Fjarðarpósturinn - 20.04.1988, Blaðsíða 7
Sungið og dansað í kringum eldinn.
Tónlistarskólinn:
Bamaóperan Eldmeyjan
frumsýnd á föstudagskvöld
Tónlistarskólinn setur upp barnaóperuna Eldmeyjuna og verður hún frum-
sýnd í Bæjarbíói n.k. föstudagskvöld kl. 20.30. Stjórnandi er Guðrún
Asbjörnsdóttir. Aðgangur er ókeypis og allir velkomnir. Óperan Eldmeyjan
er eftir Róbert Long og er hún flutt í þýðingu Guðfinnu Dóru Ólafsdóttur. Á
milli 30-35 börn úr Tónlistarskólanum syngja í óperunni og í hljómsveitinni
verða 10 börn sem leika á þrjár fiðlur, tvo gítara, tvær klarenettur og þrjú
slagverk. Stjórnandi hljómsveitar er Kristjana Þórdís Asgeirsdóttir.
Fjarðarpósturinn heimsótti krakk- þau hlökkuðu mikið til frumsýningar-
ana á æfingu í Tónlistarskólanum um
síðustu helgi. Söngur þeirra barst nið-
ur stigann og var auðheyrt að þau
lögðu sigöll fram. Við spjölluðum við
þau í stuttu hléi um verkefnið. Þau
voru sammála um að verkefnið væri
skemmtilegt og sögðu í einum kór, að
innar. Aðspurð um, hvort þau ætluðu
að verða óperusöngvarar, þegar þau
stækkuðu sögðu þau einum rómi:
„Nei“ - og enginn fékkst til að lýsa
löngun sinni til að syngja síðar meir í
Scala-óperunni, eins og Kristján
Jóhannsson.
Að sögn stjórnandans Guðrúnar
Ásbjörnsdóttur hafa krakkarnir áður
komið fram opinberlega. Þau settu
upp helgileik um síðustu jól og tóku
ennfremur þátt í kóramóti á síðasta
ári. Þetta er fyrsta óperan sem þau
setja upp.
Söguþráðurinn gerist í Rússlandi
og fjallar um eldmeyna og gamlan
mann, sem ver ævi sinni í leit að gulli.
Krakkar í þorpi einu koma mikið í
sögu en ekki er vert að lýsa sögu-
þræðinum nánar því sjón er sögu rík-
Þessir krakkar synja einsöngshlutverk í óperunni.
6
Hafnarfjaröar Apótek 70 áræ
„Aberandi hversu Islending-
ar nota mikið af svefnlyfjum“
Hafnarfjarðar Apótek er 70 ára. Það var 21. apríl árið 1918 sem
lyfjabúð Sörens Ringsted Jensen Kampmann var opnuð á götuhæð í
húsi Þórðar Edilonssonar héraðslæknis að Strandgötu 29, þar sem nú
er Sjálfstæðishúsið. Þórður hafði áður annast lyfjasölu sem héraðs-
læknir í húsi sínu. Kampmann byggði nýtt hús yfir apótekið sem flutt
var í 1921 að Strandgötu 34 þar sem apótekið hefur verið síðan. Aðeins
þrír lyfsalar hafa þjónað umdæmi apóteksins frá upphafi. Sverrir
Magnússon tók við af Kampmann 11. október 1947 og núverandi lyf-
sali, Almar Grímsson, tók síðan við stöðunni um áramótin 1984/1985.
Hafnarfjarðar Apótek var sjö-
unda apótekið sem stofnsett var á
landinu og þjónaði stóru lands-
væði í upphafi. Nú eru tvö apótek
í Hafnarfirði sem kunnugt er, en
auk Hafnarfjarðar Apóteks er
apótek í Norðurbænum. Hafnar-
fjarðar Apótek hefur verið til
húsa að Strandgötu 34 allt frá
árinu 1921 en mjög miklar breyt-
ingar hafa verið gerðar á húsinu á
síðustu árum, eins og Hafnfirð-
ingum er kunnugt. I tilefni af 75
ára afmæli Hafnarfjarðarkaup-
staðar árið 1983 afhenti Sverrir
Magnússon fyrrverandi lyfsali
kaupstaðnum húseignina og mál-
verkasafn að gjöf með því fororði
að þar yrði byggð upp menningar-
og listamiðstöð. Húsið hefur hlot-
ið nafnið Hafnarborg og er þessa
dagana verið að vinna að gerð
skrúðgarðs við húshliðina í tilefni
af 80 ára afmæli bæjarins 1. júní
n.k.
Forvarnarstarf
lyfjasala aukið
Almar Grímsson núverandi lyf-
sali hefur síðustu árin unnið mikið
á alþjóðavettvangi, m.a. hjá
Alþjóða heilbrigðismálastofnun-
inni og á vegum heilbrigðisráðu-
neytisins. Við ræddum við Almar
í tilefni af afmælinu og var hann
fyrst spurður, hvort ekki hefðu
orðið miklar breytingar á lyfsölu á
þeim tíma sem Hafnarfjarðar
Apótek hefði starfað. Hann kvað
svo vera og sagði til að mynda, að
öll meðalagerð væri nú minni en
áður. Það væri helst að framleidd
væru sérhæfð lyf fyrir húðsjúk-
dómalækna og nokkrar tegundir
mikstúra og upplausnir til sótt-
hreinsunar.
