Fjarðarpósturinn - 20.04.1988, Blaðsíða 5

Mikill mannfjöldi á opnu húsi lönskólans 60 ára:
Vaxandi áhugi á
hagnýtu iðnnámi
Mikill mannfjöldi sótti heim
Iðnskólann á opnu húsi sl. laugar-
dag, en skólinn kynnti þar starf-
semi sína í tilefni af 60 ára afmæli
sínu. Var að sjá af gestakomum,
að hagnýtt iðnnám nýtur nú vax-
andi hylli og þurftu gestir margs
að spyrja og skoða. Iðnnemar
tóku vel á móti gestum og gang-
andi, boðið var upp á kaffi og
meðlæti, auk þess sem ýmislegt
var til gamans gert, svo sem
tískusýning.
Kynningin fór fram í húsnæði
skólans við Reykjavíkurveg, enn-
fremur í verknámsdeildum við
Flatahraun. Kynnt var allt
almennt iðnnám svo sem hár-
greiðsla, almennt iðnnám, tækni-
teiknun og tölvuteikning, en þess-
ar greinar eru kenndar við Reykja-
víkurveginn. í verknámsdeildum
báru iðnnemar sig faglega við
rafiðn, málmiðn, málmsuðu,
tréiðn og sjálfvirkni og gáfu inn-
sýn inn í dagleg störf sín.
Hér birtast með svipmyndir frá
opna húsinu, en myndirnar sýna
best, að ekki var komið að tómum
kofanum hjá hafnfirskum iðn-
nemum á laugardag.
GVENDUR GAFLARI:
Deilumál fáránleikans
Umræðan um bjórinn er orðin
löng og hatrömm, og oftast fár-
ánleg. Slæm áhrif bjórsins á alit
mannlíf í landinu hafa verið
dregin upp sterkum orðum. Ekki
skal því mótmælt að sterkur bjór
geti haft slæm áhrif. En það er
með ólíkindum hvað hann hefur
mikil áhrif án þess að hann sé
drukkinn.
Bjórinn setur marga ágæta
menn gjörsamlega úr jafnvægi
aðeins með því að um hann sé
rætt. Það eru meiri og sterkari
áhrif en við mátti búast. Vonandi
er ákvörðunin um bjór eða ekki
bjór skammt undan svo að menn
geti farið að láta heift og stóryrði
renna af sér.
Það er athyglisvert og
umhugsunarvert að slík mál
skuli ætíð trufla störf Alþingis
frá öðrum brýnni málum. Hug-
myndin um þjóðaratkvæða-
greiðslu virðist í fljótu bragði
fáránleg, því til þess er fólk kjör-
ið til setu í löggjafarsamkund-
unni að það taki ákvarðanir.
Ákvörðun um þjóðaratkvæða-
greiðslu beri aðeins vott um að
Alþingisfólk þori ekki að taka þá
afstöðu sem því ber að gera með
eða á móti.
Þeir virðast vita mest um bjór
og slæm áhrif hans sem aldrei
drekka bjór. Þetta fólk virðist
hafa sig í frammi í viðkvæmri
ákvörðun. Það eru kannski líkur
á að þetta fólk viti betur um vel-
ferð allra hinna og að það sé
bindindisfólkið sem eigi að ráða
ferðinni einhliða. Ekki vil ég
leggja dóma á það. En mér er
spurn, myndum við nokkurn
tíma láta okkur detta í hug að
fela fólki sem aldrei hefur tekið
bílpróf semja umferðarlög?
Það virðast margir telja sig
sjálfsagða til að leggja öðrum
lífsreglur og kenna þeim að lifa.
Auðvitað eru tvær alvarlegar
hliðar á þessu fáránlega máli og
bjórinn getur haft skuggalegar
hliðar en það hefur allt annað
áfengi einnig.
Ekki má gleyma því að það er
þegar mikið um bjór í landinu
sem kemur með ferðamönnum,
sjómönnum og flugmönnum.
Einnig mun vera nokkuð um að
fólk framleiði sjálft ágætan bjór
til heimabrúks. Það má lengi
deila um bjórinn, hann er bæði
góður og vondur. Um það má
rífast endalaust en umræðan um
bjórinn er orðin fáránleg og hef-
ur skyggt á umfjöllun og úrlausn-
ir annarra og brýnni mála.
Það er mál að linni.
Annað deilumál virðist einnig
seint ætla að taka enda og hefur
einnig tekið á sig fáránlegustu
myndir og það er allt orðaskakið
um ráðhúsbyggingu þeirra
Reykvíkinga. Við gaflarar get-
um svo sem látið okkur fátt um
finnast. Við vonum bara að slík
deilumál eigi ekki eftir að vakna
upp í okkar byggðarlagi.
Það er þó bót í máli að sú deila
hefur á sér broslegar hliðar því
alltof oft eru algjör auka-atriði
gerð að aðal atriðum. Krafan um
rannsókn á lífríki Tjarnarinnar
er stórkostleg. Ef af verður að sú
rannsókn fari fram kemur lík-
lega sterkt í ljós hverjir eru lífs-
hættir og þarfir hveitibrauðs-
andanna sem setja svip sinn á
Tjörnina. Fátt yrði skemmti-
legra og myndi vafalaust auka
almenna þekkingu allra lands-
manna í náttúrufræði.
Davíð borgarstjóri virðist
röggsamur maður og lætur ekki
mótmælahópa setja sig úr jafn-
vægi. Hann er áberandi í fjöl-
miðlum, klippandi á borða og
takandi skóflustungur vítt og
breitt í umdæmi sínu. Líklega
stjómsamur vel og ákveðinn í
skoðunum. Hann er vís til að
koma ráðhúsbyggingunni á skrið
hvað sem tautar og raular.
En umræðan um ráðhúsið er
orðið langvinnt og útjaskað deilu-
mál og hefur öll þessi umræða
orðið til að sk; wgja á og tefja
framgang annarra brýnna þjóð-
félagsmála.
Það er mál að deilur um bjór
og ráðhús taki enda. Það er
margt annað nauðsynlegra um
að deila. Það er í rauninni mikil
furða hvað oft rísa upp fáránleg
deilumál af miklum tilfinninga-
hita og fjálgleik. Ósjálfrátt kem-
ur upp í hugann deilan um friðun
riúpunnar á sínum tíma og inn-
flutning á minkum. Nú virðast
allir vera búnir að gleyma þeim
dægurflugum sem betur fer.
Hvað skyldi verða næst sem
skemmtileg og fáránleg deilu-
mál?
Gvendur gaflari
5