kr. árið
áður. Rekstrargjöld námu 440,9
millj. kr. á árinu en 248,9 millj.
kr. árið áður. Hagnaður fyrir
áætlaðan tekjuskatt og eignar-
skatt var 65,7 millj kr. Reiknaður
tekjuskattur nam25,2millj.kr. og
eignarskattur 3,4 millj. kr.
Heildarinnlán sparisjóðsins
voru í lok árs 1987 1.564,8 millj
kr. og nam aukning þeirra 38,6%
á árinu. Útlán sparisjóðsins í lok
ársins voru 1.354,3 millj. kr. og
nam aukning þeirra 48,2% frá
upphafi til loka ársins. Útlán veð-
deildar voru í árslok 110,5 millj.
kr. eða sem nemur 7,5% af útlán-
um samtals. Lántökur veðdeildar
í lok ársins voru 79,0 millj kr., en
deildin stóð fyrir tveimur skulda-
bréfaútboðum með gjalddögum
eftir eitt ár og upp í fimm. I lok
ársins hóf deildin einnig útgáfu
í heildarinnlánum bankakerfisins á
„skammtímabréfa", sem hvert er
með einum gjalddaga eftir sex til
tólf mánuði.
Eigið fé sparisjóðsins í árslok
1987 var 269,9 millj. kr. og hafði
þá aukist um 75,3 millj. kr. frá
árinu áður eða um 38,7%. Sem
hlutfall af niðurstöðu efnahags-
reiknings í árslok nam eigið fé
13,0%, samanborið við 14,0% í
árslok 1986. Samkvæmt lögum
um banka og sparisjóði má eigið
fé í hlutfalli við niðurstöðu efna-
hagsreiknings að viðbættum
ábyrgðum og að frádregnu eigin
fé, peningum í sjóði, innstæðum í
Seðlabanka og öðrum bönkum,
ekki vera lægra en 5,0%. Eigin-
fjárhlutfall Sparisjóðs Hafnar-
fjarðar reiknað samkvæmt lögum
þessum var í árslok 1987 18,7%,
en hafði þá lækkað úr 21,3% frá
árslokum árið áður. Kemur þessi
lækkun til vegna meiri aukningar
innlána og umsvifa veðdeildar en
kr.sLár
aukning hagnaðar nam á árinu.
Stjórn Sparisjóðsins var endur-
kjörin á fundinum, en hana skipa:
Matthías Á. Mathiesen, formað-
ur, Stefán Jónsson, varaformað-
ur, Árni Grétar Finnsson, Ágúst
Flygenring og Hörður Zóphanías-
son.
Frá
ritstjóm
Þetta eintak Fjarðarpósts-
sins er annað blaðið sem sent
er út samkvæmt nýju áskrift-
arkerfi. Enn er unnið skipu-
lega að söfnun áskrifenda og
er stefnt að því að hafa sam-
band við öll heimili í bænum.
Það er von Fjarðarpósts-
ins, að blaðið berist til allra
áskrifenda tímanlega en fari
útburður forgörðum ein-
hverra hluta vegna vinsam-
legast hafið samband við rit-
stjóm í síma 651745 eða
651945 (símsvari eftir lokun
skrifstofu).