Almar sagði einnig, að stefnan
varðandi lyfsölu væri að lyfjasölur
tækju meiri þátt í forvarnarstarfi
ýmis konar. Hafnarfjarðar Apó-
Almar Grímsson lyfsali, lengst til hœgri, ásamt tveimur af lyfjafræðingum sínum, þeim Sverre Valtýssyni
og Guðborgu Þórðardóttur.
tek hefði til dæmis tekið upp á
ýmis konar nýbreytni á því sviði
svo sem sérstakan tannverndar-
dag o.fl. Þá er í Hafnarfjarðar
Apóteki sérstakt viðtalsherbergi.
Við spurðum Almar til hvers það
væri nýtt. Hann sagði þá þjónustu
til dæmis fólgna í að upplýsa kon-
ur um niðurstöður þunganaprófa.
„Við tökum jafnvel þungunarpróf
fyrir framan konurnar og leyfum
þeim að fylgjast með. Þetta eru
ætíð viðkvæm mál og mikilvægt
að fara varlega með slíkar niður-
stöður. Þá getur fólk leitað til
okkar eftir öllum upplýsingum
varðandi lyf og rætt við okkur í
trúnaði. Það kom til dæmis kona
hingað fyrir skömmu með meðöl
mannsins síns og leitaði upplýs-
inga. Henni fannst lyfin of mörg
og vildi ganga úr skugga um að
ekkert hættulegt væri á ferðinni.
Þetta er þjónusta sem er að aukast
og fólk getur komið hvenær sem
það vill á opnunartíma og rætt við
okkur."
Hluti starfsfólksins Hafnarfjarðar Apóteks fyrir innan búðarbarðið.
Óvæntur glaðningur
Fremur dræm þátttaka var í páskakrossgátu Fjarðarpóstsins og
svörin sem bárust voru ekki öll rétt. Reyndar voru aðeins tvö
þeirra eins og þau áttu að sér að vera.
Þeir sem skiluðu inn réttum lausnum voru Soffía Karlsdóttir,
Breiðvangi 53 og Kristín Gunnbjörnsdóttir, Sléttahrauni 30. Báð-
ar unnu þær sér inn ókeypis áskrift að Fjarðarpóstinum til ára-
móta. Fjarðarpósturinnóskar þeim til hamingju með glaðninginn.
Svona rétt í lokin er ekki úr vegi að geta þess að lausnarorð gát-
unnar var „Árangur“.
Sverrir Magnússon forveri Almars við afgreiðsluborðið íapótekinu eins
og það leit út þá. Myndin er talin verafrá árinu 1947 eða 1948.
Fólk komi með lyf
til eyðingar
Það kom ennfremur fram í við-
talinu við Almar að apótekið hef-
ur kannað hversu mikið er til af
meðölum á heimilunum og fengið
fólk til að koma með meðala-
birgðir sínar í apótekið til eyðing-
ar. Hann sagði algengt að fólk
geymdi lyf, hætti jafnvel í miðjum
klíðum með meðalaskammta og/
eða fengi nýjar tegundir. Hvatti
hann fólk til að koma í' apótekin
með meðöl til eyðingar því ætíð
væri hættulegt að henda lyfjum.
Mengunarhætta væri ætíð sam-
fara en apótekin hefðu aðstöðu til
að eyða þeim án aukaverkana.
Ennfremur væri oft um dýr meðöl
að ræða sem nýta mætti á ný, ef
innsigli hefðu ekki verið rofin.
Varðandi misnotkun á lyfjum
sagði Almar að sér fyndist að ekki
bæri mikið á því í umdæmi Hafn-
arfjarðar Apóteks, enda væru
læknar í Hafnarfirði mjög vand-
virkir og athugulir. Þó væri áber-
andi, hversu margir virtust þurfa
svefnlyf, sérstaklega ef miðað
væri við aðrar þjóðir. Varðandi
framtíð Hafnarfjarðar Apóteks
sagði Almar, að hann myndi beita
sér fyrir auknu forvarnarstarfi.
Það væri til dæmis fyrirhugað að
fram færi könnun á því, hvernig
börn bregðast við sýklalyfjum.
Varðandi börn og lyf sagði hann
ennfremur, að fræða mætti um
hvernig best væri að gefa börnum
lyf, hverju þyrfti að huga að
o.s.frv. Hann sagði lyfjafræðinga
sína vera í góðu sambandi við
lækna heilsugæslustöðvarinnar og
að þeir hefðu fundað um hvaða lyf
bæri að velja og fleira sem varð-
andi samvinnu þeirra. Þá sagði
hann að samband apóteksins við
gamla og sjúka bæði á stofnunum
og heimilum væri gott og að þeir
legðu mikið upp úr því að það
samstarf yrði sem best.
Almar Grímsson sagði að
lokum, að hjá Hafnarfjarðar Apó-
teki störfuðu nú 19 manns og er
meðalstarfsaldur 17 ár. Auk Alm-
ars starfa þar þrír lyfsalar. Afmæl-
isins verður minnst með heimilis-
legum hætti að sögn Almars með
hófi starfsmanna.
HAFNFIRÐINGAR ATHUGIÐ
MÓTTÖKUSTAÐIR ERU
: . Tréborg, Reykjavíkurvegi 68
Steinar, Strandgötu 37
Söluturninn Miðvangi
. ATH.I Ekki.lengur í
Bókabúöum. Böðvars